مضلومه من قبل الجميع

البارت الاول

رونق. صباح الخير
ماما. صباح النور
رونق.ماما بابا وين اشو ماكو بفراشه
ماما. خير نشالله من الصبح شتردين منه
رونق. اريد مصروفي تأخرت حيعوفني البنات ولله
ماما اي تلكينه يرش بالحديقه
رونق تمام ياله باي
بابا. ها

رونق. صباح الخير
يوميه جايتني بطلباتج انتي

رونق 😔شدعوه ياله ماريد مع السلامه
الاب الله وياج
طبعا اني ماتريك ابد تلعب روحي منه وحته المصروف مال المدرسه هم ما اشتري بي ابد تطب السنه الدراسيه وتطلع اني ماشايفه الحانوت اله  للضروره مثلا اذ حتاجيت قلم مساحه  وهاكذا واجمع لمن تنتهي المدرسه اشتري بيهن ملابس احذيه وهيج شغلات المهم
طلعت للصبح مثل كل يوم امر عله صديقاتي نروح سوه احنه نفس الصف بس فرق وحده علمي الس هيه حوراء ونرجس لا هي هم ادبي حاله من حالي نكضي الطريق ضحك وسوالف وحوراء خابصتنه خبص بس تحجي وخاصتا هي كان تتمنه تتزوج شخص غني وحلو كلش هههه المهم جنه نكول خنشوف منو حتتزوج اول وحده بينه، ،،،،،،وصلنه المدرسه وبدينه دوام عادي دخلت المديره للصف والكل سكت
المديره.  صباح الخير
الكل صباح النور
المديره. ماماتي بنياتي انتن وزاري وهاي السنه الاخيره الجن نشالله ونخلص منجن
الكل. 😂😂😂 نشالله ست

المديره نشالله المهم اريد منجن كل وحده 4صور وجنسيتج وجنسيت ابوج مستنساخات ماشي عدجن بس هاذه الاسبوع والماتجيب تروح هي توديه للتربيه فتهمتن وتبقن ماتدخلن وزاري ولله. ok
الكل.  ok
بهاي الاثناء عرفت اني انو محد راح ياخذني للسوك اخذ صور المهم خلص الدوام ورجعنه للبيت
رونق.
السلام عليكم
الام. وعليكم للسلام
رونق. ااووووف ماما  شطابخه ميته جوع ولله
الام. ولله محد لازم حلكج الصبح ماتتريكين قبل مترحين
رونق. ماما احب الريوك تلعب روحي منه ادري كوه هيه
الام. يطبج مرض
رونق. رحم الله والديج. المهم شنو غدانه اليوم.  الام. تمن ومرك فاصوليه
رونق. خلي اكل شويه قبل مايوصلون
الام وجع اكل قبل ميوصلون اخوتج ماكو فتهمتي مو هم تعبانين وانتي تاكلين اكلهم
رونق. ماما شسالفه بس خاشوكتين تمن اسكت بطني بيه شدعوه
الام ولله للعدي كلته وقد اعقب من انذر

المهم هاي يوميه هيج قبل مايصلون اخواني اتعارك وي امي عل اكل ابد متخليني اكل عباله راح اكل الكدر كله 😥وما اكل للمن يجون كلهم طبعا مدرستي دوامه ثلاثي يعني اداوم ب7ونص وبال11 و40 دقيقه اطلع فأبق انتضر الغده من ال11 لمن ل12 ونص ياله يجتمعون كلهم
ومشه اليوم طبيعي بين عرك وقرايه وشغل اجه ابويه وحاولت اكوله عل صور للي طلبتهن المديره بس جان عصبي حيل هو هاي عادته ليل نهار هو عصبي وهم الوحيد انو يتزوج مره ثانيه بس طبعا احنه كلنه معارضين وعرك يوميه هو وامي عله هل شغله واحنه مبتلين بيهم لأن بصراحه اسلوبهم انعكس علينه. اصلا اني صار عمري 17 سنه وماعرف شلون يكون التعامل الحلو بين الزوج وزوجته لان اهلي ابدا مجانو عله صلاح الوقت كله هم عرك وصياح المهم انتضرته لليل علما شويه هدئ
رونق بابا
الاب. ها

