الطريق الى قلب الاربعيني / الكاتبة ليديا بورزام

استفزت رجولتي

الحلقة26:
الساعة كانت 20:00
ايثان بعد ماعمل دوش ...خرج من الشومبر لابس الكيمونو ..وجهو احمر ..جايدة كانت وراه نزلو فالدروج ..دخلو للصالون ..سامية كانت واقفة تعدل فالطاابل. ..
ايثان: احممم
دارت سامية تحكي : مساء الخيير ..رجعت لشغلها ..مشى ايثان للكرسي قعد عليه عينيه على الطابل ..كل شي كان علييها من الاطباق لي يفظلهم ويحبهم يااسر ...دار لجايدة يحكي : يا روحي ..اكيد انت لي طالبة منها تعمل هاد.الاطباق موش هك؟
سامية ماعملت حتى جاست ..نزلت راسها تحكي : فما شي ناقص؟ ..
ايثان: لا ...تنجمي تقعدي تاكلي ...
سامية: شش. شنية!!
ايثان: ايه ...
جايدة: محال بعد ماتعبتي التعب هدا الكل تروحي...حطي فبالك من اليوم ورايح عشاك راح يكون معانا ...
سامية تبسمت ..قعدت على الكرسي عينيها على ايثان .....
بداو ياكلو .ايثان اول ماداق الماكلة طلع حاجبو يشوف معاها
جاييدة: امممممم يابنتي انت شنية السر ورا طبخك لي كل ماناكل لقمة منو نحس روحي جعت اكثر .والله برافو بنة مادقتش مثلها حياتي الكل
ايثان كان يتبسم ...
سامية : يعيشك مدام جايدة..صحة وعافية. ..انا راح نمشي نجيب تلفوني ونرجع ....
قامت سامية من على الكرسي مشات جيهة شومبرتها اول ماحلتها تسمع فثلفونها ينوقز ...
ايثان سمعو دار لجايدة يحكي : هدا ثلفونك؟
جايدة: لا ...هدا متاع سامية ...
ايثان بدا يطل جيهة شومبرتها ..
سامية قعدت على السرير تشوف فاسم فارس. ردت تحكي بالشوي : مساء الخيير تعرف اني اول ماجيت للشومبر انت اتصلت هههه
فارس: ياروحي ..اكيد تواحشتيني. .وتحبي تشوفيني. شرايك نجيك توا. نحب نظمك ونشم ريحتك ...
سامية : هههه انت مجنوون ...لا ....اذا تحب تتخلص مني ايجي الليلة. والله السيد ايثان باش يذبحني. .
ايثان كان ياكل ...طلع عينيه يشوف مع الشومبر ويحكي : هادي شنية راحت تعمل فشومبرتها ...موش قالت راح تجيب ثلفونها وترجع!
جايدة مدت ايدها للسارفياث تمسح ...
ايثان حس الزبل طلعلو. بدا يصبح: مدموازال سامية. وينك انت نحب على الملح اييجي جيبيه. .
جايدة قامت تحكي : خلاص ياخي. .هي اكيد تكون تحكي فالثلفون انا راح نجيبهولك ..
ايثان طلع عينيه يلعب بيهم ..عقد حواجبو يحكي : جايدة ..ارجعي لمكانك ..
دارت جايجة تشوف فيه معصب ومن غير ماتحكي كلمة نزلت راسها رجعت قعدت على الكرسي ...
ايثان: مدموازال ساامية ...وينك انت شنية تعملي ....افففففف
قام من على الكرسي ينفخ ماشي بخطوات كبار وقف عند الباب متاع الشومبر يشوف فيها حاطة رجل على رجل تحكي فالثلفون. . حط يذيه لوور عينيه عليها .....سامية كانت تضحك دارت تشوف فيه واقف قلبها حستو باش يحبس ...نزلت الثلفون من وذنها. ..
ايثان: موش ناوية تيجي تاكلي. .انت شنية تعملي هنا !
سامية: امي اتصلت فيني. نحكي معاها شوي ونيجي ..
