الطريق الى قلب الاربعيني / الكاتبة ليديا بورزام

لم تكن في الحسبان

الحلقة16:
سامية حكمت بلاصتها راسها فلرض ...صابرين دارت تقحرلها ..
فارس كان ماكلها بعينيه ..تبسم يحكي: مارسي على الرقصة مدموازال سامية ..اما انا كنت نحبك تشاركيني الطابل ههههه مثل ماشايفة انا طاوتي فارغة ومفماش شكون يوانسني ..شرايك تيجي تقعدي عند ..منها ترتاحي ومنها تحكيلي شوي على حالك..نحب نعرفك اكثر ..
نعيم كانو عينيه عليها يشوف فيديها يرجفو ..طلع راسو لفراس يحكي: لا ..خلاص انت روح ..الظاهر حالتها ماتسمحلهاش ...
ايثان تبسم ...يعرف انو هو السبة فحالتها ...يعرف انو بوسات جايدة ليه شعلت نار الغيرة فقلب سامية مرة ثانية ...شحال كان مستمتع وهو يشوف فيها تتعذب قدامو ... .مد ايدو للثلفون حملو. ..باقي يتمعن معاه ويتبسم ..مشى فارس جيهة طاولتو ..سامية طلعت عينيها تشوف فايثان مازالو يتبسم. ..مدت ايدها لشعراتها عدلتهم ...وقامت من بلاصتها ..
الكل دارو يشوفو معاها حايرين ..
نعيم: وين ماشية...اقعدي فبلاصتك ..يا سامية ..صابرين: وين ماشية يا روحي ؟
ايثان: خلوها هاد الفرخة اكيد تحب تلعب. .او يمكن تحب ترجع ترقص مرة ثانية ههههه
جايدة: ههههه اشششش علاش انت جايبها وراها ..شعملتلك؟
ايثان: هههه شي ...ااما شوفي يديها شحال صغرونين وروبتها ....مذكرة بنت الخالة ليليا ..بنتها مولات العشر سنين ...ايه ذكرييني باسمها ...
جايدة: اسمها  ريتا ...
ايثان: ايه ريثا ..هههه نعيم انت اكيد مدكرها ...والله هي عندها روب كيف متاع المدموازال سامية ..ههههههه والله موش نفدلك ...
الكل كانو ساكتين يشوفو معاه حايرين ..سامية كانت تكبس على روبتها كلام ايثان جرحها ياسر ...نزلت عينيها تحكي : دكتووور ..نحب نمشي عندو ..
نعيم: قصدك فارس؟
سامية: ايه ..ماتتصورش شحال كنت مرتاحة وانا معاه ..اما موش رايحة نطول يااسر ...
.صابرين ظحكت  جبدت الروج من صاكها قامت وقفت قدامها خداتها لحظنها تحكي : كوني قوية ...حاولي تجبدبه ليك...السيد فارس راجل مايتعوضش صدقيني .....
بعدت عليها حلت الروج ..حطتو على شفافها ...باستها من خدها رجعت قعدت ....
نعيم: ....متغيرة ياسر ...ربي يحميك ...يلا امشي عندو
دارت سامية تشوف فيه قاعد على الطابل يلعب بثلفونو ...
اايثان كانو عينيه على   فشفافها ...قداش كانو منفوخين ومطراسيين وااك الروج خلا منظرهم يسخف ......
دار لجايدة يشوف فيها تثاوب ...
ايثان: تحبي نمشو يا روحي؟
جايدة قدمت منو وصلت لودنو تحكي : ايه تعبت اما تعرف شنية نحب قبل مانرقد
ايثان اول ماسمع كلامها تبسم ..حس روحو الكل لهبت فرد مرة ....مسك ايد جايدة حطها ففمو يطبع فبوسات خفاف عليه  وعينيه على سامية ....
دار ليهم يحكي: يلا انا باش نروح ..جايدة تعبت وفما ليلة طوييلة تستنى فيينا. ....