رونق. الميره طلبت من عدنه صوره وجنسيتك وجنسيتي مستنسخات
الاب. خير نشالله
رونق 😊
اي يمته تاخذلي صور
الاب اي افتهمنه تردين اخذج هسه شعدنه دنيه ليل لو ماصدكتي تريدين تطلعين
رونق لا بابا
الاب. فضيه امشي منا ياله
رونق. ماشي
ومشيت وياي خيبت امل. اصلا جنت اعرف ردت فعله بس كلت بلكي يقبل المهم اليوم ثاني نفس الشي دوام وقرايه وهم رجعت للبيت علما اجويه اخواني وابويه دغدينه والكل نام كلت بلكي يرتاح ويكعد مابي شي
وصار العصر قبل مايطلع ابويه
رونق. بابا
الاب. ها
رونق. الصور بابا
الاب. وسم كلما شفتيتي طلبتي شغله متستحين انتي
امشي منا ياله اريد اطلع يوم محد يكلي اريد فلان شغله متشبعون انتم كافي
رونق. عفته ودخلت جوه بس دموعي تنزل عشره عشره موبيدي ستهضمت حيل من حجيه وهو احنه ولله مانطلب شي غير الضروريات. 
عرفت اننو هو يريدني اايس منه حته اشوف واحد غيره ياخذني بس كلت اله اعاند ويا ومحد ياخذني غيرك
رحت اليوم الثاني لدوام وبده الحساب والعتاب مال للمديره
المديره. هلا بست رونق
رونق 😁هلا ست
المديره. وين الصور اليوم اخريوم وصار شكد من كتلكم ها اني مو حذرتكم
رونق. ست ولله محد يقبل ياخذني للسوك واني شبيدي يعني
المديره. مشكلتج اني هسه فد ساعه واطلع للتربيه اسلم الاسماء وانتي احسبي نفسج ما داخله وزاري ياله لصفج
رونق. مادري ليش بسرعه كمت ابجي حيل وحيل لنن ختنكت حسيت يسسب اهلي انو اني نحرمت من هاي السنه وماراح امتحن وزاري ابد

رجعت للبيت بدون سلام وكلام دخلت للغرفه وقفلت الباب عليه لثاني يوم الصبح طبعا محد سأل وكال ليش حابسه روحج لمن للصبح ماكعدت غير عله صوت الباب يندك حيل وصياح مال ابويه كعدت فتحت الباب جان يوم جمعه كلي متكعدين قافله الباب ياله طلعي نضفي السياره. اني هنا ماسكتت طكت روحي من تعلماهم وخاصتا هو بس يأمر وينهي
رونق. ما انضفه
الاب. وليش يابه
رونق.  بسببكم المديره ما دزت اسمي للتربيه وعتبروني اصلا مو طالبة وزاري ولا اكدر امتحن رتاحيتو هسه ها بس كلولي اسبوع واني احرمص شدعوه هن كم صوره ب2000دينار
الاب. هسه اتصل بالمديره واشوفه

رونق ماكو داعي
الاب انتي معليج سكتي كافي
الاب. الووو ست رسميه
المديره. اي نعم تفضل
الا ب. اني والد الطالبه رونق محمد وهي تكول انو مراح........)
وكله كلشي كتله علي وهي هم فهمته انو مابيده شي والسبب من عدنه لان ماجبناله صور والجناسي
وقهمته انو يكدر يروح للتربيه. وينطيهم الصوروالجناسي وينطيهم عذر التأخير.
المهم ابويه قبل يوم الاحد ياخذني للتربيه واسلم الصور والجناسي وهو معلم وعده هواي اصدقاء بتربيه ومعارف فنكدر نمشي الشغله
المهم واجه يوم الاحد ر......

ولهنا وينتهي البارت الاول
😍😍