احتمال تكون #غيبوبه اخر روايه ليا 👋
كنت محضره هلبا قصص قويه بعد هاذي لاكن تفاجأت اليوم بي عدد الناس يلي طلبو مني نغير اسلوبي وروايتي وانا صراحه منقدرش لان يلي يمز الكاتب ع الكاتب التاني اسلوبه وسرده
انا ديمه رواياتي نخلي في المشاكل تافها بي اسلوب كوميدي شوي ونعطي امل في الحياة نخليكم تكبدو ع البطل عشان تحسي روحك انتي بطلة الروايه ،بس يلي صدمني طلعو رواياتي بدون مغزه وبدون هدف
اكيد زي منسمع لي الناس يلي تقولي استمري بنسمع لي الناس الثانيه لان حتى هما جمهوري❤️
الناس يلي تقولي انتي ولا شي ووصلتي لي المرحله هاذي بفضل جمهورك ..اكيد بفضل جمهوري بس حتى انا تعبت عشان نكون جمهور هكي وعرضت نفسي للخطر في القصص الحقيقيه عشان نكتبها وصارتلي هلبا مشاكل ،انا خذيت بخاطر هلباااا ناس يقولولي اروى ونبي ديري روايه زي روايتك هذيكه
وندير وحده شبيهتها وكلهم يسحابوني معنديش افكار جديده ورواياتي زي بعض من غير التفاعل والشي يلي يقهر150الف يقرو و30منهم بس موجودين مفهمتش السبب
تجي وحده تقولي انتي كاتبه مفروض تتقبلي النقذ
اي نقذ ياقلبي تتكلمي عليه؟!انتي مشفتي شي من الخاص متعي انتي مشفتي شي من الكوارث يلي نواجه فيها عشان نكشف الف حاجه من رواياتي وبعدين تجي وحده تنتقذ بي كلام هيا اصلا مش كاتباته باعتينها وخلاص
برغم من هاذا كله شكرر كبيييير لي كل وحده منكم دعمتني في يوم وكتبتلي كلام حلو بجد صحيتو بس لاهنايا وخلاص ❤️اقرو لباقي الكتاب ممكن تلاقو فيهم الشي يلي انتم تبوه 💔🔥👋👋
التعليقات سكرتهم عشان متصيرش مشاكل فيهم ورح نكملها رواية غيبوبه مش رح نخليكم في نصفها
