روايـة غيبــوبه للكاتبـه:أروى الـطاهر المسلاتي (بنوتـةلشيـخ )♥️🔥

غيبوبة

اسفه عاودت نشرت الحلقه الاولة لأنه متسحت مني بالخطأ 💔

حلقه 1(المقدمه)

يوم 10/9/2016
هنادي :حاسه بي نفسي وعيت ..فجأه قدرت نسمع الاصوات يلي جنبي كأني كنت غارقه ف بحري وطلعت منه حاولت نفتح عيوني مقدرتش حاولت اكتر من مره لين اخيرااا
فتحت جفوني بس الرؤية عندي كانت مضببه قعدت نحاول نحرك ايدي مره واتنين والف لين قدرت نحرك صوابعي شوي شوي رمشت عيوني ببطئ اكتر من مره لين اخيرا اقدرت انشوف كل شئ
كنت راقده وجسمي معلق فيه خيوط كل مكان حتا فمي كان منضر ايخوووف منو انا ؟ شن اندير اهنايا ؟وشن الحالة الي كنت فيها ؟ !!وقداش ليا ع السرير هدا ؟...مكنتش مذكرة اي شئ كأني مولود جديد .....مكنتش عارفة ليش مش قادرة نحرك جسمي عادي
قعدت انشوف لصقف الغرفة يلي انا فيها بس بعد اشوية سمعت صوت ...يااااا كأن اول مرة نسمع صوت انسان

الممرضة ؛اففف عارفة اقسم با الله لكن قالي دكتور انور وراه وراه لين اينحيه من المصحة
الممرضة 2؛مسكت رجل هنادي وبدت تحرك فيها ...ياريت ع الاقل نرتاحوا

الممرضة :قعمزت ع الكرسي تشوف لتليفونها والممرضة التانية ادير ف تمارين روتينية لهنادي

هنادي ؛مكنتش قادرة نتكلم لساني رزييييييين هلبا مش قادرة اندير شئ غير فتح اعيوني وتحريك صوابع يدي

الممرضة :مكانتش امركزة ف وجه هنادي وتابعت تمارينها لين وصلت ف يدها هنادي

هنادي ؛اضغط با الشويه ع يد الممرضة

الممرضة :شافت لوجه هنادي وعيطت با صوت عااااااالييييي لما شافت هنادي فاتحة اعيونها طلعت بسرعة من الدار ولحقيتها الممرضة التانية تجري

وماهيا الا تواني بس واجتمع الفريق الطبي امتع المصحة كامل با قيادة بروفيسور تونسي .
خشوا للغرفة وهما في حالة دهول ...جديات هنادي فاقت من الغيبوبة بدت الفوحوصات ومحاولة التواصل معاها وكانت هنادي تستجيب شوي شوي

روايــــــــاتٌ بـــــــنُـــووِتــةُّ🔥
🔥الشِـــيــــــــخ
اروى الــــطـــــاهــــــــر المــــســــلاتــــٰــــي 🔥
🔥

الصدمة الكبيرة كانت ف حوش اهل هنادي محدش منهم كان مستوعب معقولة بنتهم فاقت بعد غيبوبة سنتين ؟!...معقولة ناضت منها بعد ما خلاص اعتبروها ميته 💔كانت معجزة بجديات

ممر المصحة تعبئ ف دقايق عيلة كاملة واقفين منتضرين ايشوفوا هنادي وامها تبكي من الفرحة اخيرا ربي استجاب دعواتها يلي كانت شبه مستحيلة❤️.

- ــــــــــــــــــــــــــــــــــــــــــــــــــــــــــ

بدت هنادي تستجيب لكل شئ محيط بها بدي نفسها منتضم ونحوا من علها الاكسجين خلاص تتنفس بروحها ......قعدت مع بروفسير يوم كامل مع جسمها لين قدرت تحرك رجلها وتقعمز ❤️...ولما لاحظ انها بدت ف تحسن خلاها ترتاح وسمح لاهلها با الدخول

البروفسر :معليش لوسمحتم بدور متخشوش علها مع بعضكم
حفصة (امها ) :انااا انا نبي انخشلها
محمد (بوها )؛خشي انتي الاولة
حفصة :خشت لغرفة هنادي با لهفة علي بنتها ❤️

