قلـبي.. لك

البارت السادس والعشرون

انتجيت عل حايط بلكاع وضليت افكر
ليش هيج ديصير بيه

بعدين تعبت من المعده بلكاع
رحت عل تخم نمت

.......

الصبح بل 7

كعدت وحسيت شي نام عل
خدي

فتحت عيوني لكيت مراد خال يده عل خدي
و ديباوع عليه

بسرعه كمت من تخم

مراد... صباح الخير

ميرال... صباح النور

مراد... طالع عندي شغله
اتريكي يمكن اتخر شويه...
ماشي...

ميرال... ماشي

راح واني رحت للحمام
غسلت وبدلت وشسورت شعري
ولبست ملابس شتويه وجواريب

رحت للمطبخ سويتلي ريوك

صبيتلي جاي

وكعدت عل ميز الطعام
اكل...

كملت وغسلت لماعين
ورتبت المطبخ

وطلعت باوعت الصاله مخبوصه
رتبتها بختصار نضفت البيت من
فوك ليجوه

حيل تعبت طبيت غسلت لان اتوصخت من
تنضيف

لبست بنطرون وبدي شتوي حلو

تقريبا  صارت بل 4 العصر
ومراد ماكو

ضليت بلبيت افتر
باوعت من شباك

هوايه حراسه محاوطه البيت

رحت للمطبخ للباب

متنفتح

للباب الرئيسي هم ماكو
اكيد قافلهن عباله اقبل اصير زوجتا
لو اموت مااصير إله

ظليت ادور عل باب مخفي
ماكو

تعبت من تدور كعدت بلكاع

بعدي كمت

صعدت فوك فتحت الكنتور
ظليت ادور بغراض مراد

عل ايه شي  دادور وطشرن صور

صوري اني وياه

هوايه لقطات حلوه بس
ماذكر هاي اشوكت يمكن قبل
متعرض للحادث سبببه فقدت ذاكرتي
اوف...

لميتهن ورجعتهن امكانهن سمعت
حس الباب

بلعجل نزلت