روايه: بنتك ياليبيا ❤
الكاتبه: هبوش ❤
الحلقه: 15 ❤
سراج: فاش كنت تفكر 🙄
بلال: في اختك 💕
سراج: خيرها 😳
بلال: تعرف لما تصاوبت ريتها 😐
سراج"بصدمه":كييييييف وامتييي 😨
بلال: لما تصاوبت انتو رفعتوني للملجأ يلي تفجر صح او لا 🤔
سراج: تي اي اي صح كمل 😨
بلال: انا في هداكا الوقت قعد فاتح عيوني ونشبح في الناس 😕
سراج:اي وشن شبحت 😳
بلال: اشبحت فرح شدها شاب وهي تعيط 😭
سراج"فتح عيونه بصدمه":كيف شكله يلي شادها 😨ادكر؟
بلال: مش عارف 😞؟
سراج: تي كيييييف مش عارف؟! !!حاول يارجل تفكر حاااول 💔
بلال: تي بالك نحلم 😩
سراج:زعما نحس فيه حق 🤔
بلال: حتي اناا 🙄
سراج: تي انسي انسي 😅
بلال: اممم باهي 😂
سراج: قالك مرة فيه وحدة عانس
حلمت ب حمامة
ودجاجة
وكلب
وراجل
مشت للشيخ قالتلة شن معناها
قاللها إطيري ادحي تنكلبي والله ماك متزوجة😂😂🔥
بلال: فكني منك 😒
سراج: تي غر هيا يارجل نغيرو جو 😂
بلال: مش فاضيلك 😒
سراج: املا لي شنو فاضي 😂
بلال: اقلب وجهك 😒
سراج: جعاااااااااااااااااااااااااااااااان 😂
بلال: بره تسمسم 😒
سراج: اعييييي ماكله المستشفى 😂
بلال: جيبك معبي 😒
سراج: فرقت حالي 😂
بلال: 😒😒
سراج: وين بنحصلهم الفلسات في هالحرب 😂
بلال: فاتح تلفونه ومش معدل عليه😊
سراج: خيره هكي نفسيه 😅
بلال: مدخلكش بيا 😒
سراج: باهي قول نكته 😅
بلال: منبيش 😒
سراج: ورأس امك 😂
بلال: باهي
سراج: هياااا 😂
بلال: قالك مره في وحده ،،،،،،،،
سراج: ههههههههههه 😂😂😂
بلال: باهي خن نكمل انااا 😒
سراح: اسف كمل 😂
بلال: قالك مره في وحده حامل توحمت علي كناسه جابت وحد نعرفه 😒😂
سراج: احلف 😒
بلال: مقصووووده 😂
سراج: تقصد عليا ياحقير 😒
بلال: اي عليك 😂
سراج: محلاه الشخص اللي نبصر معاه وضميري مرتاح ومتأكد انه مايزعلش مش زي اللي بعد كل كلمه لازم نقوله نبصر 😁😂😂
بلال: تلقح انت😒
سراج: اي زيك يابابا 😂
وشويه انفتح الباب وسراج ملتفت ومايندريش علها منين زارقه وبلال اشبح لكن ماباش يتكلم 😂
ه###:وععععع
سراج"انخلع خلعه مليحه":ووووه يعن شخشيرك مره وحده 😰😂
بلال: تي منور علها يعقوب 😂😂
يعقوب: مسكين خش في عقل مش عقله 😂😂😂
سراج: خزووووو تي والله ماك بارد بها انت وياه 😂
يعقوب: وشن بدير 😅😂
سراج: مع الوقت تو تعرف 😂(ومشي طلع)
يعقوب: كأنه مولي بارد اكتر من الازم 😂
بلال: درهلي كبدي مقعمز ينفخلي فيهم 😂
يعقوب: لقاك معندكش جهد ترفسه 😂
بلال: فرصته 😂
يعقوب اي شن حالك شن خبارك 😊
بلال: ماشيه علي الحاشيه 😉
يعقوب: تي الحمد الله علي السلامة 💖
بلال: الله يسلمك ❤
يعقوب: معقوله هكي اخر من يسمع 😄
بلال: معلشي معلشي المهم توه سمعت 😅
يعقوب: شن الإصابه مليحه والله مضايق منها 😂
بلال: وجعها ادره الكبد 💔
يعقوب: لاباس 😂
بلال: لا يوريك باس 😂
يعقوب: قلبي مش مطمن 🙄
بلال: علاش شن في 😳
يعقوب: الفرخ سراج مش ناوي علي خير نحس فيه 😂
بلال: مش حيبردها وحيدير المستحيل بش يردهالك 😂
يعقوب: متنساش حتي انت معاي في يلي بيدرهولنا 😂
بلال: علي خاطر مقتلاش 😂
يعقوب: اي 😂😂
أنت تقرأ
بنتك يا ليبيا «مكتملة»
Mystery / Thrillerتحكي عن طفله من اول مامبدي عمرها سنه1 صارت الحرب روايه ليبيه خياليه مأخوده من قصه واقعيه مشوقه انشاء الله تعجبكم ❤💖