جايدة: اششش ..
نعيم: ايه روحو ...مع انو السهرة مازالها طويلة ..اما نعرف مادام ناويين تعديو ليلتكم مع بعض فاكيد راح ترفضو تبقاو اكثر ههه
ايثان: تفهمني شريكي ههههه...
نعيم: اكيد نفهمك .. ..اما فما زوج كلمات نحب نقولهملك تو ..جايدة تصبحي.بخير ..انت اكيد تعبتي خلاص روحي .استنيه بالسيارة ..هو شوي ويجيك ..
جايدة: ههه اوك ...موش مشكل ..مشات عند ايثان خدات منو المفتاح وخرجت ...
نعيم قام من بلاصتو مشى عند ايثان جبدو قدام البااب متاع المطعم يحكي: اسمع انت شنية هدا لي تعمل فيه ؟
ايثان: شفما!
نعيم: شنية حكايتك مع سامية ...على فكرة انت تجاوزت حدودك ياسر ..
ايثان نفخ بالقاوي ..طلع راسو للسما يحكي: اسمعني يا نعيم انا وهادي الفرخة لي تحكي عليها مايربطنا حتى شي ...اما هي ظل طول الوقت لاحقتني ..مانعرفش شصاير لمخها هاد البنت واحدة مريضة. .انت لازم ظاعف مجهوداتك يا نعيم ...لانو كل شي قاعد تعمل فيه ماعندوش معنى ..البنت واحدة متهورة ومازالها ماتعرفش مصلحتها وين ...فنصيحة مني احرسها ...وتبع كل خطوة تخطوها ...عقلها مازالو صغير ونايض للدنيا ومازالها مامجربة شي ...
نعيم: شنية قصدك؟ انو سامية حاطة عينها عليك ؟
ايثان: وانا شنية يعرفني ..المهم انا مانحبش تشوفها مرة ثانية قدامي....شوفتها صارت تنرفزني ..يلا تصبح بخير
نعيم: استنى ...ايثان ....
سامية  كانت تحكي وتظحك ..ماتعرفش علاش القعدة مع فراس تحسسها بالراحة ...دارت تشوف فايثان خارج يجري من المطعم..ونعيم ماشي جيهة الحماام ...قامت من على الكرسي...حملت ثلفونها ماشية
فارس: وين ؟
سامية: راجعتلك ..استنااني ...
....
ايثان خارج ينفخ ...دخل للباركينغ ...ماشي جيهة سيارتو يسمع فصووت وراه: استنى ...
تسمر فمكانو تبسم على جنب ...دار يشوف فيها واقفة عينيها عليه ....
تنهد تنهيدة طويلة طلع راسو للسما يحكي: كنت عارف  راح تلحقيني. .يا بنت انتي شنية حكايتك .....ها احكي ...
سامية مسكت روبتها تكبس عليها. ..طلعت راسها تصيح : علاش ..علاش سمحتلها تقرب منك ....علاش سمحتلها تبوسك ..ها..شكون هي حتى تسمحلها تعمل لي تحب عليه وانا لا ....
ايثان عقد حواجبو مشى عندها بخطوات صغار لين صار بينهم شبر يشوف فيديها يرجفو ...
ايثان: انت شنية تحبي تعملي؟؟
سامية :......
ايثان:استني ....اذا سمحتلك تعملي لي تحبي عليه راح  تمشي من قدامي ؟
سامية طلعت راسها تشوف معاه ...موش مصدقة كلامو ...
سامية: شنية قصدك ...
ايثان حط ايديه ورا ظهرو فاهم كل شي .. نزل لين صار مقابلها ....تبسم بخبث يحكي : وانا صرت قدامك ...ونوعدك  انا موش راح نحرك يديا لحد تخلصي من الشي لي تحبي تعمليه ...يلا
سامية : انت ....تفدلك ..موش  هك؟؟
ايثان عمللها براسو لا ...
