#سلسلة_حمل_أسود..ج2
الحلقة الخامسة ..شوفتِلك فى المنام
قعدت الطم على وشي واخبط على بطني واقول يالهوي يالهوي وانا فى الحمام ، انا لازم اروح لدكتور اتاكد انى مش حامل وعماله اكلم نفسي بصوت واطى ، لقيت سليم بيكلمنى
... سميرة انتى بتكلمى نفسك فى الحمام؟! انتى كويسة؟
.. ايوة كويسة ياسليم ، انا طالعة
فتحت باب الحمام لقيت سليم فى وشي وعمال يعيط على اخوه ، فى الاول كان باين انه متماسك ، لكن مستحملش الصدمة كتير ، خدته فى حضنى علشان اهديه شوية وبوست على راسه وخرجت بره الاوضة .
البيت عندنا بقى شبه قاعات العزا اللى منتشرة حوالينا ، كل يوم عزا لواحد شكل ، عدى كام يوم والامور فى البيت كانت حزينة لكن هادية ، والشجرة بالنسبالى بقت شئ مخيف لدرجة انى كل يوم بروح ابص عليها واشوفها واطمن على الاغصان بتاعتها وعددهم.القصة للكاتب مصطفى مجدى
ميعاد الدورة الشهرية بتاعتى جه ، ولقت نقط دم بسيطة جدًا هي اللى نزلت مش زى كل مرة ، شميت نفسي لما شوفت نقط الدم وقولت يمكن هتتاخر شوية من الصدمة ، لكن اتاخرت كتير ، يوم ورا يوم بيعدى ومفيش حاجة ، قررت اروح لدكتور نسا يكون فى مكان بعيد عن المنطقة بتاعتنا كلها ، وفعلا كنت نازلة اجيب حاجات وروحت منطقة جنبنا بتبعد عننا كام كيلو ، وانا فى الطريق لمحت اميرة اللى كانت فى العمارة اللى قدامنا داخله المقابر ، استغربت جدًا لان كل اللى اعرفه ان من ساعة الموضوع بتاعها الغريب ده وهي قافلة على نفسها ومبتعملش حاجة غير انها بتصلي وتصوم ، وحتى الاكل والشرب اتكفل بيهم جارها اللى انقذها من الشيطان اللى كان جواها.القصة للكاتب مصطفى مجدى
الموضوع مشغلنيش اوى لان كل همي اتاكد انى مش حامل وارتاح بقى من الهم اللى فوق دماغى ده ، ولما دخلت عند الدكتور ، قالى:
.. مبروك يامدام حضرتك حامل فى شهر
سرحت شوية وحسبت المُدة من موت انس ، لقيتها مظبوطة ، الدكتور قاطعنى وهو بيهزر
.. ايه المفاجآة السعيدة صدمتك ولا ايه
... لا ابدا يادكتور ، اشكرك اشكرك
خرجت من عند الدكتور جري وقررت انزل الحمل ده ، قعدت اقلب على النت ، وفى الاخر وصلت لحل كويس اوى روحت جبت من عند العطار شوية حاجات " القرفة والميرمية والصبر والسنامكي والزعفران والخروع ، وروحت البيت قفلت اوضتى عليا وخدت الكاتل جوه ، وغليتهم كويس فى قلب الكاتل علشان محدش ياخد باله من البيت او حد يسألنى بتعملى ايه ، وعملت اربع كوبايات منهم وشربتهم وهما سُخنين ن حسيت بكركبة فى بطنى فظيعة والعرق غطى كل مكان فى جسمي ، دخلت جرى على الحمام ، لقيت حتت دم بتنزل مني ، قعدت على قاعدة الحمام لحد ماالدم وقف ، وشغلت الشطاف قومت لبست واتشطفت وخرجت ، حسيت براحة فظيعة ان الحمل ده خلصت منه .القصة للكاتب مصطفى مجدى
سليم بقى مش طبيعي ، كل يوم يدخل اوضتى بأى حجة ، يطمن عليا ، يحاول يكلمنى كتير اوى فى الموبايل وهو بره ويسأل علي اى حاجة تافهة ، والحقيقة موضوع الحمل مكانش مخليني مركزة معاه ، لكن دلوقتى بقيت بلاحظ كل حاجة بيعملها معايا ، لحد مافي يوم خرجت اقابل واحدة صاحبتى علياء كانت مسافرة ولسه نازلة مصر ، وقعدت طول اليوم بره ورجعت بالليل مفرهدة ومرهقة جدًا ، اول مادخلت البيت لقيت سليم هو الوحيد اللى صاحي ، سألته على سالى لاني عارفة ان بقالها فترة بتحب تقعد مع سليم:
... ازيك ياسليم ، قاعد لوحدك ليه ؟ هي فين سالي؟!
.. راحت تزور خالتك و هتبات عندها النهاردة
... وانت ايه اللى مقعدك هنا لوحدك كده ؟ بتتفرج على التليفزيون؟
ضحك وقالي:
.. لا مستنيكي طبعًا
... مستنينى ايه بس ده انا خلصانة ياسليم ، قعدت الف مع علياء طول اليوم ، كل مااقولها نروح ، تقولى انها ماشافتش مصر بقالها كتير ، بنت لذينة بوظت رجلي ، مش قادرة
.. طب اطلعى غيرى هدومك وخدى دش علشان تفوقى وتعالى نقعد سوا
... لا لا نقعد سوا ايه ؟ انا عايزة انام ياعم ، وبعدين انت كمان قوم نام علشان تروح الجامعة الصبح
.. طب اطلعى يلا وانا شوية وهقوم
سبت سليم وطلعت قلعت وخدت دش ويادوب خرجت من الحمام ولفة الفوطة على جسمى ، لقيت سليم فى الاوضة ، لسه هزعقله واقوله انت ايه اللى دخلك هنا ، نتش الفوطة من على جسمي .......
يتبع
بلاش تروح النار وانت بتسرق قصتى ، لو عجبتك اعملها شير او انقلها وحط اسمي "مصطفى مجدى" صدقنى مش هتخسر
لايك وكومنت علشان يوصلك الجزء التالى بكرة ان شاء الله
#شوفتِلك_فى_المنام_مصطفى_مجدى
#حمل_اسود 2 #حمل_اسود #مصطفى_مجدى