ايثان تبسم على جنب. ..نزل عينيه للرض دار راجع جيهة الصالون يسمع فيها تحكي بالشوي : يلا يا فارس يلا. تعرف ادا عرف اني نكلم فيك باش يقتلني. ..
فارس: علاش باخي ...حبس هدا ولا شنية. ..
سامية بدات تضحك تشوف فرجلين ايثان وقف فوق راسها. سكتت طلعت عينيها ليه تشوف فيه معصب يكبس على سنيه عروق رقبتو ظاهرين ...
سامية : سسد ....سيد ....
ايثان من غير مايستنى مد ايدو للثلفون نحاه من ايدها . .قربو من فمو يحكي : اسمعني مليح يا سيد فارس ...المدام سامية صارت توا طباختي ....معناه انت ماعندكش حق تتصل بيها فاي وقت. ...الزم حدوودك ...
فارس باقي يسمع فكلامو حاااير. ..
سامية نزلو دموعها ...قامت وقفت مقابلتو تحكي : ثلفوني ...ورااسك ....هاتو. .
ايثان بعد الثلفون على فمو عينيه علييها .....
سامية كانت خاايفة يااسر. .ماحست غيير بيه خبط الثلفون فالارض كسرو ....
سامية مشات تجري قعدت على ركايبها مسكت الثلفون تحكي : انت علاش عملت فيه هاد الشي. هدا الثلفون شراتو امي من اول راتب تقاضاتو. للدرجة هادي. ...انت علاش تعامل فيا بالطريقة هادي. ...شعملتلك. .ها احكي ....
ايثان مشى ليها مسكها من وجها يحكي : انت راح تدفعي ثمن كذبك اليوم. جاية نغطي على حبيبك. .؟؟؟ عند بالك ايثان بهييم؟ ...راح نفرجك ....
طلقها جابها فلرض مرمية. خرج يجري من الشومبر يشوف فجايدة واقفة يدها على فمها....
طلع جيهة الشومبر متاعو. ....
جايدة مشات لسامية تحظنتها تحكي : وراسك يا سامية ماتبكيش ...قومي يلا. ...
قامت سامية وقفت على رجلييها ..حاملة ثلفونها فيدها عينيها علييه. ...طيشت روحها على السريير تبكي بالشهقة. .
...ايثان دخل للشومبر مشى للنافدة يطل ...يحس فروحو الكل تغلى. ..مشى للخزانة فتحها يجبد فدبشو ....لبس الشومبز ..السروال. ...سند على الحيط كابس على عينيه ....بدا يضرب فراسو فالحيط يحس فالنفس بدا يتقطع عليه ...مشى يجري للطابل دونوي فتح لقجر. ..جبد الابارااي حطها ففمو يتنفس بالقاوي ....رخف ازراار الشوميز ...قعد فلرض مد ايدو لشعرو رجعو لوور يحكي : انت علاش صرت تتصرف بالطريقة هادي يا ايثان. انت لي من يوم ماعرفتها كنت حنين معاها لابعد الحدود ...شنية تغير حتى صرت تتعامل معاها بالطريقة هادي ..ايه ....انت عارف انو فارس صار حبيبها ..خليهم يتهنو. .مثل ما انت عندك سيلا حبيبتك وتحبها دايما تكون قريبة منك هو الثاني يحبها تكون دايما جنبو. يزي من التصرفان هادي متاع لفروخ ...
وقف مشى للطابل دونوي ..تركز على يديه يشوف فالمراية ويحكي : انت ....حتى جايدة صرت مقصر معاها ياااسر. ...ورجعت ماتحلهاش تكون قريبة منك .... وهادي الفرخة لما تكون قدامها تضعف وترجع كيف المراهق لي عمرو 20 سنة .....ايثان. ....انت شنية صاير معااك .....لازم تراقب تصرفاتك من اليوم وراايح ..انت راجل وواعي. ..ومريت على مرحلة كيف هك من قبل. .اما خلاص. فات وقتها. .....يلا ارتاح .....
طلع راسو للسما. خدا نفس عميييق. ..مشى لسرييرو ...تغطى ملييح يحب ينام
....