سامية: وعد؟؟
ايثان: ايه ..وعد
سامية طلعت برجليها تعنبشت فرقبتو ..حطت شفافها على شفاافو  تبوس فيهم ..
ايثان مغمض عينيه باقي يكبس على ايديه ...سامية كانت مرة على مرة تبعد عليه شوي تاخد نفس وترجع تبوس مرة ثانية....ايثان من غير سبب يحس فالحاجة لي بين فخاضو تكبست ...مد ايديه للارياار متاعها حملها مشى بيها لين وصل للحيط سندها عليه شفافها فشفافو ...بعد عليها  تلاقاو عينيهم...
سامية كانت تلهث ..غمضت عينيها تحكي: علاش؟ ...انت وعدتني موش راح تحرك يديك لحد مانخلص ...
قبل ماتكمل كلامها ..ايثان رجع يبوس فيها .. ... ...حط خشمو في رقبتها يشم فيها ويطبع فبوسات ..سامية كانت تظحك مستحلية لي كان يعمل فيه ..وفلحظة تحس فيه بدا يعض فيها .....
بدات تتوجع ..نزلت ايدها لشعرو مسكتو تحاول تبعدو ..ايثان طلع ايديه لثنين مسك ايديها لزهم للحيط طاع ثلفونها جا فلرض ....سامية .كانت  تحاول تبعد عليه ..اما بلا فايدة ...هو كان اقوى منها ياسر ..حتى ايديها كابس عليهم لدرجة انها تحسهم باش يتقصو ....دارت حطت فمها فوذنو تحكي: ايثان ...نحبك ...ارحمني ...انت وجعتني ياسر ...وراسك ابعد عليا ... موش قادرة نحمل اكثر ..ايثان اول ماسمع كلامها  تسمر عينيه تحلو طاقة .....حس ببرودة نزلت على روحو الكل. ..بعد عليها عينيه فلرض .....وقف مقابلها عينيه علييها ... كانت ساكتة  دموعها على خدها . اما فما فرحة كبيرة مرسومة على وجها  تعابيرها كانو متناقضين ....نزل بعينيه لرقبتها يشوف فديطراس حمر بداو يترسمو عليها ...فلحظة جات فبالو ديك اللقطة وقت كانت جايدة معاه فالسيارة ووقت لمح دووك ليطراس . ..افكار كثيرة بداو يجوه فراسو.. .عبى ايدو يكبس عليه يحسو باش يطرطق ..
سامية حطت ايدها على رقبتها تتحسس فيها .من غير ماتحكي كلمة دارت ماشية تسمع فثلفونو ينوقز ....رد ايثان يحكي : الو ايه جايدة..ايه يا روحي ...ايه نعرف انك تعبانة ..اما نعيم كان يحكي ياسر وماسمحليش نمشي ...ايه ..راح نجيك يا روحي وقلبي ودنيتي ..وكل شي .....هههه يلا جاي .....باي
سامية واقفة مسمرة فمكانها  اول ماسمعت كلامو حست موس تغرس فقلبها ...انت شكون بالنسبة ليه يا سامية ...وقت يحب يقربلك ووقت يمل يرميك وكانو ماصار حتى شي ..من شوي كان مطيرك لسابع سما وفلحظة رجع نزلك للحظيظ..اما الغلطة متاعك ..شنية جابك عندو هو بالاخير عندو حبيبتو ويحبها ويعشقها .اما موش مشكل ..انت راح تتحاسب على عملتك وماعاش تشوفني قدامك ... ..كبست على يدها لاول مرة تحس روحها معصبة منو....
ايثان واقف يراقب فيها  ميل راسو على جنب يشوف فيها دارت جاية جيهتو ملامحها كانو باردين على غير عادتها.  وصلت وقفت قدامو ..ايثان كان مطلع حاجبو مايحس غير بالكف فوجهو ....حس الزبل طلع لراسو ..هادي اول مرة فحياتو مراة. .او ينجم يقول بنت فرخة تتجرا وتهز ايدها عليه....دار يشوف معاها عينيه حمر الشر يطاير منهم ..نطق يحكي: انت ...
