عندما يجتمع الظلم والحب

الفصل الاول

عندما يجتمع الظلم والحب
قبل البداية اتمني الحلقة تعجبكم
الفصل الاول

في مكان ما بعيد عن القاهرة  تحديدا في القناطر
نجد فتاة تقف تنظر لغرفة فارغة ودموعها تذرف علي وجنتيها اه من وجع الفراق تدخل عليها والدتها وتقول
الام... سندس انتي لسة مخلصتيش يلا يا حببتي بابا وياسين مستنين ونزلو الحاجة
سندس.... حاضر يا ماما خلصت يلا
تحت نجد الاب محمد وابنه ياسين بيسلمو علي جار عزيز عليهم في حين نزول سندس وامها سحر تركب سندس وامها وابيها واخيها ياسين سيارة أجرة
( سندس محمد فخري بطلة روياتنا فتاة  في الثامن عشر من عمرها تمتلك وجه يشبه الملائكة بعيون عسلية فاتحة كحبات اللؤلؤ وبشرة بيضاء وشعر بني وطبعا بحجبها بتزيد جمال
ياسين اخو سندس عندو 23 سنة يحب عائلته وشاب مكافح في بلد كثر فيها الفساد
محمد فخري والد سندس طلع علي المعاش ويحب ابنئه كثير
سحر والدة سندس وياسين ست مصرية اصيلة تتسم بالطيبة والعقل الراجح الذكي وتحب عائلتها )  في اتجاههم للقاهرة لملاقة المجهول هل سيكون فرح ام حزن وهم علي حزنهم الايام ستبين
***************************************
في مستشفي ما نجد فتاة تقف بجانب غرفة العمليات ومعاها والديها  وابن خالها الاكبر وخالها ياخذها في احضانه
الخال ....خلاص يا مني بقا اهدي ان شاء الله خير
مني.... يارب يا خالو يارب انا خايفة اوي هما اتاخرو ليه
الخال.... مش عارف والله بس خير انشاء الله اهدي عشان امك انتي مش شايفاها
(مني فتاة تبلغ من العمر 18 عام قصيرة القامة وتتسم بالهدوء ومن يرها من الواهلة الاولة يظن انها مغرورة علي العكس تماما فهي فتاة هادئة تتسم بالطيبة المفرطة لدرجة الثقة باي شخص وتصدقه ايضا
مامت مني ست مصرية اصيلة تتسم بالطيبة ايضا ورجاحة العقل وتشبه مني الي حد كبير وايضا عصبية جدا
محمود خال مني شاب يتسم بخفة الدم ولا يحب النكد وعصبي جدا ومتزوج ولديه ثلاث ابناء
الاب محمود ابو مني رجل هادئ وغامض ايضا )
فتح باب العمليات بعد ما يقارب من نصف اليوم بسبب الانتظار ويخرج الدكتور كله جري عليه
الام.... طمنا يا دكتور ارجوك
الدكتور.... انا اسف يا جماعة بس ااا
محمود ابو مني..... اسف علي ايه انطق اتكلم
الدكتور.... ادعولوه هو اتشل ومش هيقدر يمشي تاني
الخال..... يعني ايه يا دكتور انت بتهزر
الدكتور ....انا اسف بعد اذنكم
جريت مني ومحمد ابن خالها علي الدكتور
مني .....بانهيار  يا دكتور ثواني بس
الدكتور ....نعم
مني ببكاء.... طب العملية اتعملت ليه مادام بتقول كدا
الدكتور.... عشان يقدر بقعد انتي نسيتي انو مكنش بيتحرك خالص
محمد.... طب مفيش امل خالص يا دكتور
الدكتور ....انا اسف
مشي الدكتور ودخلت مني في حالة انهيار وبكاء هستيري وهي شايفة  امها قدامها بتنهار وفضلت تفكر وتفكر ايه الي هيحصل بعد كدا؟!! وتفكر في المجهول هل انتهت حياة اخوها كدا؟!!
اتربت بالسرير مش هيتحرك تاني لسة متعرفش المجهول ؟!!
***************************************
بعد ايام في منزل سندس
دخلت من الباب وتقول
سندس... ماما انا جيت انتي فين
خرجت الام من المطبخ.. انا هنا يا سندس  عملتي ايه
سندس بتنهيدة ....عادي قدمت وقالولي تعالي مع بداية الدراسة فاضل شهر تقريبا
الام سحر ....ربنا يستر بس انتي مالك
سندس.... والله ماعرفة يا امي قلبي مقبوض من ساعت مدخلت المدرسة دي
الام ....ربنا يعديها علي خير سنة ونستحملها بقا
سندس.... يارب امال فين ياسين وبابا
الام..... ياسين بيدور علي شغل وبابا في المحل
سندس..... طب انا هدخل انام شوية لحد ميجو
الام ......طيب
*************************************** في المستشفي
تقف مني في شباك وتتحدث في التلفون
مني...... السلام عليكم ازيك يا ميس نشوة كل سنة وحضرتك طيبة
