قدر مطلقة (مكتملة و قصيرة جدا )

الجزء السابع

💄أميرات ديزني💄
💋قصة قصيرة 💋
💅قدر مطلقة 💅
👑oumauma mega 👑
✍10✍

صافي سلات الخدمة ديالهم ....خرج سيف قدام كلشي وهو شاد من يد حنان عيات تحيدها ليه و دور في عينيها بين لموضفين لي كاملين مخرجين فيهم عينهم بصدمة حيت دايما كيشوفو لمدير ديالهم كيعيرها ....حتى نزلها و طلعها في الطموبيل ديالو ناضية ...و طلع هو
حنان : علاش درتي هاكا غادي يفكرو بيا بطريقة خايب الموضفين
سيف كيسوق بيد وحدة و يد ثانية شد بيها يدها : من بعد و غادي يعرفوك مرتي
حنان : ياااك عارفني م مطلقة
سيف دار عندها و تبسم ليها : و من بعد اهم حاجة عندي نتي ....و طلع يدها باسها ليه هي بقات كتشوف فيه و قلبها كيدق دقات الحب عوتاني واخا عندها تخوف انها تبدا مرحلة جديدة و يوقع ليها نفس الحاجة ....داها لكافي انيقة بزاف محجوزة ليهم لاطبل ....دخلها و هي بقات غير كتشوف و هو شاد منها و ناس تما راقيين جلسو طلب ليها اطباق بقاو كياكلو و كيهضرو و كيعرفها على راسو كثر حيت تقريبا عارف كلشي عليها ...حنان مرة كتجاوب مرة كتبسم مرة كتحشم فاش كيغازلها ... عاد خرجو من تما ...كان واقف بعيد عبدو شرطي المرور و دار و قشع حنان خارجة كضحك و هي في احضان سيف لي كيتبسم ليها ...و دخلها للطموبيل و دار كيسوق ...عبدو بقا مجبد عينو مصدوم و عاد الطموبيل لي طالعة ليها اخر ماكين ....سيف شد ليها في يديها بابتسامة جانبية : يخليلي لي كيضحك
حنان شادة من يدو و حشمت وهي كضحك....و دار كسيرا و وقف في الفوروج ...حدا عبدو لي علاين يدخل راسو عندهم ...حنان دارت صدفة شافت في شرجم وهي تلقا عبدو واقف مخرج عينو فيها وهي تحول عينيها للسيف كتكره حتى شوفة فيه ...و سيف باس ليها يديها قدامو ...و زادو مخليين عبدو من موراهم كيغوت عليه الشاف ديالو و هو واقف مسمر
مشا سيف بحنان حتى للقدام الدرب ...و حنان غير تدور في عينيها و تطلب ربي ميكونش سفيان هنا ...ودعت سيف و غير خرجت حتى وقف عليها سفيان كيف ملاك الموت مخرج فيها عينو : الحماااااااارة جالسة تقحبنييييييي علييييناا ....و جمعها من دراعها حتى ولات ترعد : لا لااا ا خويا ماشي هاكا ...هو ينزل ليه سيف مخنزر : اييه طلق منها ...سفيان بغا يطير عليها بقجة ....ساعة سيف جمعو من عنقو بقجة : غنوري موووك شنهيا تقيسها
سفيان : ناريي ليوما غادي نصفيها لخويا
حنان بيناتهم كتشوف في سيف : راه خويا خويا ...سيف غير سمع خويا طلق منو ...سفيان مقدش على سيف دار هز حنان من دراعها يحلف و يعاود تا غيقتلها في الدار ... و تبعهم سيف و الدرب كيتفرجو دخلها للدار و سيف دخل معاهم و جر لبرهوش من الكول ديالو
سفيان : و جاااي تابعنيي مم لفوق....سيف لوى لييه دراعو حتى كان غادي يكردها ليه و لصقو مع الحيط و مخنزر : غاتسكت و لا لاااا ... سفيان و لا غير يغوت ...حنان مخرجة عينها عاد خرجت سعيدة تندب : اويلييي هادااا هاجم علينا و مهرس ليا ولدي
حنان معرفت مادير : ماما هادا مديري
سيف : انا غادي نشرح كلشي ...و طلق من سفيان
سفيان : هااااد البرهوشة ...سيف نزل على مو قرفدو و شدو من قرفادتو مزير عليه : واش مغتسكتش نتا ....سفيان تزير مقد يحرك راسو و شاد من دراعو
سعيدة مصدومة : كيفاش مديرك
حنان : موول شركة ا ماما
سعيدة : ااااه مرحبا اسيدي دخل دخل سمح ليا مكنتش عارفة ... حنان غير دور في عينيها و سيف دخل و في يدو سفيان حلف لا طلقو تهو ولا كي المشة في يد السبع
دخل لداخل لدار لقا الاب ديال حنان جالس في صالون مجايب لدنيا خبار سلم عليه باليد و كيبان عليه شخصية و جلس فوق الصداري و دارو بيه و حنان واقفة و عاضة شفايفها و كتقول ناري قفرتها
عبدو مع صحابو جالسين في قهوة و داك المنضر باقي بين عينيه
عبدو : دراري حنان ولات قحبة
دري 1 : وايلي
عبدو :وحق الله شفتها راكبة مع واحد و كيبوس في يدها و درني خاطري مبغيتهاش تمشي في ديك الطريق
دري 2 : تنتا باينة راه قبل ماتزوج بيك كانت قحبة كدور معاك عاد دابا حليتيها
عبدو : ولاهيلا بففف بقات فيا مسكينة متستاهلش
دري 3 : هههه لا توحشتيها دور معاها دير معاك شي طريح ههههه
عبدو دار عندو : صافي ازمر راه كانت مرتي مدويش هاكا
دري 3 :راه غير ضحكت الخاوة
💄أميرات ديزني💄
💋قصة قصيرة 💋
💅قدر مطلقة 💅
👑oumauma mega 👑
✍11✍

