عندما يجتمع الظلم والحب

الخاتمة

عندما يجتمع الظلم والحب
واخيرا خلصت الرواية
اتمني تكون عجبتكم واني كنت عند حسن ظنكم فيا

قبل اي حاجة الرواية دي كانت هدية مني لسندس صحبتي واختي وبنتي وكل حاجة ليا
الفكرة جتلي يوم ٨/٢/٢٠١٩ دا يوم عيد ميلاد سندس هي كانت بعيد عني في اليوم دا كانت في محافظة تانية اتصلت بيها
كل سنة وانتي طيبة
لقيتها مضايقة وبتعيط غير أنها بعيد عني في يوم مهم زي دا وكمان محدش افتكر
انا بصراحة مش بعرف اسيب صحابي مضايقين قعدت افكر افتكرت أنها كان نفسها قصة حياتها تتكتب في رواية أو علي الاقل اسمها يتحط في رواية
وبما اني كل الرويات بتاعتي أو كل كتباتي كانت البطلة باسمي مني انا حطيت التاتش بتاعي وخدت حجات كتير من حياتها ومن حياتي و كذا حاجة في الرواية حقيقية بس حجات كتير لا
طبعا مش هطول عليكم
بس الرواية دي اهدا مني للسنيوريتا بتعتي
وطبعا اهداء لمنار ونورهان
بس الصراحة سندس الاول

طبعا زي مانتم عارفين أن الرواية كان ليها هادفين
هادفي الاول كان
اني ابين العوض الي ربنا بيعوضه للناس.
اذا كانت مني أو سندس أو نورهان أو حتي منار
وسليم وزين وادهم
والهدف التاني اني أوضح معني الصداقة الحقيقية مش اي حد نقول صحاب ونثق فيهم والصداقة مش بالسنين أو بالوقت
الصداقة الحقيقية هي الي بتبان في الازمات
وقت الشدة لما تقع هنشوف مين هيسندك ومين وهيتفرج عليك

هنتكلم عليهم واحد واحد وفهمكم وجهة نظري

اولا هنبدا بمنار
منار بنت عادية زي اي بنت
عادية في سنها حياتها كانت هادية نوعا ما اتعرفت علي صاحبتين مكنوش صحاب اصلا
هي كانت بتثق فيهم وهما لا
هما كانو كل حياتها وهي لا
اتقدملها واحد نوعا ما مناسب ليها أهلها وافقو واتخطبو
لحد هنا حلو اوي
هي بقا مسكتتش رسمت لنفسها سيناريو وقصة وبقيت هي البطلة و خطيبها البطل
طبعا اتعرفت علي سندس ومني و نورهان فيما بعد
واكتشفت هنا معني الصداقة
الصح مش الي كانو عاملين صحابها
ومنار برضو بينت لنا
ازاي الزوجة تخلي تبني بيتها صح
هي لما خدت برشام منع الحمل كانت مشيت وراء كلام واحدة
وبرضو جت حكت لصحابها كل حاجة
مني في الوقت دا وضحت لها معني الزوجة الصالحة
مكنش ينفع تحكي حاجة عن حياتها لحد حتي لو امها او صحابها
ومكنش تمشي وراء كلام حد وتتصرف من دماغها كان لازم تاخد رئي جوزها وتفهمه وجهة نظرها

* سليم المنشاوي
انا مشوفتش انو غلط في اي حاجة هو بس حب واحدة واتخدع فيها ولما شاف نورهان فهم معني الحب
سليم كمان وضحلنا معني الصاحب الجدع
الي بيقف في ضهر صاحبه
زي مثلا لما اتضرب بالنار بدل ادهم
ولما فكر لزين ازاي يعرف بحب مني
هو اه كان متخلف و ديما بيهزر بس كان وقت الجد جد وكان راجل بمعني الكلمة

* نورهان
نورهان حياتها زي ناس كتير اوي
اهلها اهم حاجة عندهم المظاهر والفلوس وبينسو عيالهم بيفكرو أن أي حاجة هتسعد عيالهم هي الفلوس
مش عارفين يعني ايه أن عيالهم محتجالهم
نورهان كانت حياتها متمثلة في صحابها هي حبتهم واتعلقت بيهم في وقت سريع
ودا بيبين أن الصداقة والصحوبية ملهاش عمر

* مني وزين
اتنين حكايتهم هادية
نوعا ما مني داقت الظلم وداقت الكسرة و بعد اهلها عنها
مني كانت بتعاني أن باباها مش حنين عليها أو مش بيخدها في حضنه مش بيحسسها  انو بيحبها هي افتقدت الشعور دا
وافتقدت كمان شعور الاخ و حب الاخوات
أخواتها كانو ولاد وبعيد عنها جدا
طبعا غير حادثة اخوها
الشعور الي هي كانت مفتقداه دا لقيته مع خالها خالها عوضها حنان الاب وخلاها تحس بمعني الاب والاخ والخال والسند كان ليها كل الحجات دي كان صاحبها قبل خالها
وافتقدت كمان شعور الأم الي بتاخد عيالها في حضنها و بتسمعهم وتفهمهم وكمان شعور الاخت الكبيرة الي تخاف عليها وتسمعها وتحل مشاكلها
وثقت مرة في صاحبة وطلعت مش قد الثقة
بس ربنا عوضها بالتلاتة
كانت سندس صحبتها وبنتها
منار الصاحبة والام
نورهان الصاحبة والاخت
وعوضها بزين الي جمل حياتها كلها
بقيت حياتها كلها جميلة بوجوده

* واخيرا سندس وادهم
ادهم كان شاب زي اي شاب حب واحدة واتخدع فيها أو فكر انو حبها
بس لما سندس ظهرت في حياته فهم معني الحب الي بجد
سندس انا مش هتكلم كتير بس ربنا عاوضها بدل صحابها وبدل فتور اهلها وبدل حبيبها او الي كانت مفكراه حبيب
ربنا عواضها عوض كبير وجميل

الاربع بنات حياتهم مختلفة كلهم شافو الظلم
بس عوض ربنا مع الحب
حياتهم بقت جميلة

حاجة كمان معلش اولا اسفة جدا حصل لخبطة في الجزء الاخير من الحلقة الاخيرة
جزء الاحفاد
اللخبطة كانت عند ملك بنت منار
انا كان قصدي
أن بيزيد لسة متخرج مش اتقبل في شرطة
و الي دخلت تبلغهم الفطار كانت فريدة بنت نورهان
طبعا كلو اتلخبط فالكابلز بعيلهم اهم 👇👇
سندس وادهم -----» مالك وحياة
مالك رائد في الشرطة
وحياة في ثانية كلية  هندسة

مني وزين ----» بيزيد وجويرية وسندس
بيزيد لسة متخرج من شرطة
وجويرية وسندس في طب ثالث سنة
نورهان وسليم ----» اسد و رعد وفريدة
رعد وأسد قوات خاصة
وفريدة ثانوية عامة

منار ومحمد ---» ملك وأسر
اسر  مقدم في الجيش
وملك دكتورة جراحة عامة وبتشتغل في مستشفى القوات المسلحة

الرواية ليها جزء تاني بس مش عارفة هنزله وامتي بس انا هبداء فيه بعد الامتحانات باذن الله
اتمني اكون وصلتلكم وجهة نظري واكون فدت حد
دمتم بخير وعافية
والسلام عليكم