مضلومه من قبل الجميع

البارت 5

ااني .....
مصطفى اي كولي انتي شنو
رونق (ردت اكوله اني مغصوبه عليك وماريدك حته بس خفت كلت اكيد هل مره يذبحوني وفوكاه اهلي راح يتفشلون بس شلون اني اطيح بيه يربي ساعدني
تعوذت الشيطان وكلت الله قاسملي هيج الله اليعلم شمكتوبلي خلي اشوف الفلم شنو هايته وربي يحله)
مصطفى. ها حبي الووو وينج
رونق ها اي وياك
مصطفى وين رحتي
رونق لا وياك مرحت
مصطفى. اي كملي.رونق اي
شوف اني ما احب الرجال اليكذب حتلو هو غلطان لازم يحجيلي كلشي صدك اذا يوم عرفت شي عليك مراح اتقبله مثل ما اتقبله اذا كتليا انت بساعته
وها اليصير بيناتنه يبقه بيناتنه ok
مصطفى اكيد حبيبتي
رونق
وبقت علاقتي سطحيه بي
ومقويه والسبب كان انو اني سادس وذابه
كل وقتي للقرايه وهو ميتقبل هلشي بس هلشي
ما صار
عأق بعلاقتنه بس ماعرفت اذا هو حبني صدك مثل ميكول لو لا

مصطفى
وتمت خطوبتي وي رونق وصدك فرحت يعني وين الكاه ماخذلي وحده حلوه وجسم مخصر وابيض
لاوفوكاه زغيره اربيه عله ايدي
بس،ولله مادري ليش ضليت متردد وياه يعني صح فرحت وماكذب بس اكو شي بداخلي يكلي شكو.

تتزوج ضل عزابي احسل يوميه مصاحبلك وحده
ولا تبقه مجبور بس وحده طول عمرك
طبعا اني جان عدي علاقه وي بنيه موضفه بالشركه
ويانه يعني علاقه جنسيه كامله جنت واعده ازوجه
بس الصدك مالي نفس بيه. هي جانت تحبني
واني من اضوج اروح اتونس يمه
جان عدنه شقه مأجريه وبعدينه عافوه وبقت فارغه وبيه كم غرض
اخذه ونروح ليه
وهي تكول لهله ابات يم صديقتي

جان تاخذ مانع حته خاف تحبل
ومن سمعت بيه خاطب هددتني وكالتلي.
نور
ليش كذبت عليه
مصطفى مكذبت عليج
نور شلون مكذبت
وانته كتلي نتزوج وانتي متعليج وفوكاه صدكت بحجيك
مصطفى. لج ساق.......
انتي رخيصه ذبحتي روحج عليه شسويلج
نور مو رخيصه احبك واموت عليك وسلمتلك روحي ليش هيج كذبت عليه لك ليش ليش
مصطفى.
عفته ومشيت وكلت خاف اضربه وابتلي بيه عفته بسرعه وهي بقت صيح وراي خواف نثيه متكدر تواجه اخطائك (هل حجي احنه جنه بشقه وبعد خطوبتي ابد متقربتله)  كتله منو النثيه ولج ساقطه
نور. انت نثيه مكيف بفلوسك ابوك وانت كلشي ماكو
خطأك وهربن منه اجيت ليه كبل ضليت اضرب بيه بس مو حيل بس من شعره ونزعته كلشي وكتله اني اعلمج منو النثيه وهي اصلا مهتمت كيفت المهم
صار الي صار وكان هاي اول مره بعد خطوبتي

مرت ايام واني بس اتمنه الزم رونق وحته من اروح ليهم بالموت ياله تخليني ابوسه واشوفه ممرتاحتلي

بديت اطلعه بس علمود تتعود عليه وتحبني

رونق
مصطفى بقه يهتم اكثر واكثر ويوميه اتصلات بال6 مرات كلشويه يتصل ويشوف ويسأل عله دراستي شلونه وتقرين لو لا اريدج تنجحين وتطلعين الأولى وترفعين راسي
وبين يوم ويم يطلعني وطبعأ هل شي اثر عله دراستي ومتحاناتي
وبيوم كالي تعالي نطلع لمول وبقه يلح المهم وافقت وطلعنه فترينه من العصر وصار المغرب مرينه من يم بنايه مو جبيره كلشي زغيره بس مرتبه كلش مصطفى. وكلي هاي شركت بابا