سامية قامت من فوق السريير. .مشات بخطوات صغار للكويزين ...صبت الما ...شربت دارت خارجة تسمع فصوت جاي من جيهة الناافدة. ...تفجعت. .مشات تجري حلتها تحكي : شكون هنا ؟؟؟؟؟ ....هاي. ..فما حد؟ ...اما ماسمعت حتى رد ...تنهدت. ..سكرت النافدة ورجعت لشومبرتها شغلت الثيفي ونامت. ...
....
الساعة كانت 00:30...ايثان باقي يتقلب ماجاهش نووم. يحس فروحو مازالو معصب. تقعد على السرير مد ايدو لجايدة يفيق فييها ويحكي : جايدة .فييقي نحب نسالك ...
جايدة دارت ليه تحكي : شفما!!
ايثان: فما شراب بالكويزين ولا لا!
جايدة: مشرووب !!! من نيتك؟؟؟ ايثان انت عارف انو موش مليح لصحتك ...ارجع نام ...
ايثان: جاوبيني. ..
جايدة: ايه هو فالكويزين. ...اعمل لي تحب عليه ياخي خليني نحب ناام .....
دار ايثان لجهة البااب. نحى عليه لغطا وقام من فوق السرير. خرج من الشوومبر نازل فالدروج يسمع فصوت الثيفي جاي من شومبرة سامية. ...تنهد. مشى للكويزين ..شغل الضو. بدا يلوج لين صاب قرعة صغيرة متاع مشروب ....مسكها فيدو وخرج ...حط رجلو على الدرحة الاولي دار يشوف جييهة شومبرتها. ..شحال تملكو فضوول يحب يروحلها يشوفها. شحال حاس انو قسى عليها يااسر. ....مشى بخطوات صغااار. حل البااب بالشوي يشوف فييها ناايمة ....دار جييهة الثيفي يشوف معااه...تبسم. .دخل عندها بخطوات صغاار وقف فووق راسها يتمعن معااها كيفاه ناايمة. شعراتها نازليين على عينيها. ...قعد على الكرسي بالشوي. مد يدو ليهم يعدي فييها علييهم كانو ملس كيف لحريير ...نزل بعينيه لصدرها لي كان بااين شطر منو حس قلبو يخبط بالقاوي ....غمضهم يحب يهدي حالو. رجع فتحهم نزل بيهم لجسمها. كانت لافة روحها بالليزاار. شحال مبينة صغرونة. ...
ايثان: سامحييني. .......نعرف اني غلطت معاك يااسر .فوقت امك مريضة وبوك غايب علييك انا كان لازم نكون حنين وماكانش لازم نصيح فوجهك حتى. ...اما صدقيني موش بايدي ...كل شي يصرى خارج عن سيطرتي. ...مانعرفش علاش كل مرة نسمع فيها اسم فارس نحس الزبل يطلع لراسي. اما الغلط منك ...تعرفي اكثر شي نفد منو هو لكدب....نبهتك اني مانحبش نسمع اسمو فالبيت مرة ثانية. علاش عاندتي. ...؟؟
اما تعرفي شنية. ....اذا تحبي الصراحة ...فانا كل مرة نخليك تتالمي صدقيني انا نحس بالالم قبلك ونتعذب اكثر منك .....مانعرفش السبة. ..يمكن لاني نحسك بريءة وكل شي تعمليه عفوي ....ايه اكيد هدي هي السبة. ....
نزل بيديه للقرعة. فتحها. ..حطها ففمو يشرب. رجع شاف معاها للمرة لخرة. .قدم منها طبع بوسة مرصوصة على جبينها نزل حط نيفو فرقبتها غمض عينيه يستبن فرييحتها يحس فيها بدات تتحرك ....قام رجع بخطوات لوور جييهة البااب وخرج ....
...
Lydia
الحلقة27:
الساعة كانت 07:30 متاع الصباح ....ايثان بدا يفتح فعينيه ضو الشمس كان متسلل لشومبرتو كيف عادتو....دار جيهة النافدة يحس فشكون ترمى علييه. .دار تحلو عينيه طاقة من الشي يلي يشوف فيه...كانت سامية مسندة على رجليه عاملة ماكياج ساطع ...الروج فشفافها ...شعراتها نازلين على كتافها ...لابسة روب نوم فلحمرر....تشوف معاه بنظرات موش مفهومين ...تقعد على السرير عينيه فعيتيها ...