انصدمت لما شفتها مقعمزة بدون طوبوا ف فمها وبدون الف خيط ف جسمها زي كل مرة فاتت .. متحكمتش ف اعصابها وبدت تبكي وتحضن فيها

اما هنادي بدت الذاكرة ترجعلها ف لحضااات ذكرت امها وعيلتها وبدت تبكي حتى هيا بس مش قادرة تتكلم بسهولة

خشت العيلة كلها للغرفة صرخات فرح علي بكي ودموع فرح برجعة هنادي بعد ما خلاص فقدو فها الامل ..

- ــــــــــــــــــــــــــــــــــــــــــــــــــــــــــ
هنادي مواليد 93 دكتورة اسنان لكن خدمت شهور ووقف عندها زوز خوات هديل اكبر منها وراوية اصغر منها وعندها اخ واحد (يونس )

مواصفاتها عادية ...حنطية عيونها كبار ونقشها ع الاسود لكنً محلاها ♥️

صاحبتها اتنين بس بنت عمها نسيبة حتا هيا دكتورة اسنان من نفس دفعتها وصاحباتها تانية ازدهار .

روايــــــــاتٌ بـــــــنُـــووِتــةُّ
الشـــيــخُ🔥
اروى الــــطـــــاهــــــــر المــــســــلاتــــٰــــي 🔥
🔥

كانت الخرفة زحممممممة خوات هنادي وعمامها ونسيبة بنت عمها كانت في فرحة مش طبيعية ومرضتش اتخلي هنادي نهائيااا

نسيبة ؛ماسكة يد هنادي بقوة ...كنت عارفة انك رح تفيقي ف كل مرة انجيك فها ♥️
كنت كل اسبوع لازم انمر عليك ونقرالك شويك قرأن ونهدرزلك كل شئ صاير معاي .....كنتي تسمعي فيا ؟

هنادي : تبتسم وتضغط شوي ع يد نسيبة
نسيبة:حسيتي بيا صح
كميلة (أم نسيبه ): ياسر يابنت خلي هنادي ترتاح

نسيبة:فرحاااانه 😭😭
راوية :فرحاانه اكتر مني اناا اختها 😂

- ــــــــــــــــــــــــــــــــــــــــــــــــــــــــــ

بدت الزحمة اتخف شويا مع الساعة 10فليل وقعد مع هنادي امها ونسيبه بس اما الباقي روحوا وبدت هناادي تدكر شن صاار معاها بالزبط .

يوم 1/1/2014
هنادي ركبت السيارة...حبيبي افتح المكيف ع السخون صقع
عبدو :مسك يد هنادي ...مرتي الحلوة صقعانة وأنا جنبها
هنادي :ابتسمت
عبدو :خلي نحتفلوا بأول سنة من زواجنا وبعدين نخطموا ع أمك
هنادي:ان شاء الله ياعمري
عبدو :بدي يعلي في الموسيقا شوي شوي ويجري
هنادي :تضحك ...بشوية مطر
عبدو :يشوف لي هنادي وقرصها من خدها ....
فجأة تطلع قدامهم سيارة تخلي عبدو يشد فرين وتنقلب السيارة مرتين 💔

حفصة :وين سارحة هنادي ؟
هنادي :بدوا دموعها ينزلو بدون ماتحكي وتذكر في تفاصيل عرسها وتفاصيل عبدو وحبهم
الكبير .
نسيبة تمسح في دموع هنادي ...خيرك ؟
هنادي :تتكلم بصعوبة ...عع بي ع بدو و
ووين ؟
حفصه :..... يتبع

هاذي مقدمة قصيره عشان نعرف بي الشخصيات وبداية القصه
الحلقة الثانيه يوم الاحد وبعدين بنبدا انزل
بي انتضام كل يوم حلقة او اثنين اما بكرا
مش رح انزل عشان الناس يلي. مقرتهاش
اليوم تقراها غضوا

الروايه رح يكون فيها شوية غموض واسرار
يالله وروني كم تجيب تفاعل باش نكملها ❤️