روعة الصداقة 💜

ومع بداية العام الدراسي الجديد *
تقف أمام بوابة الجامعة وتنظر لها بعيون كلها حماس وتفاؤل فها هي ستخطو أولي خطواتها في الطريق الذي تمنته منذ زمن وتعبت حتي تحققه تنهدت تنهيده ارتياح ثم ذهبت حتي تعثر علي الجدول قامت بتدوينه في النوته الخاصه بها ثم انطلقت لكي تحضر اول محاضرة لها بعد أن علمت رقم المدرج

في المدرج :
همس (بطلتنا) : ممكن اقعد جنبك يا آنسه
أفنان :ايوا اتفضلي حضرتك (وهي تبتسم ابتسامه بشوشه جدا )
همس :شكرا ⁦
لم يحضر الدكتور بعد
أفنان :ممكن نتعرف
همس :ايوا بالتأكيد انا همس محمد
أفنان :أسمك جميل جدا يا همس انا أفنان
همس بإعجاب :تعرفي بقا أن أسمك الاحلي احلي بكتير اوي
أفنان :تسلميلي بس اشمعنا ؟!
همس :لأن أسمك ذكر في القرآن فتحسي وانتي بتسمعي الاسم كده أن فيه عظمه
أفنان نظرت لها بخجل فهي لم تعرف ما معني أن يكون اسمها في مذكور في القراءن هي تراه شئيا عادي شعرت بها همس ثم قالت
همس : أسمك معناه جميل لأن معني اسم أفنان هو الفروع والأغصان وورد ذكر الاسم في القرآن الكريم في الآية "ذَوَاتَا أَفْنَانٍ" في سورة الرحمن والأفنان اسم يوحي بالرفعة والسمو وهو الأفنان مصدر للخير لأنه يعطي الخير من الثمر والبهاء والجمال
أفنان بإعجاب شديد من جمال كلام همس قالت أفنان :ياه مكنتش اعرف كل ده عن اسمي تسلمي يا همس ربنا يخليكي
همس :ممكن اقولك حاجه بس متزعليش
أفنان :اكيد قولي مش هزعل منك لاني نفسي نبقي أصحاب لو تقبلي
همس :اكيد طبعا أصحاب واخوات كمان
أفنان :كنتي هتقولي ايه ؟!
همس :كنت هقولك أن بلاش تقولي لحد كلمه الله يخليك لأن التخليه معناها في اللغه الترك وانتي كده مش بتدعيله خالص معني الله يخليك يعني الله يتركك انا عارفه أن دي مش نيتك بس بنبهك لأن ده واجبي عليكي ك صديقه الاجمل بقا قولي الله يباركلك الله يراضيك الله يكرمك
أفنان بابتسامه :حاضر يا همس مش هقولها تاني انا مكنتش اعرف والله خلاص اخر مره وشكرا علي التنبيه يا قمر
دخل الدكتور الي المدرج فعم الصمت وانتبه كل الطلاب الي الدكتور ولكن لاحظت أفنان أن همس تنظر إلي كشكول في يدها ولم ترفع رأسها الي الدكتور وقررت أن تسألها بعد المحاضره
الدكتور :اهلا بيكوا يا دكاتره النهارده هيبقي اليوم تعارف كده ومفيش شرح باذن الله انا دكتور إيهاب هديكوا ماده الاناتومي باذن الله .........الخ بقا (كلام الدكاتره في اول محاضره كلنا عارفينه😂) انتهي الدكتور من الحديث معهم ولفت انتباه تلك الفتاه التي تطأطأ رأسها في البدايه ظن أنها تلعب في الهاتف ولكن يداها اعلي البنش فكيف لها أن تمسك هاتف ربما نائمه أو ماذا ولكن نفض عن رأسه كل أفكاره كونه في اول يوم
خرجت همس ومعها أفنان من المدرج
أفنان :همس انتي ليه طول الوقت حاطه وشك في الأرض ومش رفعتيه
همس بهدوء :عشان مشوفش الدكتور
أفنان بغباء :طيب هتفهمي ازاي
همس :دربت نفسي اني افهم من غير ما ابص علي اللي بيشرح ليا
أفنان :بس ليه بردوا فيها ايه يعني ؟!
همس :بصي يا أفنان ربنا أمرنا بغض البصر فقد قال
الله عز وجل في سورة النور :( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ)

