قدر مطلقة (مكتملة و قصيرة جدا )

الجزء الخامس

💄أميرات ديزني💄
💋قصة قصيرة 💋
💅قدر مطلقة 💅
👑oumauma mega 👑
✍6✍

سيف جالس في الكرسي ديالو و مخرج فيها عينو ... مزال كيف كانت عقد حجبانو فيها ... حنان كتشوف فيه و تريعدة شداها و فحالة رجع بيهم زمن للنقطة لي تلاقاو فيها ...حتى هضر واحد من اللجنة : انسة حنان ...عاد قفزت و تمشات للعندهم مرعودة و جلست و مخلطة عليها ها الخلعة ديال لونطخوتيان مع الصدمة ديال سيف ...و هو مزال كيشوف فيها و عاقد حجبانو ...بداو تيسولو فيها و بدات تدوي و باين فيها كترعد ...بدات بسميتها و قالت ليهم سنها ...و بدا كيسولوها و هي شداها الدوخة مجاوبت تقريبا على حتى حاجة وولات كاملة حمرة ...سيف شبك يدو عليها وغير كيتفرج فيها ما هضر ما والو ... دوزت داك لونطختيان كي المرض و في لخر خرجت كتلعن في الزهر لعندها حيت باين من وجههم ما عجبتهمش ...و مشات خارجة من الشركة خدات طاكسي نيشان لدارهم ...دخلت طالع ليها الدم ...مازدق زواج مازدقت لا حياة و دابا الخدمة تهيا مزادقاش مكتاب عليها تشد الركنة في دارهم ...مشات لبيت بدلت و خبات لباس لماليهم و خرجت تغسل للماعن على قلبها وتفكر في صدفة لي لاقاتها ليوما بسيف بعد هاد لمدة كاملة تلاقات بيه وهو خدام في ديك شركة مكرهتش تعتادر منو حيت كانت برهوشة وبهدلاتو بديك طريقة ولكن فين غتلاقا معاه عوتاني واصلا غيكون نسا كاينة غير هي يبقا عاقل عليها .....صافي بقات هضرة تديها وهضرة تجيبها حتى سالات حتى مها مسولتش عليها غير مرت خوها سلمى لي جالسة و الدور عليها فحال الباطرونة ... دوزت داك نهير باش ماعطا الله قالت لصحابتها مدوزتش مزيان و طوات هاد الصفحة ... شي يومين هاكا كانت تتنشر للفوق في السطح حتى صونا ليها تليفون نوكيا بيل في جيبها هزت جاوبت قالو ليها راك تقبلتي في الشركة ...تصدمت كثر ما فرحت حيت مدارت والو و قالوليها على الوراق لي تجيبهم ....قطعو عليها و باقا مبلوكية واقفة عاد بدات تبسم و تفرح هزات جلايلها و نزلت كتجري للعند مها لي جالسة في البيت تلاحت عليها تضحك و تتقوليها قبلوها في الخدمة
سعيدة : و ديالاش هاد الخدمة ؟ ابنيتي
حنان كضحك : ههه لي دوزت فيها الامتحان ديك النهار اماما ههه و اخيرا هههه
سعيدة : و انا هاد الخدمة باقي مقلتهاش لا لبوك لا لخوك نخافهم مابغيوش
حنان نزلت الضحكة : بغيت تانا نخدم ا ماما و نجمع راسي منبقاش هاكا
سعيدة : واخا نشوفو نيت هاد الخدمة فين غتوصلنا معاك راه نلقاك تديري شي حاجة خايبة منفككش منهم ...حنان كتشوف فيها وهاد لهضرة شحال حرقتها في قلبها ولكن معندها متدير ... ناضت للغد ليه في الصباح مشات عند صحباتها يجريو يصايبو ليها الوريقات ها في القيادة ها الفوطوكبيات ....ماوصلت ل11 حتى مشات للشركة و حطات الدوسي ديالها عندهم و الضحكة ضاربة ليها من الحنك للحنك كين أمل في حياتها و دارو معاها تجي غدا ...ايوا مشات عند صحابتها فرحو احتافلو تاني في الشقة ... سلفوها الحوايج ...ورجعت للدارهم لقات الصداع مع البرهوش ديال خوها سفيان على هاد الخدمة و سعيدة تفك فيه اما تا باها غير جالس و يعير في سفيان على ختو ....و سلمى جالسة و تفرج
سفيان : شناااهيااا هاد الخدمة ا لالة لي غادي تبقاي خطي بيطي ليها
حنان : لا بغيتي غدا يلاه معايا و تشوف بعينيك ....بقات معاه مني منك حتى خرجو بحل غدا غيمشي معاها غدا يوصلها