ووك عليا درت جناوح من الفرحه تي انا في حلم او بعلم من غير الردود متعاتي وصلو 48 تعليق 💖مش مصدقه ربي يحفضكم حبايب قلبي 😂😍
نرجعو لي روايتنا 💖
-------
وقالها كلمه وحده (ننتصر او نمووت)
---------------------------------------
عند ساجده وفرح ❤
ساجده حايره في وائل والافكار السوده ادور في راسها وفرح سكتت ورقدت 😴
حست ساجده ان فرح حاسه ب وائل من ماخش سكتت وضحكتله 😄
ساجده:ربي يحفظه ويردهولي سالم يارب 😍
خشت حطت فرح راقده ورقدت هي ويها 💤💤😴
في صباح اليوم التاني ❣
ناضت ساجده حطت الفطور وقعمزت تستني بالك وائل يجي ووائل من امس يحارب مروحش 😢فتحت علي الأخبار كانت الحاله ميؤوس منها حرب ودمار 😢وطلعت المديعه تتكلم
المديعه: ان لله وان اليه راجعون صباح هدا اليوم وفاه 3شباب بسسب القصف الإيطالي نسأل الله لهم الرحمه والمغفره
،،،،،
انصدمت ساجده من الخبر
ساجده: انشاء الله خير ياربي 🙏ياربي احفظ ولدي يارب
وشويه سمعت صوت فرح تلعب وادير في أصوات ناضت تشبحها شن ادير لقتها بروحها ووقافه وشاده في حاشيه السرير لقتها فاتحه البودره وبضعه ومكياج وامبزعتها علي وجهها والدنيا مخليتها حاله 😄 ضحكت ساجده وقامت فرح
ساجده:ياعسوله شن الجو يلي مديرته اه انتي لازم ادوشي 😊ياحلوه ❤
قامت ساجده فرح وحطتها في البانيو (الحوض) مش عارفه شن تقلوله 😅
ساجده"في داخلها":قداش مدوشت (حممت) فيه لي وائل
قعدت ادوشلها وفرح فرحانه بدوش (الإستحمام)توقعت ساجده ان فرح بتعيط وتخاف لكن طلع العكس ❣
---------------------------------------
في مصر عند محمد وعواطف ام فرح ❤
قعمزت عواطف وحطت الفطور وقعمزو ياكلو 😊
عواطف: شن يامحمد قلت 😘
محمد"بحيره":علي شنو
عوطف: شن انقول لي سراج وبلال؟؟!
محمد: تي علي شنوو
عوطف: تيي خيرك علي فرح 😢
محمد: اه اي صح اتصلي توه 😉
عواطف: حاضر
محمد: لازم يعرفو 🙂
اتصلت عواطف ب سراج المره الأوله مردش بعدين رد
سراج:ايوااا
عوطف: اهلين وين كنت يامعفن 😑
سراج: في بيت الراحه ههه 😂
عواطف"ضحكت " :منمتا هالإحترام منمتا تقول بديت بيت الراحه قبل (وهي تقلد في صوته) تي كنت في الحمام😂
سراج"وهو يضحك":ماهو خلطت علي ناس محترمه 😂
عواطف: الله الله كيف حالكم
سراج: ماشيه علي الحاشيه 😅
عوطف :رد بالك اطيح 😂ههه
سراج: تو نشد مزبوط 😂ههه
عواطف: وين خوك
سراج: اهو معاي،،،،،، امي نبي نعترفلك بي حاجه 😘
عوطف: حتي بنعترفلك بحاجه انت وخوك ياحبيبي 😍
سراج: ؟!«»»:«»»
#يتبع
يعععع البارت قصير هلبا النت يجري بيا غدوه كان وله النت نزلها تعويض اسفه 😂😅😘😍
متنسوش تصويت
وتعليق 😘
حتي بنقطه 😅😂
💖💖
أنت تقرأ
بنتك يا ليبيا «مكتملة»
Mystery / Thrillerتحكي عن طفله من اول مامبدي عمرها سنه1 صارت الحرب روايه ليبيه خياليه مأخوده من قصه واقعيه مشوقه انشاء الله تعجبكم ❤💖