قاطعتو سامية عبات ايدها تهدد فيه : انت ...حل عينك ترجع تقرب مني مرة ثانية.  انت ماتعرفش انا شنية ممكن نعمل .. ...فاهم ولا لا!وتو امشي لحبيبتك واعمل معاها لي يجي فبالك ..صدقني اخر همي ...
ايثان تشوكا عينيه تحلو طاقة  من الشي لي يشوف ويسمع فيه ...باقي ساكت ماقالش كلمة ...سامية بعدت عليه شافت معاه من فوق لتحت ..رجعت بخطوات لوور عبات ثلفونها ...مشات جيهة الباب وخرجت ...
ايثان طلع راسو للسما ..نفخ بالقاوي مد ايدو لخدو يحكي : صدقيني لي عملتيه من شوي راح تدفعي ثمنو اضعاف يا مدموازال سامية ...موش انا لي تلعب معاي اللعب هدا ...
مشى لسيارتو ركب .يشوف فجايدة مسندة على الكارو تستنى فيه ..اول ماطلع تبسمت تحكي : روحي ..وين كنت طولتي عليا ياسر ....تعرف موش قادر نصبر اكثر ...
ايثان: جايدة سيبيني وراسك .. مودي مايسمحلي نعمل حتى شي غير النوم .....
.....
Lydia
الحلقة17:
نهار جديد واحداث جديدة ..سامية  بدات تحرك فعينيها ضو الشمس كان متسلل لشومبرتها ..مدت ايدها لثلفونها تشوف فالساعة 08:30... ذكرت انو فما جامعة تستنى فيها ....عينيها تحلو طاقة ..قفزت من فوق السرير جات واقفة قدام لمراية تشوف فشعراتها فالسما ..نزلت بعينيها لرقبتها كانت كلها ديطراس زروقا ..بقات مسمرة ملي تشوف فيه ...حطت ايدها عليهم كانو يوجعو ياسر ..غمضت عينيها تحكي : ايثان .يا انتهازي ..يا استغلالي ...يا حيوان ...شوف شنية عملت فييني ..والله راح تتحاسب على عملتك ..ياربي انا كيف راح نغطيهم .اكيد ماما رايحة تشوفهم ...انا...انا اتفضحت ..خلاص ...مشات للخزانة جبدت شاال ..لواتو على  رقبتها...مشات بخطوات صغار للباب متاع الشومبر ..خرجت للكويزين تشوف فامها قاعدة على الكرسي ...
سامية: صباح الخيير ..ماما ..
دارت فاطمة تشوف معاها وتتبسم ...: صباح .النور ...بنتي ...فما حبات تمر ..وحليب ..افطري وسامحيني كنت نحب نحظرلك شي حتى تاكليه ..اما ..
سامية : مشات عندها وقفت فوق راسها....تستنى فيها تكمل كلامها
فاطمة: بصراحة يا بنتي انا صار لازم نخبرك ...لانو الموضوع صار مفضوح ومفماش داعي نخبي عليك اكثر...
قعدت سامية جنبها على الكرسي تحكي: شفما! قولي
فاطمة: سامية بنتي ..انا صارلي اكثر من شهر نعاني من وجاع حاد اسفل ظهري ...بصراحة ماكنتش لاهية ...الاسبوع يلي فات مشيت لبيت خالتك جنات ...عاونتها شوي فشغل البيت ..وهي كانت تحب تغير الديكور ..وانا سحبت معاها لخزانة .....ولما خلصت جيت للبيت ..اما لما جا وقت النوم مانجمتش لوجاع قوى ياسر ..وصرت موش نجم حتى نتحرك ..حطيت بوماد خف شوي ..ونمت
والبارح الصباح اول مامشيتي انت للجامعة انا رحت للدكتوور ..
سامية كانت منزلة عينيها للرض تسمع فكلام امها تحس فيها حطت ايدها على خدها تتحسس فيه ..طلعت راسها تخزرلها ...
