نهاية حلم (مكتملة)

البارت الاول

هلاوو

اني اسمي رانية اعيش بغداد عمري 16 سنه صف خامس ادبي اني من عائلة كولش غنية يعني مامقصرين عليه اي شي

كولشي اريدة يجي يمي بدون تعب اني شاطرة كولش بلمختصر متفوقة بدراستي جنت اسعد وحدة بلدنيا احجيلكم

مواصفاتي  طولي 152 جسمي متروس لا سمينه ولا ضعيفة متناسق طولي وية جسمي عيوني رصصيات عيوني كبار

ورموشي ثخان بشرتني حنطاوية بس ع بياض معتنية بنظافتي كولش كلها تكول عليه نازكة وفاهية ههههه ابد مجربت

الحب جانو هواي يصارحوني بس اني اخاف لان اسمع البنات وصديقاتي والمشاكل الي تواجهم والولد شلون يلعبون ع

بنات الناس صح اصابعي مو كلها سوة بس بعد خوفة صارتلي اني عندي 3 صديقات ابد مانفترق بحيث اذا غابت وحدة كلنه

نغيب سوة هههههه اخلي احجيلكم عنهم شوية.....

سارة : تحب ابن عمها وهوه يحبها بس اهلهة ما وافقو عليه لان ممخلص دراسة وقصتها خوفتني لا احب وهم اهلي ميوافقون😔

نورة:حبت واحد وفضحها وهلشي هم خوفني من الحب

اية : حبت ابن جوارينهم من هيه اول متوسط بس خانها وعافته 💔..

اني شفت صديقاتي ابد مرتاحن من الحب ابد كلت اكيد مراح ارتاح اني مافكرت  فديوم انو احب مع العلم هواي اعترفولي

بس جنت انهزم من الموضوع مجنت ادري وراية وراية اني جنت سافرة وصديقاتي محجبات يوم من الايام طلعنه من

الدوام طبينه سوبر ماركت صغير  بس جان كولش ازدحام بس انجبرنه ندخل لان كولش جوعانات جنت مسوية ذيل حصان

وشعري جان كفشه وكيرلي هههههه اني احب خلي هيج فتت علك شعري انداريت لكيته معلك بلباب صديقاتي راحن قبلي

ما انتبهن الي حايرات ابطنهن 😂 وازدحام وهوسة كولش ماسمعن صوتي اجه العامل....

امجد: بعد لتعوفي مفتوح اظفري لان راح دائماً يعرضج لهيج مواقف 🙃 (اني جنت يم صديقي الي يشتغل  وياية وكومة

طلاب وطالبات فاتو وهوسة سمعت وحدة تصرخ كلت الصاحبي ورحت خطية شعرها عالك بلباب وساعدتها )

رانية : لا شكرا اني احبة هيج😁😒 انداريت ادور صديقاتي ما احس الا هوه كاعد يظفرلي شعري 😳 اني ضليت مصدومة

متحركت  كمل وكلي

امجد :شفتها شلون جاوبتني وندارت جان الزم شعرها وظفرته هههههه كتلها هيج صرتي احسن من كفشتج

رانية :شلوووون تسوي هيج منو انطاك الحق تسويلي هيج هاااا

امجد ياعيني قابل شسويت والله يالله صوجي عدلت جهرتج هوه انتي جنج قوطية ببسي ام الخمسمية هههههه هوه انتي

صف اول لو مزوج حفيدتي بكبرج 😂😂🤣

رانية :ضوجني كولش  كتلة اولا اني صف خامس ثانيا وخر عن طريقي عفته وطلعت حتى صديقاتي عفتهن صعدت بلخط

شوية وجني المحروسات

سارة : ولج رانية وين رحتي

نورة : صدوك رورو وين رحتي

رانية : باوعتلهن صفح 😒 من صحت عليجن ما رجعتن علية

سارة . نورة .اية: والله مسمعناج

رانية : يي مو هوسة ومسمعتن بس انتن رحتن ركض علمود بطنجن عااابت

سارة : وج شوكت ظفرتي شعرج والله احلى من الكفشة

رانية : سولفتلهن الصار وضلن يضحكن عليه.......

حبايبي ان شتء الله يعجبكم بس اريد تصويت وتشجيع فدوة 😘

حبكككم كوميات