بارت 6
اجه محمد تقرب مني شوي بعدين عافني راح شرب جكاره وبدل وسبح نزل جوه اكل ورجع
اني استغربت من تصرفه لان كل هل اغراء ما همه
اجه عليه شال الغطه وصار يشم بريحتي ويلمس شعري ورقبتي اتقرب على شفايفي باسهن وراح نام!
اني بقلبي: هاي شبي ليش راح نام بدون ميحجي اي كلمه او يسوي اي شي
نمت اني همين وكعدنه الصبح على نفس الروتين
نزلت واشوف حسين كاعد 😧
اني: حسين
حسين: زينب
بقينه ساكتين واحد صافن بوجه الثاني
بعدين اجه محمد وكال اني وايح للشغل وباسني من خدي وراح
حسين صار وجهة اصفر ومعرف شنو يسوي من شاف هيج حمق وكام دخن وراح للغرفه مالته
اني شفت محد اكو وبيت نضيف صعدت لغرفتي انام شويه واسمع الباب انفتح عبالي سهى بالبدايه بعدين لاحظت الباب انقفل
باوعت واشوف حسين واكف
اني: حسين لك شتسوي هنا فدوه حسين اطلع لحد يحس روح لحد يشوفك
حسين: محد يشوفني رجلج بالشغل وامي وابوي بالحديقه واختي سهى نايمه ومتكعد هسه
اني: عفيه روح روح ما اريد مشاكل ميصير تدخل لغرفه النوم وقفلت الباب شتريد
حسين: اريدج
اني:😳
اي اريدج ميت عليج ولج اريد مره ابوسج واشم عطرج ولج انوب اصيرين لاخوي متونس بيج وطاير من الفرح شلون هيج مو على اساس تحبيني
اني: اي احبك اي جنت احبك بس هسه اني ازوجت وميجوز اسوي شي حرام
حسين اقترب مني وصار يبوس بيه ويشم بريحتي اني مكرت اصرخ او احجي شي لان خانكني بشفايفه وهمين يسمعون اهله بقيت ساكته وادفع بي
بعدته عني بالقوه وضربته راجدي وكتله اطلع منا
راح حسين واني ابجي وكمت ما اهوا حسين لان هيج سوا شي حرام واني زوجه اخو شلون هيج يسوي
رحت للمطبخ واني مخنوكه وماعرف شاسوي بين عليه تعبانه وبداخلي شي
لكيت سهى اجت عليه وسألتني شبيج شنو صاير وياج
كلتلها مصاير شي ليش كالت مستحيل مصاير شي احجيلي شكو شصاير
اني متحملت وحجيتلها كلشي عن علاقتنه اني وحسين وعن جيته للغرفه وشسوا
بقت سهى صافنه وساكته ومصدومه ما تعرف شتحجي شتكول من الي سوا اخوها وكالت خلي كلشي بيناتنه حتى متصير مشاكل وراح تحجي ويه حسسن حتى ميتقرب ناحيتي اكثر.
صعدت لغرفتي وكمت ابجي ومخنوكه واحس بنفسي فارغه من داخل اجت سهى وسمعتني ابجي دخلت شافتني هيج كالت شبيج مره ثانيه هم حسين
هل مره لا مو حسين هل مره اني مشتاقه لاهلي واريد احجي وياهم كالت بسيطه نحلها جابت موبايلها واتصلت بيهم حجيت ويه ماما سالتني عن محمد وشلونه وياي وشلون اهله وياي كتلها كلش زينين ويحبوني بس مأذيني حسين طلع قليل شوف وناقص وكمت اكره حجيت وياها وويه ابوي واخواني واختي حنان اطمئنيت عليهم وحسيت نفسي شوي ارتاحيت
هذا الحقير حسين كمت اكرها بعد ما سوا هيج وياي ما جان لازم يتقربلي
حاولت احجي هل شي لمحمد بس مكدرت
محمد صارله اسبوع ممباوع بوجهي ولا سائل عني
تقرب مني مره وحده بعدها صار بارد
صارت دنيه ليل لبست لبس نوم مغري احمر قصير كلش مبين كل جسمي منه وتعطرت وتعدلت وكعدت انتظر لحتى يجي محمد لان صراحه صرت اشتاقله يمكن لان حلالي صرت اريده واريد يسويلي كلشي واشتهيه
اجه هو شافني هيج كاعده وانتظر بلبسي المغري اجه باسني وحضني بقوه ونيمني على الفراش وكال لج شطالعه تموتين احاول امنع نفسي عنج بس كمتي تحاولين تجذبيني بكل الطرق ها ولج 😉 اني خجلت لان هو ملاحظ اني شلون متعلقه بي واريده واحسه هو همين صار يحبني وتعلق بيه
كضينه ليله رومانسيه تخبل ما عشت مثلها محمد جان اسلوبه وياي يخبل وكلش رومنسي تعلمت الرومنسيه وياه عكس اخو حسين 😒 الي مجان يعرف غير حبيبتي وحياتي ويعرف يبوس.
صرت ما احب حسين لان احسه مكام يهتملي وعنده علاقات ويه بنات صارت بعد ما تزوجت اني كمت اشوفه يتعطر ويكشخر اخر كشخه ويروح بليل ويجي ب٢ مرات ٣ بي اثار وهيج شغلات تبين هو جان ويه بنات.
يتبع
