الروايه/صغيره على قدري🧸💔
للكاتبه/Doremy
___________________
المقدمه🍃:
_اني"جنى"عمري17نقرا تالته ثانوي يعني خاشه قبل عمري بسنه،شعري اسود ناعم وطويل بككل بيضه وعيوني رصاصيات مخلطات بالأسود وفيهم لمعه زرقه مينفهموش،جسمي رشيق طولي متوسط ونشبه لماما نسختها بالزبط،وبالنسبة لطبعي فهوا غريب شويه!او هلباا😂عنيده ومنحبش حد يقعد يتأمّر عليا ويقولي ديري ومديريش😒هبله نوعاً ما😂ومنسمعش فالكلام بكل مشكلجيه ونحب نرسم🎨😻..
_بوي"محمود الراسي"راجل مادّي ويهمنه المظاهر ومصلحته بس؛بزنس مان كبير بكل وشركته كبيره ومعروفه،ديمه مسافر ميقعدش فالحوش أسبوعين ع بعضهن،طبعا معاملته معانا بارده وجافه ميقعدش معانا هلبا ديمه وهو لاهي ف شغله وفلوسه😏..
_امي"سمر" مش حنقوللكم عنها شي اكتر من اسمها وهي لبنانيه مسلمه وامي وبوي مطلقين ليهم11سنه لاسباب هلبا حتعرفوها مع الحلقات..واحني تلاته بنات:
_الكبيرة"وسن"عمرها26 خريجه إنجليزي معيده ف الجامعة شعرها اسود وقصير عيونها عسليات داكنات طويله وحلوه عامةً؛ راجلها"جهاد"ولد عمنا محامي طبعاً متزوجين عن علاقه وهو يحبها ويموت فيها وهي احرف منه😂😒عندهم بنيه ووليد تواما"لين"و"ليث"كيووت🤤😍..
_واني المتوسطه🥴💞
_والصغيره"لجين"عمرها16 تقرا أولى تانوي شعرها بني طويل عيونها عسليات داكنات زي وسن طويله؛وديما وهي لاصقه فيا سوا ف المدرسه ولا الحوش ولا الشارع تي حتى الحمام قريب تخشه معايا😹وهي لي شاهده ع كل كوارثي وانحبها اكتر من روحي هالفرخه😂..
_وبوي متزوج ليه قريب نص سنه اسمها"ايمان"علاقتنا بيها كويسه وكلها احترام وهي الصراحة مرا حبابه وقنينه،وهي ارمله ومتجيبش ف صغار(بعيد عنكم)..
وعندنا شغاله"روزي"،وشوفير"سمير" من زمان وهما معانا واخدين عليهم💗..
وعندي عم واحد"ابراهيم" ومرته"هنية" يسكنو ف الشرق وعندهم زوز اولاد وبنيه وحده" جهاد" الي هو راجل وسن و"شادي" و"هناء"..
ومعنديش عمات وخوالي منندريش عليهم منعرفوهمش من اول م صار الطلاق وكنا صغار...
وهادم بعض الشخصيات والباقي تعرفوهم مع الحلقات👍🏻😘!
______________________________________
انشالله تكون مقدمه حلوه ومشوقه للروايه؟
لو تبوني انزل الحلقه الأولى ديرو لايك، مش ح انزلها او محدش يبيها!🤦🏻♀️☹️
تـحـيـاتـي Doremy💙