رونق ها كلش حلوه
مصطفى مو بحلات خدودج
رونق ههه
مصطفى صدك اكلج تعالي سلمي،علبابا.   اني هنا نسيت شغلت نور وراحت من بالي
المهم اخذت رونق ونزلنه من السياره
وحاط ايدي بيده وهي كاشخه ولابسين ثنينه ماروني جبنا طلب من النت نفس اللبس
ودخلنه مجان اكو موضفين كم واحد وللأسف وياهم نور
مصطفى السلام عليكم شباب
الكل وعليكم السلام
شفت نور صار وجه احمر ورادت تكوم تسلم عله رونق وبسرعه خزرته
نور شنو هاي استاذ مصطفى اليوم شعجب جايبه خطيبتك وياك
مصطفى عجبني اكو مانع
نور لا كل الهلا شركتكم هاي احنه نطلع وانت تدخلون
مصطفى. ميحاتج
نور بس صدك استاذ متوقعت ذوقك هيج ابد
مصطفى. اي صح عبالج راح اخذ زركه واخذت وحده جنه كمر واباوع لرونق ولازم ايده
نور لاعيني اصلا الموديل للسمره
مصطفى صح ولله الموديل للسمره
نور اي لعد شلون شوف حته انت تتدري موديل السمره هسه لعد شورطك واخذت البيضه

مصطفى شو اشوف نور كيفت من كتله صح كلت خلي اضربه بوري
مصطفى القلب وما هوا
المهم عفته وبقيت اعرف بيه عل شركه وبعد رجعنه

رونق
كلي مصطفى ننزل للشركه مالتهم وافقت ودخلنه
و ومكان بيه هواي موضفين اصلا جان الدنيا مغرب
المهم سلمنه عله عمو وسولفنه شويه وكال عشاج يمنه اليوم كنلانه غير مره اصلا حاجزين بالمطعم سمج مسكوف اموت علي بقه يضحك عليه اكو واحد ياكل سمج بليل
كتله عمو عادي اني احبه اشو مصطفى كمز من مكان وكال
مصطفى واني لعد شنو بالله اشو ما مره كلتي احبك نوب تحبيم السمج لالا ماتفقنه هيج هسه دكومين اوكلج فلافل وبدون نقاش
ارونق
اني بقيت صافنه ومبتسمه بس ميته خجل هاذه شبي وفوكاه كدام ابو وابو هم مكيف ويشاقون ويضحكون عليه طلعنه وجان الموضفين كله تباوعلنه ومبتسمه وسلمو علينه وباركولنه اله بنيه بيهم ضعيفه وسمره حيل بس مخنزره عليه رادت تسلم عليه وتراجعت وبقت اسولف عليه وتكله لمصطفى شعجب اخذت وحده محلوه ام حلك هي خشته شكبره لا وحلكه واصل لذانه وتسولف
بس مصطفى مسحله هيج تحجي ورد عليه بدال الحجايه الف حجايه. بس شو شويه وبدت الميانه ويا تكول مرته لاولله ست تعالي اخذيلج بوسه بعد
مو تايهين.
اني صدك ضجت بوكته حيل جان مصطفى لازم ايدي ويسولف وياه بديت اضغط عليه حيل لمن حس وخزرته.
بمعنا ياله اطلع كافي نصخته تره
هو كام يضحك وكرص خدي كدامهم وعله عناده كالي يلله حبيبتي تأخرنه عل حجز شفته بسرعه كلبت خلقته وطلعت راحت للمدير الي هو عمو ابو مصطفى

ومر اسبوع اكثر واني دا اقره اتصل عليه رقم غريب
مردت افتح بس مادرلي فجئه فتحت الجهاز وكلت الو
حاجتني بنيه وتكلي بعصبيه ........

باي هاذه هديه تعويض عن البارت الصغير مال اليوم. البطله مشغوله وكوه دا اكمل القصه وبعض من الحوارات هي مني لكن هي قريبه عل واقع بهواي. لنسون صوت بليز 😍😍😘