سامية: صباح الخير ...
ايثان: انت. ..شجابك. لشومبرتي. كيف تيجي هنا بلبس وماكياج كيف هك...انت جنيتي رسمي ؟
سامية: عادي ...موش ملاحظ انو كل شي فهاد البيت صار مباح ..؟
ايثان: شنية قصدك؟
سامية: موش هاد البنت لي قلت انك تحبها وتموت فيها! صرت تناديلها شريكة حياتي قبل ماتصير مرتك حتى
ايثان دار يشوف فجايدة نايمة جنبو ...تنهد يحكي : ايه. .هي ..وراح نبقى حياتي الكل جنبها ....وهي باش تبقى متاعي ..
سامية : كذب .....
قربت منو حطت جبينها على جبينو تحكي : حط عينك فعيني وخبرني. ..خبرمي انو مفماش حرب قايمة توا بين عقلك وقلبك ! خبرني اني مجرد فرخة مثل ماكنت تناديلي من قبل ....خبرني انك ماتحبنيش نكون قريبة منك مثل ماراني نعمل توا. ....يلا .....
ايثان باقي ساكت ....ماحكاش كلمة ...
سامية: شفت كييف!!! موش انا خبرتك ..كل شي صار مباح ....انت مرتبط بيها ..اما قلبك ..وعقلك ..معااي. .....والدليل انك موش حاب تبعد عليا فاللحظة هادي ...
ايثان طلق روحو على السرير ...مد ايدو لشعراتو رجعهم لوور يحكي : انت شنية ناوية تعملي. شجابك عندي ..اخرجي من شومبرتي ومن حياتي ...يلا .....
مد ايدو للغطا. نزعو على رجلييه ..اول ماحط رجلو على اللرض طلع راسو يشوف فيها حاملة السلاح حاطتو فراسها ..مدبلة عينيها تشوف معاه....
ايثان : هاي ..هاي ..انت شنية تعملي .نزلي السلاح ...يلا .....
سامية: خلاص ..باش نمشي....موش انت تحبني نخرج من حياتك؟ توا باش نريحك .
ايثان بلع الريق باقي مسمر معاها ..قام يجري من فووق السريير ....وصل عندها نحالها السلاح من اييدها رماه فلرض ..سامية بداو ضحكاتها يتعالاو ...
ايثان مسكها من ايدها يلز عليها ويحكي : انت شنية صااير معااك ...علاش تتصرفي بالطريقة هادي ؟
سامية نزلت عينيها لايدو المحروقة تحكي: شفت كييف بمجرد ماتكون قريب مني كل شي يتخبى. ..
نزل ايثان عينيه ليدو يتفقد فييها ....عقد حواجبو يحكي : مفماش حروق
سامية: ايه. .مفمااش. .....لانك توا قريب مني ....اول مانموت حياتك راح تتحول لجحيم صدقني . وحتى خطييبتك ....جايدة .....شوفها. انت تتعدب وهي طول حياتها ناايمة مثل ماعاملة توا.
دار ايثان لجاايدة يشوف فييها مازالها فسابع نوومة ...
نفخ بالقاوي ...طلع عينيه للسما يكبس علييهم يحس فييها حطت ايدها على رقبتو تتحسس فييها. ...نزل عينيه ليها يشوف فييها مخرجة لسانها تلحس فشفاافها. ...
ايثان : بعدي ..موش وقت لي تفكري فيه توا. ....
سامية: علاش! ..بسبتها موش هك؟؟ هههه ..اييه نعرف انك تحب دايما تكون مخلص ليها وكهو. .اما يا حراااام ..هي ماتستاهلش هاد الشي. لانها تخون فييك ومن مدة طويييلة
ايثان شاف معاها حس الزبل طلعلو. ..مسك وجها قربها منو يحكي : بلعي فمك ...