أفنان: يعني لو بصيت لراجل من غير محارمي حرام
همس :ايوا يا قلبي لأن النظر بيحرك المشاعر والقلب واحنا عارفين قلوبنا مش بأيدينا بس لما نفض بصرنا هنحافظ عليها ونحافظ علي نقاءها صح ولا غلط
أفنان :صح يا همس جزاك الله خيرا
همس :جزانا الله واياك
أفنان :ماشاء الله عليكي بجد يا همس معلوماتك قيمه جدا ودايما تدي دليل
همس : ربنا يعزك يا أفنان لأن الدليل اهم حاجه من غيره مش هقدر أقنع اللي قدامي
أفنان :بس عندي سؤال هو انا كده شلت ذنوب كتير علي اني كنت ببص علي شباب ؟!
همس : لا لانك مكنتيش تعرفي بس لو بصيتي تاني وبحلقتي كده هههه هتاخدي ذنوب لأن أقمت عليكي الحجه وَلَيْسَ عَلَيْكُمْ جُنَاحٌ فِيمَا أَخْطَأْتُم بِهِ وَلَكِن مَّا تَعَمَّدَتْ قُلُوبُكُمْ وَكَانَ اللَّهُ غَفُورًا رَّحِيمًا{الأحزاب:5}، قال أن كثير رحمه الله تعالى: أي وإنما الإثم على من تعمد الباطل. انتهى.
أفنان :جزاك الله خيرا يا همس
همس :وجزاك مثله وأكثر يلا بقا بسرعه عشان اقابل العيال اصلهم مستنيتي
أفنان :خلاص هستناكي هنا
همس :لا ازاي تعالي هعرفك عيلتي التانيه اللي هتكوني جزء منها أن شاءالله
أفنان :بس مش هضايقهم
همس :تضايقي مين بس لا والله دول هيفرحوا خصوصا أن مش اي حد بينضم العيله وضحكت ضحكه رقيقه جميله تنم عن صدق قلبها ونقاءه
أفنان :تمام يا همس هاجي معاكي
ذهبت الفتاتان اللي ثلاث فتيات يجلسن ويتحدثن بصوت منخفض اتباعا لتعاليم الرسول صلي الله عليه وسلم
همس :السلام عليكن يا فتيات
الفتيات :وعليكن السلام ورحمه الله وبركاته
ثم بدأت السلامات والترحيبات
همس :بنات دي أفنان زملتنا الجديد

سيدره بابتسامه :منوره يا أفنان أسمك جميل انا سيدره بنت عم أفنان
أفنان : ده نورك يا سيدره وتسلمي علي الاطراء
سيدره بابتسامه :ده مش إطراء ده حقيقه والله

رفيف :اهلا بيكي يا أفنان اتشرفنا بيكي انا رفيف
أفنان
افنان :تسلمي يا قمر

رغد :اهلا يا جميله منورنا والله أنا رغد
أفنان :نورك يا رغد والله تسلميلي

واخذت الفتيات يتحدثن حتي حان موعد محاضره همس وافنان ورهف مع همس وافنان في كليه الطب ولكن لم تحضر اول محاضره بس انها كانت نائمه (اول يوم بقا بعد سهر الإجازات 😂😂)
بينما سيدره ورغد في كليه الصيدله .
انطلقت جميع الفتيات الي محاضراتهن واتفقن علي اللقاء بعد الانتهاء في مسجد الجامعه

فرحت أفنان لتعرفها علي الفتيات كثيرا فإنهن جميلات حقا سواء في زيهن أو طريقه حديثهن
نعرف كانوا لابسين ايه بقا 😅
سيدره.... كانت ترتدي عباءه واسعه من اللون البني وحجاب طويل نظرا لأن العباءه واسعه باللون الكافي في العادي بتلبس خمار بس مع العبايات الواسعه بتلبس طرحه طويله

رهف ... ترتدي دريس من اللون الزيتي وخمار رقيق جدا من اللون الاوف وايت

رغد ... ترتدي دريس كت من اللون الكحلي واسفله شميز من اللون الكشمير وخمار نفس اللون

همس ... ترتدي نفس لباس سيدره ولكن اختلفت في أنها ترتدي خمار ويزين وجهها نقاب جميل للغايه
أفنان ...ترتدي بنطال جينز وبلوزة كشمير وحجاب صغير جدا 😥
...............................
اتمني اعرف رائيكوا علشان علي اساس رائيكوا هكمل أو اوقف