حكايات طالب جامعي

الحلقة الأولى

-راحة فين يا أنسه
-بدور علي جدول المحاضرات
-سنه كام
-أولي
-أتفضلي من هنا أهوه
-شكرا

(ليه يارب بس الواحد يتعلم ما نقعد في البيت بكرمتنا بدل المرمطه دي هي الست ملهاش غير بيت جوزها أصلا)

-لوسمحت ممكن أعرف أنتي في سنه كام
-أنا سنه أولي
-آه شكلك تايهه برده ممكن أساعدك لو حابه
-لا شكرا
-أنا سنه رابعه واسمي سيف اسمك اي
-اسمي خديجه
-طب أنتي عايزه تروحي فين
-أنا عايزه أروح مدرج رقم ٣
-تعالي جمب المدرج بتاعي

-أهوه يا خديجه هستناكي لما تخرجي
-تمام شكرا يا أستاذ سيف
-أستاذ اي بس اسمي سيف

(دخلت المحاضره بس مش عارفه قلبي أتقبض كدا ليه بس الواد محترم جدا هو لسه في ناس كدا بيساعدني من غير ما يعرفني هيستناني لما اخرج كمان بس هو هيكون زميلي وبس مش أكتر واخ ليا وان شاء الله مش هقابله تاني)

$علي الجانب الآخر $
-اي يابني شوفناك ماشي مع بنت شكلها من سنه أولي أنت لحقت
-أه يا عم أنا فضلت سنجل طول الاجازه كفايه كدا البت هبله أصلا يومين وتبقي خاتم في صباعي
-طب ما تشوفلي حد من صحابها
-شكلها لوحدها هظبطها بس ياعم وبعدين نشوف سلام بقي هتخرج من المحاضره

-ها يا خديجه عملتي اي مردتش أمشي غير لما تخرجي
-شكرا يا سيف  أنا كدا هروح الموقف أركب وأروح
-هاجي أوصلك
-لا طبعا مينفعش
-ليه مش بتعتبريني أخوكي ولا اي
-هه أه طبعا
-طب يلا
-خديجه ممكن رقمك علشان ابقي أشوفك هتيجي أمتي ولو احتاجتي حاجه
-آه طبعا اتفضل
-همشي أنا علشان العربيه جت
"وهو يمد يده لمصافحتها"-طب سلام يلا
-معلش مش بسلم
-ليه بس هزعل والله دا أنا أخوكي يعني
-تمام بس مش تمد أيدك تاني "وهي تصافحه "
-سلام

_ماما يا ماما
-جيتي يا حبيبتي آه يا ماما الحمدلله
-عملتي اي
-هحكيلك ياستي. "وقصت لها كل ما حدث في يومها وتحدث عن تلك المدعو سيف "
-امممم تحبي ماما تنصحك ولا لاء
-أكيد يا ماما بحكيلك علشان تنصحيني
-غلطتي طبعا أولا متثقيش فيه ولا تمشي معاه في اي حته ولا حتي تفكري تكلمي ولد لان دا حرام اولا وعيب ثانيا و الانطباع الاول بيدوم عليكي بمعني أن الولد دا عرف أنك بتكلمي ولاد عادي واي حد من صحابه كذلك عرف كدا واي حد لو شافكم كذا مره مع بعض هيقول عليكي كدا فأنتي ليه تخسري قلبك وعقلك وسمعتك في حاجه حرام توبي لربنا واعزمي إنك متعمليش كدا تاني
-أنا أسفه يا ماما أوعدك مش هعمل كدا تاني
-وأنا علشان واثقه فيكي مش هعقبك ولا تقولك حاجه بس متتكررش وتيجي تقوليلي كل جديد 
-حاضر
-ادخلي يلا علشان تغيري ونأكل
-حاضر

-ألو
-مين معايا
-أنا سيف لحقتي تنسيني
-لوسمحت ملكش دعوه بيا تاني وياريت تمسح رقمي
-هو أنا كنت كلمتك بطمن عليكي
-أنا أسفه بس مينفعش نتكلم سلام

"وظلت خديجه تبكي هل حقا أغضبت ربها هل أخطلت بولد يالله كيف لها وكيف يسمح حياؤها بذلك لا ياربي سأتوب "

_إن ما بين عدم الثقه والخوف والقلق شعره فبيدك أيتها الفتاه تحافظي علي تلك الشعره حتي لا يتحول الخوف والقلق إلي عدم ثقه _

#يتبع
#نورهان_متولي
#حكايات_طالب_جامعي