سامية كانت تتبسم ...ايثان نزل بعينيه لشفافها لي كانو ملياانين رووج. .
ايثان : لا ....محال ....لا .....
سامية: فييق ......فييق ......صار الوقت. ..ايه ..فييق تو .....يلا ....يلا. .....
ايثان بدا يفتح فعينيه ....تقعد على السرير صاح بكل قوتو.: لااااااااااااا....دار يشوف فبلاصة جايدة فارغة ...
خرجت جايدة من الحمام تجري. ..مشات عندو تحظنتو تحكي : خلاص خلاص ياروحي. .كان كابوس وكهو ...
ايثان كان يلهث. طلع ايدو يشوف فيها مازالها محروقة ....بعدها عليه يحكي : انت ويين كنتي ؟
جايدة: بالحماام ياروحي ....ماتتقلقش ..انا دايما باش نكون جنبك وقريبة منك ...
ايثان تبسم ..نزل بعينيه ليدها يشوف فالثلفون ..عقد حواجبو يحكي : اما ..شكنتي تعملي بالثلفون بالحماام...
جايدة بدات تتلعثم. ...
ايثان باقي مركز يستنى شنية تحب تحكي ...وفلحظة جات فبالو ديك اللقطة وسامية مصوبة السلاح لرااسها. .من غير مايحس قام يجري من فوق السرير ...فتح البااب خرج يجري نازل فالدروج ...جايدة بقات مسمرة تبع فييه ...
وصل ايثان قدام شومبرة سامة ومن غير مايدق البااب. حلها بكل قوتو ودخل يحب يطمن علييها يشوف فييها لابسة كان السوتيان والسروال ....يديها فالخزانة تلوج على دبشها. ..
سامية اول ماسمعت البااب تحل داارت وقفت مقاابلتو مفجووعة. ..
ابثان هو الثاني تسمر فمكانو. ملي يشوف فييه ...
سامية نزلت بعينيها تشوف فروحها ..كانها مخدرة ...وفلحظة بدات تصييح: انت ..شنية تحب عندي ...علاش مادقييتش البااب. ها احكي..اه ياربي شنية الصبحة هادي ...وجها طلع احمر ...مدت ايدها للثريكو لبستو تسمع فخطواتو بدا يقرب منها. ...طلعت راسها تحب تحكي ...ايثان مسك ايدها يتحسس فييه.....
سامية: شنية صااير ....
ايثان: انت ملييحة!؟
سامية باقية تحل وتسكر فعينيها حااايرة. نزلت راسها للرض ملامحها تقلبو اول مادكرت لييلة الباارح ..
ايثان هو الثاني. ..بعد عليها بخطوات صغاار لوور ....مشى للبااب رجع يشوف فيها منزلة راسها للرض تتجنب فيه. .
خرج من الشومبر ينفخ ...طلع للشومبر متاعو يحكي : جايدة انزلي اعمليلي فطووري ..راح نعمل دوش وننزل نفطر ...
جايدة :ايه ..اكيد ...
خرجت جايدة من الشوومبر نزلت فالدروج ...دخلت للصالون تشوف فالطابل الكل معمرة ...من لحليب للعصير للفاكية لكل شي ....تبسمت تحكي بينها بين حالها : ياربي ..الطفلة هادي مو نوورمال ...وينتا قامت حتى نجمت تعمل كل هاد لفطووور
رجعت وقفت عند الدروج تنادي: اييثان ..حبيبي ..كل شي صار جاهز ..يلا انزل تفطر ....
دارت ماشية جييهة شومبرة سامية حتى تنادييلها. ...دقت الباب. ..تسمع فسامية تحكي : ادخل ...
جايجة حلت الباب تحكي : صباح الخير سامية ..يلا ايجي تفطري .
سامية: لا انا عملت ساندويش راح ناخدو معاي ..وهاد الشي يكفيني
جايدة: لا ايجي حتى تفطري ....موش راح نعيد كلامي. ..
خرجت جايدة من الشومبر رجعت للطابل تشوف فايثان قعد على الكرسي يصب فالعصير فالكاس ...
