الحياة من حق الفتاة أيضآ

بارت غدير

البنات يلا غدوو
غدير
اسمي غدير عايشه وي امي و ابويه وعندي اثنين اخوان واحد عمره 17 والثاني عمره 10
اني چنت البنت الوحيده عد اهلي واثنين ولد
احنه چنه عائله سعيدة كلش علاقتنه قويه واحد يحب الثاني ماكو مشاكل امي جانت صديقه النه ابد ماچانت بينه العلاقه وي امي صعبه او خوف او بينه تكلفه عبالك اصدقاء لكن ابويه رجل صعب كلش وعصبي مبتعد عنه يروح للدوام ويرجع كاعد بغرفته من يطلع
يطلع وحده كلش بعيد عنه وطبعه كلش صعب وكلش نخاف منه احنه وامي وابويه جان بخيل كلش يعني امي جانت شايفه الويل وي ابويه لكن ابد ماجانت تنقل النه هاي الصوره ومسويه ابويه ملاك ومكبرته بعينه وبعيون الناس بس هو مايستاهل
امي چانت حلمها واكبر احلامها احنه نكمل دراسه اهم شي عدها هذا بس تريدنه نكمل دراسه وكلشي وفرت النه ع الرغم ابويه بخيل وماجان ينطيها فلوس لكن هي جانت تتداين وجيب منا ومنا في سبيل توفر النه كلشي وچنه نلبس احسن لبس وناكل احسن أكل بفضل امي
اخويه الجبيرة طالب اعداديه وامي جانت أملها بي جبير كلش وجانت تتمنئ يطلع دكتور وفرت كلشي الئ اخويه هم ماقصر انسان وردة وحباب يروح بطريقه ويرجع بطريقه وجان كلش شاطر و درجاته عاليه وجنه متاكدين يطلع دكتور لان جان ملتزم واحنه گلنه جانه ملتزمين ونحب امي كلش وچنه نسوي كلشي علمودها لان ماچانت مقصره ويانه
هسه راح احجي الكم هذا الحجي واني جنت بصف ثاني ابتدائي صار ويانه هذا الشي
اخويه الجبيرة تعرف ع اصدقاء وصار يمشي وياهم ويروح يمهم بحجة يقره ويتأخر من بعد ماتعرف ع هذول تغير كلش صار واحد ثاني مستواه بالدراسه تراجع تصرفاته مو مثل قبل
يوم من الايام نايمه بغرفتي وجان يجي اخويه الجبير لغرفتي لكن تصرفاته غريبه ومافهمت شنو بي
وگام يتقرب مني ويحاول يتقرب مني ويتحارش بيه جسدين اني كنت بوقتها طفله واصلا ماعرف شنو هذا التقرب صح لو غلط
ماعندي اي فكره
اخويه الزغير شاف اخويه الجبير يتقرب مني وهو يفتهم عمره 10 سنوات واعي اكثر مني
بيومها ابويه بالدوام
وچان اخويه الزغير يركض ع امي ويكعدها ويكول الها حيدر مادري شبي اخويه الجبير اسمه حيدر
امي تكعد من النوم مخترعه شكو شبيكم شبي حيدر
اخويه الزغير مادري راح ع غرفة غدير ويتصرف تصرفات غريبه ويتحارش بيها
امي تخبلت وجان تجي تركض ع غرفتي وتسحل حيدر وتشمره عني
ونباوع ع حيدر مو صاحي كانو شارب شي وامي تگوم تضرب بي وتضرب ودور جابت مي ذبت عليه
حاولنه نسيطر ع حيدر وبالگو سيطرنه عليه وبعد ماحچينه وياه وسوينه تحليلات طلع حيدر يشرب وياخذ حبوب ايضآ من اصدقاء همه ينطونه وشويه شويه صار مدمن
امي وين جانت احلامها بحيدر وين صارت حاولت بكل الطرق تسيطر ع حيدر لكن ماكدرت خصوصآ ابويه اصلا ولا يهتم وكلما تحجي وياه يكول الها طبه مرض شعليه بي هو چبير ويفتهم مااذب عليه ولا فلس ابد مساعد حيدر وماوگف وياه
ضلت امي تحارب وحدها لكن حيدر بده يضيع من اديها
امي عاشت طفوله صعبه امها توفت وهي جانت اول متوسط وعاشت وي ابوها و زوجة ابوها وشافت الويل بحياتها ماصدكت من تقدم ابويه الها رأسن وافقت تريد تخلص وتشرد من ضيم ابوها و زوجته لكن طاحت بابويه الي هو أسوء منهم
امي من حزنها ع حيدر كعدنه الصبح كل يومي متعوده اني تكعد هي قبلنه وتجهز الريوگ وتجي تگعدنه بكلام كلش حلو وجميل وتتغزل بينه علمود نكعد
ابويه يروح لدوام كل يومي وتكعد امي الصبح تسوي الئ ريوگ هي توقت الفون وهي تسوي كلشي
كاعدنا الساعه تسع وامي لسه نايمه وما كعدت اي احد منا ابويه راح عليه الدوام واحنه هم
ابويه گام يصيح تأخرت ليش ماكعدتيني شعدج اليوم ليش لسه نايمه ابويه يصيح ويصيح وامي ع نومتها ابد
ابويه دخل الغرفه راح يكعد امي
دور طلع صاح ع اخويه حيدر تعال واخذني اني و سجاد اخويه الزغير دخلنه بالغرفه الثاني وسد علينه الباب اني جنت ثاني ابتدائي و سجاد سادس
ضلينه نصيح ع ابويه شكو وين امي نبجي ونصيح
دور أجو عمامي وأجت الاسعاف والدنيا نگلبت
اني طفله مافهمت شكو شنو الي يصير
كلش خايفه وابچي وباوعت ع سجاد گتله وين امي شكو شنو جاي يصير
سجاد يگلي وهو يبچي وحظني وج امي ماتت راحت بعد مانشوفها
اني نصدمت واحاول استوعب شنو قصد سجاد واني اعرف شنو الموت لان امي چان تحجي النه عن أمها ودائما تكعد تبچي فا من نسألها ليش تبچي وين امج فهمتنه انو هي ماتت و شنو هو الموت
اني تخبلت من گال هيج سجاد فتحت الباب وركضت وسجاد يركض ورايه وشفتها يريدون يأخذون امي مخليها بالاسعاف
ركضت عليها لازمني ابويه ويمنعي گمت ابوس بأيده وأبجي اتوسل بيك اترگني اريد ابوسها واشتمها اترجاكم
الناس كالو لأبويه اتركها ركضت ع امي وخليت راسي ع رگبتها واشتم بيها بس مااشبع واحظن بيها بس مااشبع وابجي
وسجاد كاعد يم رجليها يبوس بيهن ويبجي
وحيدر انتهئ خلاص
دور شالني ابويه وبعدني عن امي صعدوها بالاسعاف واني اصيح وراها احبيبه تعالي لا تروحين وج يمه تعالي فدوة لگلبج اني ماعندي غيرج
سجاد يركض وراه السيارة ويبچي
لحظة وفاتها واليوم الي أخذوها بي چان كلش صعب علينه