الحلقة01: R★L في روسيا و بالتحديد قصر كبير مـن برا تشوفو تتصدم سيارات كتير كلهم باللون الأسود و رجال كلهم لابسين أسود منتشرين كيف النمل (خلية نمل 😂😁خلينا منهم ندخلو نشوفو داخل القصر أحسن) داخل القصر تصميمو تحفة الوان بين الفضي و الأسود و الأبيض فيه تحفات فنية روعة و صور لأكبر و أشهر الرسامين (بالمختصر قصر تحفة 😍😍) *داخل القصر و بتحديد في الصالة كان جالس علـى كرسي في أول الطاولة حامل الجريدة بإدو ويقرا فيها و يدخن و عيونو مرة علـى الجريدة و مرة علـى. الساعة ، خلونا نتعرفو عليه{{{ راجل مـن منضرو يبان حازم و ميرحمش يعمل في عمرو قريب 80سنة اما لي يشوفو يقول مزال صغير عيونو يقدحو نار و بصحتو }}} هاذا هو السي عبد السـلام ( إسمو معندوش علاقة بشخصيتو هههههه) __خزر في الساعة و رجع يترشف في كوب القهوة المرة لـي قدامو نزلت بعكزاتها كي تحطها تثقب الأرض رفع راسو شافها رسم تبسيمة علـى شفافو و بقا يخزر فيها حتى وصلت عندو و قعدة بجنبو، هذي هي لالة فاطمة {{{مرأة حنينة عكس راجلها متحبش الظلم و تحبش لـي يقلها راكي كبرتي و متحبش كلمة جدة مرأة مهيوبة و كل لـي يعرفها يعمللها حساب و قرارها ديما صحيح عائلتها الكل تقلها فطومة }}} ★هاذو هوما كبار العائلة لـي باش نحكيو عليها ★ -لالة فاطمة: صَبَاحَ الخِيرَ سي عبدالسلام. عبدالسلام: صباح النور فطومة كنت نستنا فْيَگ باش نفطرو كيف كيف ولا كبرتي و عدتي متفيقيش بكري 😉 لالة فاطمة: باهي هاني جيت، و مكبرتش 😒 كنت نتمشى في الجنينة و نتا ماكش راح تبطل مـن هاذ القهوة لـي مرة كي حياتك (قصف علـى الصبح هههههه) -تبسم و كملو يفطرو و كل واحد وين يخمم ،السي عبدالسلام واحد ميعرف واش راه يدور في بالو و لٱ واش راه ناوي -بصح لالة فطومة كانت تخزر في طابلة لفطور لـي كبيرة و مافيها حد مـن غيرهم هوما الزوج و تخمم في القصر لـي ساكنينو غير هوما والخدم و تتحسر علـى ولاد كرشها لـي متوحشة تشوفهم يدورو قدامها و تسمع حسهم 😢💔 عائلة سي عبدالسلام الصقر عائلة مـن اصول جزائرية لَـگِنْ عايشين في روسيا سي عبدالسلام كل الناس تعرفو وتعملو الف حساب ملقبينو العراب هو بالنسبة للمافيا أب، هو عراب السوق السودا و المافيا الروسية مكانش لـي يسمع بإسم العراب و ميخافش هو شبح بالنسبة للشرطة والانتربول مكانش عليه ولا تهمة ولا دليل كلشي عندو صافي يملك فنادق و شركات أزياء و موضةو شركات تصدير و إستراد هادو كلهم أعمال باش يغطيو العالم المخفي ☟تٌَحَـتْ☟ إسم عبدالسلام الصقر أو كيما يقولو العراب، عندو زوج اولاد و بنت واحد مـن أولادو هو النسخة الثانية منو اسمو *جيهاد الصقر هو إبنو الأصغر عمرو 52سنة نفس طبايع عبدالسلام شر و قتل و كل شيء بالضعف وهو المحبوب عند العراب(متزوج و عندو ثلاث اولاد مرتو إسمها رحمة هي إسمها يمثل شخصيتها حنينة و تحب كل الناس و موش متكبرة اولادو أدم و فيراس توأم مختلف عمرهم 31 سنة و أكرم عمرو 26سنة و في ثلاثة نفس الدومان تاع العائلة و 😍😍😍كلهم بقلاوة معسلة 😍😍😍)، و إبنو الأكبر سالم الصقر عمرو 54سنة هو مثلهم ميختلف عنهم شيء بس هو ميهم في حتى شخص غير روحو حتى العائلة متهموش يحب الإسم و السلطة هادا هو طموحو(متزوج و مرتو تبان مرأة متكبرة و شريرة أما في الحقيقة هي حنينة و أهم شيء عندها سعادة عائلتها و ولادها عندو زوج ولاد رائد هو نفس عمر أدم و فيراس و الثاني إسمو مؤيد عمرو 27سنة و عندو و حتى هوما نفس الدومان و ""حتى هوما بقلاوة "" و عندو بنت إسمها تينة عمرها 22سنة بنت عسل) …و بنسبة لأختهم إسمها زهرة الصقر هي اصغر وحدة فيهم عمرها متزوجة وعايشة في تركيا هي الوحيدة لـي معندهاش علاقة بأعمال العائلة و إسم العراب……و لاد العراب موش عايشين معاه لأنو كاين أسباب باش نعرفوهم في الحلقات و مع الأحداث كل واحد منهم.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فطومة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عبدالسلام
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