فاطمة: الدكتور خبرني  انو فما جزء صغير من العمود الفقري مضرر..ولما حكيتلو قال انو بسبة التعب لي تعبتو هداك اليوم وقت نظفت البيت ...
سامية: شش شنية!! انت ...شقاعدة تقولي يا ماما ...كيف ..كيف يعني عمودك الفقري مظرر...و شنية الحل ...شنية خبرك الدكتوور ..ها ..احكي ماتخبي عليا حتى شي ..
فاطمة: الدكتور يا بنتي خبرني انو فما حل واحد ..وهو اني نعمل عملية. هي عملية معقدة ياسر ...ونسبة نجاحها راح تكون 30% وكهو ...معناه فما امل صغير نرجع كيف كنت يا بنتي ...
سامية  كانت منزلة راسها تفكر ...دموعها سايلين ..مدت ايدها مسحتهم تحكي: ايه خلاص ...اعمليها ..حتى اذا كانت نسبة نجاحها 1% اعمليها.  انا متاكدة راح ترتاحي يا مام..و....
فاطمة كانت تشوف مع بنتها ...طلعت راسها للسما تنهدت تنهيدة طوييلة تحكي: تعرف شححال لازملنا دراهم؟
سامية اول ماسمعت كلامها تسمرت ...نزلت راسها للرض.رجعت تفكر مرة ثانية ....راسها تحسو باش يطرطق ...رجعو دموعها ينزلو مرة ثانية ...بدات تصيح وتحكي : شفتي كيف ..شحال من مرة خبرتك ماتعبيش حالك ..خبرتك انو ماراح تكسبي شي من ورا خدمتك فالبيوت من غير انك تخسري صحتك ..اما انت عاندتي ...وانت تشوفي فالنتيجة ....
فاطمة : بنتي ..شصاير معاك ...اكيد فما حل خلاص ماعاش تفكري ...انا راح نلقى حل
سامية: لا خلاص يا ماما ....صدقيني موش بعد اليوم ...انت ماراح تخرجي من البيت الا على جثتي ..شنية ناوية تعملي ..ها ....واصلا شجابك للكويزين ..بعد ماسمعتي كلام الدكتور انت لازم ترتاحي..شقيمك من فراشك ؟ ها ...؟ جاوبيني
فاطمة: ....
قدمت منها سامية دخلت فحظنها تحكي : سامحيني يا ماما ...انا كنت هاملاتك ياسر ..وماحاساش بالتعب لي تتعبي فيه كل يووم ..انا السبة يا ماما ...انا كنت لاهية بحاجات ماعندهمش معنى ..وعوض مانخفف عليك انا قلقتك اكثر ...سامحييني ورااسك
فاطمة حطت ايديها على شعراتها تحكي : انت شقاعدة تخلطي...مفماش داعي للكلام هدا يابنتي ...يلا ...عاونيني نحب نروح لشومبرتني نتسطح شوي ..وانت امشي لجامعتك ..خلاص مبقاش وقت. .
سامية : لا ..انا راح نبقى معاك ..مانحبش نروح للجامعة ...
فاطمة : معناه تحبي تقلقيني وتخليني نفكر اكثر واكثر؟
سامية : ماما ..
فاطمة: اششش مانحب نسمع حتى شي ....يلا انا راح نمشي نرتاح مثل ماطلبتي مني ..وانت اعمل لي طلبتو ومن غير نقاش ...يلا ...
......
ايثان  بدا يحل فعينيه يحس فروحو سخوون ..نيفو يحرق .تقعد على السرير مد ايدو لحنجرتو يحس فيها تووجع ...نفخ بالقاوي دار مسك الثريكو لبسو بحس فيدين جايدة على كتفو ..
ايثان: صباح الخير ...
جابدة صباح النوور يا روحي ...قدمت منو قعدت جنبو   طلعت يدها لخدو اول مالمستو عقدت حواجبها تحكي : انت مريض؟؟حرارتك مترفعة ...