جايدة : شفت يا روحي ...تعرف انو سامية هي لي حضرت كل هاد الشي. ..
ايثان : عادي ..شنية حضرت يعني!!
جايدة دارت تشوف فسامية واقفة عند الباب متاع الصالون. .
جايدة : ايه اتفضلي ..
ايثان طلع راسو ليها ....لثنين بقاو باهتين معاها. كانت طالعة تفتق. ..لابسة فاست فلكحل مع لاطااي. سروال دجين ...بوتين طالون فلكحل ومطلعة شعرها لفووق. ....الصاك اكحل ...عاملة ماكياج خفييف ...ايثان تسمر فمكانو يشوف معاها ...موش منجم ينحي عينيه عليها. يحس فظربات قلبو يتقاوااو ....
سامية لمحت نظراتو ليها ..دخلت قعدت على الكرسي ...صبت كاس عصير منزلة راسها تشرب وموش شايفة ليه
جايدة: ها ياروحي. .خبرني شنية صار معاك من شوي حتى فقتي من النوم مفجوع؟
ايثان عقد حواجبو غمض عينيه يذكر ...شوي ورجع حلهم يحكي : شي ....كابوس وكهو ...سامية طلعت راسها جات عينها فعينو. ...حطت الكاس على الطابل تحكي : يلا دايمة ..انا اصلا متاخرة. اذا زدت شوي البروف راح يتلفني
ايثان قام هو الثاني دار لجايدة يحكي : يلا وانا ماشي يا روحي. ....
جايدة : انتو ماكليتو شي. ....سامية استني ...
دارت سامية تحكي : خير مدام جايدة ؟
جايدة قدمت منها حاملة بواط متاع ثلفون فيدها تحكي : خوديه وراسك ..وسامحينا على الشي لي صار ليلة البارح
سامية : لا ..محال مدام خلاص ماصار شي ...انا ..
جايدة : نعرف موش راح يكون بقيمة الثلفون لي هداتهولك امك ..اما انت موش لازم تخرجي من البيت من غير ثلفون .يلا امسكيه وروحي موش قلتي صار وقت ....يلا .
مسكت سامية الثلفون تحكي : م مارسي مدام ..ايثان كانو عينيه على جايدة كلاها ماكلة. خرج للسيارة ركب يراقب فيها ماشية جييهة لاري ....
شغل السيارة ومشى راكا قدامها يحكي : اركبي ..راح ناخدك فطريقي ...
نفخت سامية. ..مدت ايدها للباب. حلتو وركبت طريقهم للجامعة. مرو خمس دقايق. ولا واحد فيهم كلم الثاني. .
ايثان بدا يمل. ...دار يشوف فيها ماسكة الثلفون فايدها تتمعن معاه. كان باين عليها فرحانة ...
ايثان: امممم ماتفرحيش ياسر . موش راح يدووملك ..
سامية شافت معاه بطرف عين ...كان ينزل فالكارو ويتبسم. ..
سامية : على شنية ناوي هاد المرة ....ايثان دار ليها .مجد ايدو للثلفون نحاه من يدها وطيشو برا
سامية : هااااي ...انت. ....اففف ياربي انت شنية عملت. ..انت واحد مجنووون. نزلني ...يلا ....نزلني .....
ايثان : انا لي كسرتلك ثلفونك ...موش هك؟ معناه انا لي راح نجيبلك واحد ثاني. ..موش جاايدة ...
سامية حطت يدها على وجها تحكي : انت ..للدرجة هاذي ..الدراهم رخاس عندك؟ فما ناس ماصابتش شي تاكلو وانت. ..انت ترمي ثلفون جديد على النافدة! عييت وانا نحاول نفهم طريقة تفكييرك ...
ايثان: ماتحاوليش. ...نصيحة مني. ....
سامية دارت تشوف معااه. ..تملاو عينيها دموع تشوف فيه راكا السيارة ونزل منها. ..باقية ساكتة ماعملت حتى جاست. ..
ايثان خرج ليه ليه ورجع بواط فيدو ....ركب السياارة شغلها وحط البواط فحجرها ....
