الحياة من حق الفتاة أيضآ

البارت الاول

مرحبا
اني اسمي علي اشتغل سايق بسيارتي وسيارتي تشيل اكثر من شخص لانها (ستاركس) جنت اخذ مجموعه من البنات بسيارتي اوصلهن يعني لشغلهن او لبيوتهن فا بيوم من الايام سمعت البنات يحجن وتفقن انو يتعارفن وحده ع الثانيه وكلمن تحجي شنو حياتها شنو احلامها يعني جانن يريد يقتلن الوقت ع ما يوصلن
الصدمه انو اني تفاجأة ع قصص البنات وشلون عايشات وكلش ضميري أذاني ونجرحت ونقهرت عليهن معقوله اكو هيج بشر وخصوصآ البنات شكد مظلومات خطيه ماتخيلت ابد ولا فكرت بيوم انو هالكد البنات متضررات واحنه مو حاسين بشي
لذلك قرارت لو بشي بسيط اساعد كل بنيه وفكرت انشر قصصهن عسئ ولعل الناس تقرة وتشوف شكد المرأه مظلومه
راح احجي الكم شلون بده الحديث بين البنات وشلون تعرفن ع بعض
اول بنيه حچت هي شهد وكالت
مرحبا بنات شلونكم عندي فكرة ع مانوصل واحنه بالسيارة خلي نقتل الوقت وكلمن تحجي النه عن حياتها ونتعرف ع بعض والي عدها مشكله نكدر نساعدها
البنات ماشي شهود موافقين منو تبدي تحجي النه
شهد اليوم راح ابدي اني وراح احجي الكم قصتي
البنات ماشي احجي
وشهد بدت تحجي للبنات عن حياتها
وراح احجي الكم شنو سمعت وشنو كالت شهد
اني اسمي شهد لكن قبل ما أشرح الكم تفاصيل حياتي وقصتي حابه اكول أقتباسه دائمآ أرددها وأحسها تمثلني تنطبق عليه

لا اعرف معنئ أن يختارك احد
لكني كنت دائمآ اخر الاختيارات
لم يخترني احد كخيار اول في حياته
لم اشعر يومآ انني الخيار الاول في حياة اي شخص
لم يقاتل احد للبقاء معي
من الاساس لم أكن حلمآ في حياة اي شخص
كنت شخصآ عاديآ لا احد يقاتل من أجله
كنت رغم وجودي وقربي الدائم معهم غريب
غريب جدآ عنهم و مشرد حياة كامله
لم أكن الصديق الاوحد في حياة اي شخص
اعرف الجميع لكن لا احد يعرفني
اسمع الجميع لكن لا احد يسمعني
لم يغامر احد لأسعادي
لم يتشبث بي أحد عندما قررت الرحيل
لم اجد من يبحث عني في عزلتي
ولم يلاحظ أحد الشحوب ع وجهي
لم يسألني احد عن الاشياء التي احبها والتي أرفضها والتي أكترث اليها والتي لا أكترث اليها
شخص عادي لابعد مدئ
لا احد ينتظره

يعني يمكن راح تنصدمون من الي راح اكوله الكم بس والله مجاي اكذب عليكم هي هاي حياتي وهاي قصتي
البنات لا شهود شهل الحجي قابل مانعرفج شنو مصدكين بيج احجي
شهد اني اول ما نولدت اهلي انطوني لبيبي الي هي ام ابويه ومايريدوني
البنات يااا ليش
شهد لأن ابويه يريد ولد ومن اجيت اني مايريدني شمرني ع بيبي
البنات لعد وامج شنو دورها
شهد أمي ماكو الها اي دور عبارة عن خدامه او عبده عد ابويه شنو يكول تسوي
المهم بقيت عد بيبي وابد ما يسألوني عني ولا بحالي وكأني مو بتهم
لكن بيبي جانت كلش گلبها طيب ماقصرت وياي ابد وهي الها الفضل بكلشي سويت بحياتي