[UNICODE]
" ဗုန်း"
ယနေ့ထုတ်သတင်းစာ အထပ်လိုက်ကြီးကို စားပွဲပေါ် ပစ်ချလို်က်သံက အကျယ်ကြီး ထွက်လာသည်။ ကျွန်တော်က ကြည့်စရာတောင်မလို။ Daily Tenဆိုသည့် သတင်းစာနာမည်ကို ကြည့်ကတည်းက သိပြီးသား။ ပြီးတော့ မနေ့ညက ကျွန်တော် ကဲထားတာကို ကျွန်တော်ကိုယ်တိုင်လည်း ကောင်းကောင်း သတိရပါသည်။
ဇက်ကလေးပုပြီး လျှာကလေးတစ်လစ်နှင့် ကျွန်တော့်အား ခါးထောက်ကြည့်နေသော ဘွားဘွားကို မျက်လုံးကလေး ကလယ်ကလယ် လုပ်ပြလိုက်သည်။ ဘွားဘွားက ပါးနေပြီ။ ကျွန်တော် ရောင်းသမျှ မဝယ်တော့ ။
" တော်စစ်သွေး ။ ဒါက ဘာလဲဟင် ။ အရင်တစ်ခါ အရက်မူးလို့ မိုင်ကုန်မောင်းပြီး ပလက်ဖောင်းဝင်တိုက်ရတာ အားမရသေးလို့ ကလပ်က အပျော်မယ်နဲ့ ဟိုတယ်ခန်းထဲကို ဝင်ရတာလား"
ကလပ်က အပျော်မယ်။ နေပါဦး။ ကျွန်တော့်ခေါင်းတွေ ပူထူသွားသည်။ ကျွန်တော့်ရှေ့က သတင်းစာ တစ်ထပ်လိုက်ကြီးကို ဆတ်ကနဲ လှမ်းယူကာ ကြည့်လိုက်၏။
" အိမ်ရှေ့စံ ကလပ်အပျော်မယ်နဲ့ ပျော်ပါး ။ ဘုရင်မကြီး မြေးများ ချီရတော့မှာလား " - Daily Ten
" လွှတ်တော်မတက်ဘဲ နိုက်ကလပ် ပုံမှန်တက်တဲ့ အိမ်ရှေ့စံ ။ နိုက်ကလပ်နယ်မြေမှာများ ခြေချတော့မှာလား " - The Vice
" အိမ်ရှေ့စံ တော်စစ်သွေး။ အဌမမြောက် အက်ဒဝေါ့ဘုရင် ခြေရာနင်း အချစ်အတွက် ထီးနန်းစွန့်ခြင်း" - မြန်မာ့အဝင်း
" Her, The Night-Tingale : The Fall of HRH, The Crown Prince" - Burma Times
သတင်းစာတွေကို တစ်ခုချင်းစီ သေချာလိုက်ကြည့်ပြီးမှ ကျွန်တော် သက်ပြင်းချလိုက်မိပါသည်။ တော်ပါသေးရဲ့။ ကောင်မလေးမျက်နှာ ပါမသွားလို့။ မျက်နှာသာ ပါသွားခဲ့ရင် ကျွန်တော် နောက်တစ်ခေါက် အဲ့ဒီကောင်မလေးနဲ့ ထပ်တွေ့လို့ရမှာ မဟုတ်တော့တာ သေချာသည်။ ဘွားဘွားက တစ်နည်းနည်းနဲ့ ကောင်မလေးကို ကျွန်တော့်မျက်စိရှေ့က ပျောက်အောင်လုပ်ပစ်မှာ။
YOU ARE READING
Oh ! My Prince
Romance[UNICODE ] ချားလ်စ် နဲ့ ဒိုင်ယာနာ၊ ဝီလီယမ် နဲ့ ကိတ် ၊ ဟယ်ရီ နဲ့ မေဂန်တို့ရဲ့ အချစ်ဇာတ်လမ်းတွေကို နားထောင်ရင်းနဲ့ မြန်မာနိုင်ငံမှာများ အိမ်ရှေ့စံမင်းသားတစ်ပါး ရှိခဲ့ရင်ဆိုပြီး စိတ်ကူးယဉ်ကြည့်ဖူးပါသလား။ တကယ်လို့ စိတ်ကူးယဉ် ကြည့်ဖူးတယ်ဆိုရင်တော့ ဝမ်းသာ...