ايثان نزل عينيه للرض يحكي : ايه الظاهر  الفلونزا ..راح نمر على الدكتوور
جايدة : اممم اكيد من السهرية متاع البارح ..استنى راح نجيب الثارمومثر ونرجع ..
ايثان: لا مفماش داعي ..اصلا صار وقت ..لازم نروح والا راح نتاخر ...
جايدة: امممم اوك ...افف صرت لما نشوفك ماشي الصباح نتقلق. ...تعرف انو النهار طويل ياسر من غييرك .نحبك دايما تكون جنبي ...
ايثان: يمر يا روحي ....اذا تحبي تروحي تتمشاي شوي وتنزلي تعملي شوبينغ على راحتك ..عندك الرقم متاع الشوفوور وهو ياخدك..واذا تحبي تبقاي هنا فالبيت تحت التصرف متاعك ...تنجمي تروحي للصال دو سبور او تتفرجي ال tv ...او ......شرايك تروحي تعزفي على لبيانو. ..حاولي تدكري شوي ..اكيد انت نسيتي التعليمات لي عطيتهملك من قبل ...ولا مدكرتيهم؟
جايدة : قصدك ...انت راح تسمحلي نفوت لغرفة البيانو ؟
قام ايثان من بلاصتو وقف يتبسم ويحكي : ايه ..اما ماتفرحيش ياسر ..اليوم وكهو ..ولما نرجع راح تعرضيلي كل شي دربتي عليه ...
جايدة: ههههه اوك ..اما تعرف شي ؟... بصراحة جات فبالي فكرة حلوة ياسر
ايثان مشى  للخزانة يجبد فقشو.  ...
جايدة:  اما اوعدني انت راح توافق نعملوها
دار ليها ايثان ماسك الشومبز يحكي : اممم خلاص قولي.   اذا كانت فكرة معقولة علاش لا
جايدة :  بصراحة ليلة البارح انا حسيت انو احنا مشينا من غير حتى ما نعطوهم سبب مقنع لروحتنا للبيت ...وهديك البنت لي اسمها ....سامية  فاتت لقلبي يااسر ...هههههه  واحنا مشينا من غير حتى ما نودعوها ..وثاني شي انت غلطت شوي فالهدرة معاها وجرحتها بكلامك ....
ايثان  باقي يقحرلها. .طيش الشوميز على السرير يحكي : امم فهمت شنية تحبي تقولي ...خلاص انسي ...
جايدة مشات عندو مسكتو من خدو تحكي : وراسك ورااسك ..ايثان . ... اصلا مفماش سبة تخليك ترفض .هو مجرد عشا.  كيف عشا ليلة البارح.  اما فالبيت    راح نعزموهم الكل. ..سيلا. نعيم والدكتورة صابرين ..و هديك البنت سامية ..محلاها تتقرمش..صدقني مانعرفش علاش فاتت لقلبي بالسرعة هادي ..قداشها صغرونة وحلوة. ..و ....
ايثان كان يحكي بينو بين حالو: ايييه لو تعرفي عمايلها كنتي راح تلوجي على خطة حتى تقتليها وتتخلصي منها ..موش تعزميها لبيتك ...
دار داخل للحمااممم يسمع فيها تحكي : هااااا شقررت ...موافق ولا لا!
ايثان: ايه ايه ..خلاص اعملي لي تحبي عليه .اما سيبيني نروح لشغلي
جايدة:ياااس ..هههههههه ايه مارسي يا روحي ..نعرف موش راح تردني ..وبما انك وافقت انا راح ننزل للسوق نشري كل شي لازم  ونرجع
ايثان: مفماش داعي ..انت اعملي قاءمة لكل شي تحبي عليه واعطيها للشوفوور وهو يعرف شغلو
جايدة : لا ...انا راح نعمل كل شي...
ايثان: براحتك .....مشى للدبوزة متاع الباارفان ..غرق روحو ..مسك محفظتو وخرج...
....