الميس... وانتي طيبة يا مني لسة فاكرة
مني.... والله عارفة ان عيد ميلادك كان من يومين بس اسفة كان عندي ظروف
الميس..... ليه بس في ايه
مني.... والله يا ميس نشوة دا محمد اخويا عمل حادثة وفي المستشفي
ميس.... لا حول ولا قوة الا بالله دا حصل امتي
مني....... من اسبوع واتحجز من يوميها ولسة عامل العملية يوم عيد ميلاد حضرتك
الميس..... طب وبعدين
مني.... ولا قبلين الدكتور الله يحرقه قالنا اتشل وكلام فاضي كدا ولما روحنا لاستشاري عظام قال مع العلاج الطبيعي هيتحسن
الميس.... لا اله الا الله ربنا معاكو يا بنتي ويتولاكو
مني ....يارب
ميس..... خلاص بقا مش هنبدا دلوقتي ماشي برحتك خالص
مني... لا والله مش فارقة اصلا عادي  الدروس اصلا معرفش هنبداء امتي فتمام
ميس نشوة ....الله المستعان يلا خلي بالك من نفسك وربنا معاكم وسلميلي علي ماما
مني... حاضر سلام
ميس.... سلام
**************************************
بعد مرور عدة ايام جاء اول ايام الدرسة
في مدرسة ثانوي تجاري
نجد مني دخلت المدرسة وجريت الي فصلها
دخلت الفصل ووجدت الميس بتاعتها
الميس...... اهلا يا ست مني كل دا من اول يوم تاخير كدا
مني باسف .....اسفة والله يا ميس نشوة المواصلات زحمة حقك عليا
ميس نشوة..... تعالي هاتي بوسة يا جزمة وحشاني
بعد ما مني سلمت علي الميس بتاعتها (ميس نشوة مدرست قانون بتدرس مني من وهي في اولي ثانوي ومني بتحبها جدا وبتعتبرها مامتها التانية وميس نشوة بتعتبرها بنتها وبتحبها جدا
  مني في ثانوي تجاري والثانوي التجاري فيه منه تخصصات زي علمي وأدبية كدا بس في الثانوي التجاري في تخصص بيدرسو فيه ٦ مواد قانون غير المواد التجارية)
علي جانب اخر نجد مجموعة من البنات انظارهم متجه نحو مني وميس نشوة ونظارات الحقد ملياهم فهم يكرهون مني وبشدة من شدة حب المدرسين بها لاحترامها
سارة..... شايفة يا ملك الحيوانة الي بتتسهتن للمدرسين
ملك..... دي باردة اوي وتنحة في نفسها
سمر..... انتو زعلنين ليه كدا مفي داهية هي مش كانت بتحبك وبتسمع كلامك يا ست سارة وانتي بتصروفاتك انتي وملك وبعدتوها عننا
سلمي.... اتهدو بقا عشان جاية علينا
مني....... السلام عليكم ازيكم يا بنات عاملين ايه
ردت ملك وسارة و لم يرد عليها سمر وسلمي وتوجهو بنظرهم للجهة الاخرة نظرت لهم مني بضيق ولم تبالي وتركتهم وذهبت الي صديقتها ندي
مني ...... ندوشة اخبارك يا جميل
ندي...... منونة الحمد لله انتي عاملة ايه
مني........ الحمد لله وحشاني
(ندي سدوري صاحبت مني من سنة اولي ثانوي وكانو صحاب اوي في ثانوي وبعدين بعدت عنها لما اتعرفت علي اصحاب السؤ سارة وسلمي وسمر وملك وحصل مشاكل كتير بسببهم ليها ومكنتش تعرف بلويهم لما عرفت بعدت عنهم ورجعت لندي تاني)
*************************************** في المقطم
سحر .......سندس انتي يا بت قومي مروحتيش المدرسة ليه
سندس بنوم......بقولكو ايه ابعدو انا مش طايقة نفسي
سحر .......يخربيت امك انتي قعدتي طول اليل تعيطي طب ليه يا بنتي عملتي  في نفسك كدا شايفة عنيكي ومنظرك
سندس...... خلاص خلصنا انا هروح بكرة سبيني بقا
خرجت امها من الاوضة تدعي لها ان يهدي ابنتها ويبعد عنها كل سوء فهي تعلم كل ما تمر به وكل ما يحدث لها بجانب الم الفراق
عند سندس
جلست تكمل بكائها المتواصل
لا تعرف علي ماذا تبكي ام ماذا ظلت تبكي وتبكي الي ان غلبها النوم
***********************

ولحد هنا خلص فصل انهاردة واشوفكم بخير في الفصل الجاي
اولا اسفة  علي اي أخطاء املائية
او اي خلل في الرواية أو في السرد انا دي اول مرة اكتب ودي وأول رواية ليا اتمني تعجبكم
وكمان مسار الرواية هيتغير تماما بعد عدة حلقات
انا كان لازم ابدائها كدا عشان الرواية تتظبط وتفهموها اكتر
والسلام عليكم