نهاية حلم (مكتملة)

بارت تاسع

لقد كُسرتو قلباً بريئاً أراد الحب فقط .

رانية : صعدلي علاوي وحجة وياي واني بس

حاضنتة وابجي اني كلت لامجد هلفترة منتراسل

حتى لايشكون وبلموت قنعته وقفلت لفون ورة

ماكمل علاوي حجية كتلة اني راح اموت ليش

هيج يسوون بينة (ابجي بحرگة گلب)

علاوي : تكطع گلبي عليها بس مابيدي شي اسوي

ضليت اواسيها ونومتها رحت اخذت لعنوان من

ابوية ورحت ع امجد

امجد: اهلا وسهلا نورتنا دكتور علي

علي : اهلا بيك خوية

امجد : توقعت راح يكولي موافقين بحيث جنت

كلش فرحان كلتلة شنو هلزيارة الحلوة

علي : امجد رايدك بسالفة يخوي

امجد : اني كمت انطي اللوان عبالي صاير شي لرانية

لان شكلة ما يطمن كتلة خير خوية خوفتني لاهل

زينين؟؟

علي : راح احجيلك بدون مقدمات ولا اي شي

امجد : تفضل خوية

علي : شوف خوية كلشي قسمة ونصيب واهلي ما

وافقو ع زواج وصدكني اني شكد حاولت وياهم بس

ماقتنعو عذرني يخوي

امجد : علي يحجي واني نصدمت متوقعت هيج

يسوون دمعت عيوني وكتلة ورانية؟؟

علي : رانية قافلة ع روحها وتبجي

امجد : اني جنت متوقع هيج يصير لان محد يرضى

لبنتة هيج عيشة نزلت معتي مكدرت احصرها اكثر

علي : لا يخوي لتحجي هيج بلعكس والله بس لان

ابوية مدللها حيل

امجد : راح اتقدملها اكثر من مرة بلكي يقتنع ويوافق

علي : خوية لاتعب روحك ابوية من يكول شي

مايغير رئية لو شما يصير وهوه كال ع جثتي يصير

هلزواج ورانية حيل تاذت وقفلت ع روحها

امجد : فدوووة ماوصيك عليها واني جانت نيتي

وياها صافية الله شاهد عليه ردتها بلحلال تصير

ام جهالي💔

علي : اعرف بيك والله

امجد : اني انتهت حياتي ادمرت

علي : لتحجي هيج يخوي راح نبقة اصدقاء واتشرف

بيك وبمعرفتك لحلوة وانته بعد كدامك حياه طويلة

والله يرزقك ببنت لحلال الي تحبك وتحبهة

امجد : مستحيل احب بعد واني وعدتها مازوج

غيرها ابد

علي : لا تكول هيج يخوي ولتخاف هيه بامانتي يلا

خوية اترخص اني

امجد : مرخوص يخوي........ راح علي وكعدت ابجي

دزيت رسالة لرانية بس غالقة جهازها كلت اكيد

اخذو منها مر اسبوع وماعرف شي عنها ادهورت

صحتي فدنوب لا اكل ولا اشرب بس جكاير ودموعي

ع خدي

رانية : مر اسبوع اني غالقة جهازي ومفتحتة ابد

وقافلة ع روحي وبس ابجي صاحني بابا ورحتلة

بابا : اجوج خطابة ابن صديقي وعائلتة محترمة

رانية : ومن مستووووانة مو حتى هيج فراحان بيهم

ماحسيت الا اني مشمورة بلكاع من قوة راشدي

بابا : لجججج كلببببة احترمي اني ابوج وادرة

بمصلحتج حيوانة.... يتبع

يا مساء لحب ولعافية هذا بارت مو طويل بس اعذروني كلش تعبانة نفسيتي هلفترة 🙁 ادعولي الله ياخذ حقي من الي ظلمني واذاني🙁

تصبحون ع ما تتمنون ❤