نرجعو للدار ....سيف جالس وسط ديك العائلة و كيهضر بجدية و برسمية مع الاب ديال حنان : صراحة انا جيت لهنا بغيت نطلب يد بنتكم الى كان ممكن (كلشي حال فيه فمو و سلمى كطل عليهم من البيت و تجبد في عينيها ) انا عندي شركة ديالي يعني ميسر ماليا و هي غتعيش معايا في الفيلا ديالي و الى مبغاتهاش نبدلوها (و حول عينو ليها كانت هي واقفة و باين فيها خايفة و هي كترمش فيه ) ..سعيدة مصدومة سفيان مصدوم الاب كثر مع هو لي كيدوي معاه ...اما سلمى فماتت الله يرحمها من مورا داك البيت
سيف كيشوف فيهم غير حالين فمهم كيحسابلو مبغاوش : انا مستاعد نلبي شروطكم كاملين غير ناخد حنان
الاب ديال حنان : ءءءء ههههه مرحبا مرحبا الحلال مزيان نوضو جيبو للسيد نوضو ههههه مرحبا
سفيان : ههههه وقول هاكا هههه
سيف دار عندو و تبسم و قرفدو : ههه
سفيان تعنج : عنقي درني عافاك ... حنان حشمت بابتسامة و مشات دخلت و سعيدة طلقت تزغريتة ....سلمى المسمومة مشات ديريك صونات للراجلها قالت ليه راه ختك المطلقة جابت راجل تهو جاي يجري ...لقا السيد بشهامتو و شخصيتو جالس تما سلم عليه بتصافح و هضرو معاه ....حنان دخلت لبيت ديالها كتبكي بالفرحة كتشوف وليديها كيف ستقبلوه و بغاوه عكس عبدو و حتى طريقة زوينة ....دخلت عندها سعيدة عنقتها فرحانة : هههه الله يابنيتي الله سعدك زيين ابنتييي زييييييين الله يكمل علييك ابنيتي الله شحال تعدبتي و ربي جزاااك بموول شريييكة ههههه ...و حنان تبكي في حضنها ...وحدة لي غتموت بسمها و تضرب في صدرها : اويليي على بنت الهجيج غتعيش في فيلا و انا مخليني هنا ....قراو الفاتحة بيناتهم و ولات ديالو على سنة الله و رسله ....حتى سلم عليهم باش يمشي و سعيدة نوضت حنان توصلو ...نزلت معاه من الدروج و هي حشمانة و هو كيشوف فيها : باقي خاصني نجيب الخاتم سمحيليا حيت جيت بيدي خاويين
حنان وقفت و تبسمت و حنات راسها : ماشي مشكيل هه ...وقفها للتحت و الباب مسدود و لصقها مع الحيط ...حنان طلعت عينيها كتقرق و خايفة ينزلو : اويلي سيف غادي يجي شي حد
سيف تقابل معاه : دابا كلشي عرف نتي ديالي ....و نزل كيبوس في فمها بشكل متقطع و هي كتبوس معاه و حاضيا و كضحك : ههه سيف سيف صافي ههه ... و خرجاتو بزز من الدار و مشا لطموبيلتو ...و هي سدات الباب و حطات ضهرها بابتسامة اصلا حتى في زواجها كانت كتفكر فيه ياريتها قبلاتو من لول و ها القدر رجعو ليها و غتحافظ عليه ....من بعد دارت بوم في الدرب قال قال لالة حنان غتزوج بمول الشركة ديال الخيط لي جا في الخرجة ...بقات دور هاد الخبار دور حتى وصلات للودن عبدو ...لي مرضاش حس بالنهضة في قلبو تقولي غيخسر شي حاجة منو ..و مشا ديريكت للدرب ديالها بلا عقل ....لقاها خارجة بجلابة تسخر و زيانت و تبوكصت و طالقة الشعر و تبسيمة في فمها و الخاتم غالي ديال الدهب في صبعها و سرتلة في عنقها غليضة ديال الدهب ...كلشي من فلوس خطيبها ... كلشي ولا يعطيها السلام و الاحترام في الدرب ... دازت من وحد زنيقة خاوية و هو يجرها عبدو من دراعها : حنان حنان نتي مغتزوجيش يااك انا وياك لي مكتابين لبعضياتنا ياك باقا كتبغيني و كنبغيك ياك نتي ديراها غير بلعاني باش انا نجي ياك هانا رجعت
حنان خنزرت فيه و نطرت يديها : اش كتخربق نتا علاش راجع عندي
عبدو : حنان حنان انا وياك لبعضياتنا
حنان عضت شفايفها : شفتي نتا كتاب قديييم لحتووو من مورايا و عفطت عليه و زدت شتي حتى الكره مبقيتش كنحس بيه تي جاهك و اخر مرة تبان قدامي و لا مغاديش يعجبك حال مع سيف خطيبي ... و طرطقت عينها فيه و زادت راجعة فحالها ....و هو مشا للدار ديالو و مشا كيحيح على موو و كيقطع في حوايجو و كيغوت حيت فرقوه على حنان ...و مو تابعاه كتقولو حرقات ليك شرويطة حمقاتك
و لالة حنان رجعت لدار و هزت تليفون تهضر مع خطيبها و يغازلها شوية و يسمعها الحلو و هي كضحك