-وبعدين يعني
-ولا حاجه هي دي بقي كاميليا
-قولتلك متثقيش في حد
-بس أنا شايفها كويسه
-أديكي قولتي شايفها كويسه متعرفيش الباطن اي
-يعني كدا مش سوء ظن
-لا أنتي مظنتيش فيها حاجه أنتي هتخدي حذرك ولا تثقي أوي ولا هتظني فيها سوء
-بس هي كويسه
-مش مهم أتعودي متثقيش في حد للدرجه الي تخليكي تتوجعي علشان كل متثقي في حد لو هتتخذلي فأنتي هتتخذلي جامد لكن لو شخص بالنسبه لك عادي فمش هتتوجعي ووجع قلبك مش سهل......
"ماما مغلطتش دايما بثق في الناس بسرعه وبتخذل ودايما كلامها بيطلع صح "
كثرة الخذلان يجعل القلب يئن وجعاً و لا يعترف بوجود الفرح
-صباح الخير يا خديجه
-صباح النور يلا متاخرين عالمحاضره يا نڤين
-لا معلش تعبانه مش قادره
-اي مالك بس
-تعبانه اوي
-مش عارفه طب خدي مسكن بس لازم أطلع المحاضره لانها مهمه خليكي هنا وانا هنزلك بعد المحاضرة علشان أطمن عليكي أسفه والله بس المحاضره مهمه
.
-ها عملتي اي ياعم فكك مني دي بت قفل قال اي المحاضره مهمه
-مليش دعوه تقعديها معاكي غصب اشطا
-طيب يا اخويا أخلع بقي
-سلام يا قطه
"كثرت أخطائي لكني والله لا أملك غير هذا الطريق عيناي لا تبصر غيره"
"بعد المحاضرة "
-نڤين شايفاكي بقيتي كويسه يعني
-آه الحمدلله بقيت أحسن
-ممكن متكلمنيش تاني
-نعم أنا عملت اي
-مشكلتك إنك معملتيش بس بلاش تكلميني تاني أنا أذي ليكي
وخدي بالك من نفسك
-ياربي حتي نڤين بعدت عني بس يعني هي أذي ليا أنا مش فاهمه حاجه أحسن حاجه أنا أروح أصلي الظهر وأقعد في المسجد شويه
-السلام عليكم يابنات
-وعليكم السلام يا خديجه تعالي كاميليا جايه أهيه
-طب يا عائش هصلي علي ما تكون جت
_أخبارك إي يا ست خديجه
-بخير وأنتي
-أاممممم انا بخير الحمدلله أتعودي قولي الحمدلله بخير بمعني تحمدي ربنا علي النعمه دي دايما
-حاضر يا كاميليا
-حضرلك الخير بصي يا ستي أنا كاميليا في رابعه كليه صيدله وسنجل والله يباشا يعني لو عندك عريس فايلا
-هههههه وانا خديجه أولي كليه علوم وسنجل زيك بس كدا
-السنجله جنتله علفكره يعني بس لحد مايجي مفيش أحلي من الارتباط
-ههههههه
-معلش يا خديجه عندي محاضره لازم أطلع
-لا طبعا اتفضلي وانا هروح علشان ماما متقلقش عليا
-الو
-اي ياست مش ناويه تعقلي بقي
-أنت مين
-للدرجه دي نسيتني
-هتقول أنت مين ولا لاء
-..........
-خديجه مالك يابنتي
-ليه يا ماما أنا بيحصلي كل دا انا تعبت بقي والله
-اي الي حصل بس
-نڤين قالتلي أنا أذي ليكي و سابتني
-ما حايز هي كدا فعلا سبيها يا بنتي بكره تعرفي كل حاجه يلا بقى قومي نامي شويه أخوكي جاي من السفر بليل
-بجد يا ماما زومي جاي اخير يس
-يابت اسمه حازم اي زومي دا
-اوعي بس يا مز انت أدخل أنام كدا لحد ما زومي يجي
-قليله الادب
(أول مره أخبي علي ماما حاجه بس أنا خايفة عليها لما حازم يجي هقوله)
"
"شعوري بالذنب يقتلني شعوري بك يفرحني ولكنك أنت ذنبي الذي يقتلني يا فرحي"
#يتبع
#نورهان_متولي
#حكايات_طالب_جامعي
رأيكم 🙆❤❤❤❤
تعديل بسيط رأيكم الي هتكتبوه تحت هنزله عالبيدج محتاجه رأيكم بكل صراحه
أنت تقرأ
حكايات طالب جامعي
Fiction généraleكل واحد مننا بيعيش حياته في الي بعيد عن ربنا وفي الي قريب منه وفي الي مبتلي وفي حد حزين وحد سعيد بس في الأخر هنتجمع كلنا إزاي أخرتنا هتبقي واحده في القصه هنا واقعيه شويه وإجتماعيه ورومانسيه أتمني تعجبكم ❤