سامية كانو دموعها شلال. .ايثان اول مالمحها تبكي عقد حواجبو يحكي : رجعنا لحكاية لبكا!
سامية : انت علاش دايما هك؟ تعبت منك والله ....علاش مرات نحسك احن راجل عليا فالدنيا هادي الكل. .ومرات ترجع راجل قاسي وماتتحملش ...انت عند بالك مشاعر الناس لعبة بايدك ؟
ايثان : انا!!!!! قاسي ..يا ساامية؟؟؟ انا وينتا كنت قاسي معااك! انا ....
قاطعتو سامية تحكي : مانحب نسمع حتى شي. .وراسك تحب نمشي للجامعة وحدي .....
مدت ايدها للباب فتحتو. ..خرجت من السيارة خلات البواط على الكرسي. ...ايثان كان منزل راسو للرض يكبس على سنيه ....رجع يتبع فيها بعينيه وهي ماشية ..مد ايدو للبواط مسكها بين يديه يحكي : توا كل شي راح يتغير يا سامية. ..قد مانحاول نكون ملييح. .كل شي يخرب معاي ونرحع لنقطة الصفر .....خلاص. ...وانا تعبت اكثر منك ....
....
الساعة كانت 16:30...النهار متاع اليوم كان صعيب ياسر على ابطالنا. ..ايثان كان طول النهار فالبيرو. اما تفكيرو الكل عند سامية. ..بعد مارجع للبيت غير دبشو ومشى لشومبرتها يشوف فيها مازال مارجعتش. ...مشى لشومبرة لبياانو. ...
....
بعدو بربع ساعة دخلت سامية للبيت تعرف انو فما شغل ياسر يستنى فييها .....غيرت دبشها ليه ليه. ومشات للكويزين تشوف فيها فااارغة. وحتى جايدة موش موجوودة. ....
سكرت عليها باب الكويزين. .جبدت الخضار على البوطاجي تشوف فورقة عليه..كان مكتوب فيها كل شي مطلوب متها تطبخو تنهدت..مشات للطابل طلعت علييها ركحت صبت كاس ما شربتو وباقية تفكر جا على بالها تاكل شوكولا ..قامت ماشية تجيب لبواط ....
.....
المجهول واقف عند الشباك يحكي: كل شي تعقد اكثر مما كان ...سامية انا كنت نحاول نقرب ايثان منك حتى نخليه هو يحبك ..موش انت تحبيه ..اما لي شفتو ليوم يعبر على شي واحد ....حبك ليه كبيييير يا سامية ..وحتى هدا لي اسمو فارس من اليوم ورايح راح يكون عدو ثاني ليا ...هو كيف يقرب منك ...كيف يلمسك...كيف يحط شفافو الموسخين على شفااافك... موضوع ايثان متهني منو حتى لو انت حاولتي تقربي منو راح يرفض ..غرورو راح يمنعو ..اما هداك مانيش مرتاح من جيهتو ...
سامية من الاخير .انت ملكي وكهو ...انت ملك بدر.....واي شخص يحاول يلمسك حتى ..انا راح اقطعلو ايديه ...
مسك ثلفونو ..عمل مكالمة مجهولة لايثان ...ماشي بخطوات صغار لسياارتو ...
....
ايثان قاعد يعزف على البيانو يسمع فثلفونو ينووقز .....عامل حالو موش سامع ...لانو اكثر شي يفد منو اي حد ..مين ماكان ..ييجي يشتتلو تركيزو ......
مرو خمس دقايق ومازالو يعزف لين يسمع فمساج وصلو ...دار مد ايد للثلفون وايد مخليها على البيانو ..مسك ثلفونو دخل يقرى فمساج( انت شقاعد تعمل ...كانك موش عايش فنفس البيت ..انت لازم تشوف شكون يحرس عليها ...امشي الحق علييها ..خدامتك جابت حبيبها لبيتك ... هوما بالكويزين ...امشي الحق عليهم وشوف شنية قاعدين يعملو ....)
.....
