عندما يجتمع الظلم والحب

الفصل ١٢

مني عندها ظروف.. ف نشرت مكانها انهارده.. عقبال ما ترجع بالسلامة ان شاء الله .... عايزه تفاعل حلو بقي♥️♥️
👇👇👇👇👇👇👇👇👇👇👇👇👇👇👇👇
الفصل الثاني عشر
اتمنى يعجبكم قراءه ممتعه
في الجامعة وصل ادهم
ادهم: السلام عليكم
كلهم ردو: وعليكم السلام
اتكلمت سندس وقالت حضرتك كلمتنى كنت عايز اى
ادهم: انا كنت في القناطر
سندس اتخضت وقالتو ليه
ادهم: كنت بجمع شويه معلومات انما انتى اتخضيتى ليه
سندس: اتكلم يا ادهم بعد اذنك انا اعصابى تعبانه
ادهم:ليه هو انتى عامله حاجه ومخبيه علينا
ابتدت سندس تعيط وردت منى عليه انت بتتكلم كده ليه اتكلم معاها بأسلوب أحسن من كده وهات الى عندك احنا مش ناقصين الغاز
ادهم:هى عينتك المحامي بتاعها ثم ان انتى بتتكلمي معايا كده ليه انتى نسيتى نفسك
منى بعصبية:اى نسيتى نفسك دى انت فاكر نفسك مين
زين: خلاص يا جماعه اهدو بس يا ادهم خلاص يا منى
منى بنرفزه:انت مش شايف الى هو بيقولو
زين:اهدى وانت يا ادهم فهمنا في اى
منى:اهدى يا سندس وبطى عياط انتى الى هتتعبى بسبب العياط ده اتفضل يا استاذ ادهم احكى
ادهم: سندس انتى تعرفى واحد اسمو عامر السياف
سندس:اه ده ابن عمتي ليه
ادهم: الاستاذ قايل أن سندس على علاقة بصحابو ده غير جوزها العرفى من محمد غالب
سندس بهدوء: حسبى الله ونعم الوكيل
منى اتعصبت: أنت واعى انت بتقول ايه
ادهم:وطى صوتك وده مش كلامى
زين:يا جماعه احنا عرفين ان ده كلام عامر بس احنا عايزين نعرف ليه قال الكلام ده عليها
منى بهدوء:انا هحكيلك لان سندس مش هتقدر تحكى
&&&&&&&&&&&&&&&&
عند سليم فى المكتب
مسك الفون وكلم حد
سليم: يوسف باشا حبيب هارتى عامل اى يا وحش
يوسف: تمام يا باشا أنت اخبارك اى
سليم: بخير واللهى يا حبيبي بس عايز منك خدمة
يوسف: انت تأمر يا باشا
سليم:هديك اسم وحده وعنونها وعايز رقمها
يوسف:من عنيا يا باشا خلاص نص ساعه ويبقى عندك
سليم : ماشى تمام اكتب عندك
بعد نص ساعه
يوسف: الرقم يا باشا ٠١٢
سليم: تسلم يا غالي
فقل سليم واتصل على الرقم
سليم: السلام عليكم
نورهان: وعليكم السلام مين معايا
سليم: مديحه شوايه 😂
نورهان:انت بتهزر
سليم:انا سليم
نورهان: سليم مين
سليم:نعم يا روح امك
نورهان بتحاول ماتبينش انها بتضحك اى يا استاذ ده احترم نفسك
سليم:انتى مش عرفانى بجد
نورهان: بضحك فكرني بيك
سليم: انا النقيب سليم الى خبطك
نورهان:اه افتكرتك هو حضرتك متصل ليه
سليم:مش عارف
نورهان: نعم يا روح امك
سليم: اى يا استاذ احترم نفسك
نورهان:لما تحب تقلد ابقي راعي ادوات التأنيث
سليم: معلش أصل انا ساقط ابتدائي
نورهان: لا وانت الصداق ده تعليم صرف صحي 😂😂
انا عايز اقولك أن انا كنت في مدارس انتى مسمعتيش عنها يا حلوه 😎
نورهان: عندك حق واللهى انا فعلا مسمعتش عنها لانى درست في أحسن مدارس دبي
سليم:واى الى رماكى علينا
نورهان: ظروف خلتني انزل من دبي اكمل الثانويه هنا
سليم:هو انا مش هشوفك تانى
نورهان: وتشفنى ليه هو في بينا سابق معرفة
سليم: نتعرف
نورهان: لأ انا مابتعرفش ومش انك وصلتني يبقى انا ممكن اتعرف عليك
وبعد اذنك هقفل عشان مش فاضيه
وقفلت السكه قبل ما يرد عليه
سليم: واضح ان انا عكيت الدنيا لا بس عجبتنى
شكلى هفرح بيا قريب
&&&&&&&&&&&&&&&& عند ادهم وزين
منى: هو ده كل الى حصل
ادهم بعصبية وبص لسندس متزعليش واللهى هجبلك حقك منهم كلهم
سندس حست بامان شويه شعور غريب اتولد جوها بتحاول تكذبو
سندس: محمد بعت رساله واجل المقابلة لبكره
ادهم: تمام ودلواتى يلا نروح
زين: يلا يا منى تعالى معايا اوصلك وانت يا ادهم خد سندس وصلها
منى وسندس لا طبعا احنا هنمشى لوحدنا
بعد محاولات كتير من زين وادهم وفقت منى وسندس
&&&&&&&&&&&&&&&&
في بيت منار
محمد بيدور على حاجه بينادى على منار بصوت عالي فين الساعه الجديدة بتاعتى يا منار
منار من المطبخ هتلاقيه في درج الكميدينو اليمن
محمد لنفسه هى قالت ده ولا ده مش مهم ادور في الاتنين واتجه نحو الدرج الشمال وفتحو لقى شريط برشام منع الحمل فاتصدم
ودخل لمنار المطبخ وهي اتكلمت وهي مديلو ظهرها لقيتها يا حبيبي
محمد: أى ده يا منار
لفت منار واتصدمت
منار: محمد هفهمك
محمد زعق تفهميني اى ده برشام منع الحمل انتى مش عايزه تخلفى منى
منار يا محمد انا وقبل ما تكمل ضربها بالقلم اخرسى مش عايز اسمع حاجه وسبها ومشى
&&&&&&&&&&&&&&&&خلص الفصل اتمنى يعجبكم توقعكم للى جاى