سامية كانت قاعدة على الطابل ...ماسكة مغيرفة متاع شوكولا تلحس فيها ...الروب طالعة على فخاضها كل شي كان على برة ....مغمضة عينيها تسمع فعزف ايثان لي كان مدوي البيت كلو ..وفلحظة تسمع فيه توقف. .....
تنهدت تحكي: كنت متخيلة انو لمعيشة معاك فنفس البيت راح تكون ساهلة اما كنت غالطة بتفكييري ...هي صعيبة ياااسر ....صعيبة نتحمل معاملتك القاسية وبرودك معاي لي قاعد يقوى يوم بعد يوم ...ايثان انت الروح ولهوا لي نتنفسو ..وينتا راح تفهم هاد الشي وتشوف معاي كامراة وموش كبنت فرخة مثل ما انت طول االوقت نتاديلي ....حتى هادي لي اسمها جايدة موش متحملة نشوفها معاك كل يوم ..لا وتنام معاك فغرفتك ...اكيد فما اشيا كثيرة صايرة بيناتكم لانو انتو اصلا عايشين كيف اي مرا وراجل متزوجين ....الا ماتتحسن امي انا موش راح نبقى دقيقة زيادة فبيتك ...يارب اشفيلي امي ورجعها ليا فاقرب وقت ....
تنهدت تنهيدة طويلة تسمع فالبااب تاع الكويزين تحل بكل قوة ...دارت مفجوعة تشوف فايثان واقف ....لابس لكحل فلكحل ..عينيها خرجو معاه ..
ايثان دخل للكويزين شاف معاها بعينين مدبالين ..دار يعدي فيهم على الكويزين كاملة ....
سامية : خير ...موسيو. .شفما!
ايثان: وين مخبيتيه!
سامية : شكون؟ ...
مشى ايثان عندها بخطوات صغار ...وقف مقابلها نزل بعينيه لفخاضها لي كانو عرايا ...وسامية تشوف فالشوميز متاعو محلولة ..وصدرو لي كان ظاهر...افكار حلوة بدات تغزو راسها دارت للجهة الثانية تحس فيدو على فخضها. ....تهزت وتنفضت رجعت تشوف فيه قريب منها بينهم شبر ...
سامية نزلت بعينيها لايدو تحكي : موسيو ...انت ....شتع...مل!
ايثان بدا يقرب فشفافو لشفافها يشوف فيها مسلمة ومغمضة عينيها ..اول ماوصل ليهم تبسم على جنب يحكي : انت عملتي هاد الشي مستقصدة موش هك؟ سايبة فخاضك عرايا تحبيني نكون قريب منك؟؟ ...نعرف موش قادرة تصبري عليا وكل شي فاضحك ...والصراحة انا ماعنديش مانع. اذا تحبي نعديو ليلة حلوة انا وانت ...ونوعدك كل شي راح يبقى فسرية تامة ....شراايك؟
سامية حلت عينيها مشوكية ملي كانت تسمع فيه. ..عبات ايديها دفعتو بكل قوتها. نزلت تجري من فوق الطابل دموعها على خدها ..
....
Lydia
اريد ان احتفظ بك في دلك المكان ...حيت ايماني هناك ....
ان لم اكن لك ...فانا لن اكون لغيرك ..
الى اين تاخدك ..الرياح ...الرياح ...
الى اين تاخدنا الرياح.....الرياااح .....
هده الرياح المتمردة ليست مالووفة ....
الى اين تاخدنا. ..لا انت ولا انا يدرك دلك ...
الذكريات التي صنعتيها ...لا ادري الى متى سترافقني....صباحي ومساءي وفصولي اصبحت مرتبطة بها ...وحتى مدينة احلامي تعلمين انها لا تكتمل الا بوجودك ....
نداءات الرياح لاادري مادا تحاول قوله ...
لمدا وجهك يشبه الاحلام التي اراها ...ما السر وراء دلك؟
البارحة لم تكوني لي. .ولن تكوني لي غدا ..انت ملكي اليوم فقط ....وكل وفاءي واخلاصي لك ..وفقط....
وسافعل ما اشاااء.............❤❤
اكسترااااا من الحلقات الجايين .