نهاية حلم (مكتملة)

بارت السابع

تعال أحضني وأترك العالم تغـار

رانية : مرت الايام والاشهر وخلصت الخامس

ونجحت  طبعاً هواي جان يشجعني ومجان يقبل

يحجي وياي هواي حتى لا التهي ويكلي ريدج

ترفعين راسي بنجاحج

امجد : حياتي باجر راح نجي اني وامي وخواتي

وعمي لان والدي متوفي نجي نخطبج ❤

رانية : صدووك تحجي غير تنطيني خبر عابت

امجد : حياتي مو لازم تصيرين طبيعيه وما

تنخبصين حتى ما يشكون اكو شي بيناتنه

رانية : هلا بيكم عمري ...... ثاني يوم كمت بنشاط

وسبحت ورتبت البيت بدون ما اخلي احد ينتبه

اكو شي غريب وعدلت نفسي جان يدزلي رسالة

امجد : صباحوو عروستي❤

رانية : صباح لحب يا احلى حب ❤

امجد : ويلي يابة لو ادري من زمان كايلج راح اجيب

امي😅

رانية : عابت مو صوجك

امجد : ههههه فديت

رانية : ليش تكول عروستي وبعد ماصرت عابت

امجد : غير اذا ما صيرين عروستي اكتل روحي

كدامج وكدام اهلج وعد زلم عليه والله

رانية : اسم الله شنو هلحجي ان شاء الله يوافقون

ومايصير هيج 🙁

امجد : ان شاء الله عمري ترة شوية ونوصل لان

راح نطلع من لبيت هسه

رانية : يي عمري هلا بيكم ... شوية وندكت لباب

طبعا محد يدري شكو راح علاوي فتح لباب انصدم

مافهم شنو سالفة

علاوي : تفضلو منو رايدين ؟؟

عم امجد : سلام عليكم ابني احنه خطار ترحبون

بينه لو لا

علاوي : اهلا وسهلا عمو تفضل نشيلكم ع راسنه

عم امجد : زاد فظلك وليدي ...الحجي موجود؟

علاوي : يي عمو طبيت الرجال والولد للمضيف يم

والدي بس شنو سالفة مادري هوه لولد شاب اصغر

مني صحت امي وطببت النسوان امي تلكتهن

والدي : اهلا وسهلا نورتونا

عم امجد : منو بأهلة

والدي : تفضلو يابة اكعدو

عم امجد : والله يا خوية احنه جايين نطلب ايد

بنتك لمحروسة الابنة امجد ع سنه الله ورسولة

والدة متوفي واني صرت بمقام والدة

والدي : نتشرف بيكم بس شمخلص وشنو يشتغل

واني بنتي اريدها تكمل دراسة

عم امجد : اي اكيد تخلص دراستها يلا يزوجون

وامجد مخلص متوسطة لان والدة توفة وهوه صار

المعيل الاهله ويشتغل حاليا عامل بمحل

والدي : زين هوه وين شاف لبنية ومنين عرف لعنوان

عم امجد : والله ياخوية هوه يشتغل بلمحل الي

بصف مدرستها وهيه تجي وية صديقاتها يشترون

وشافة وراح سئل عليها وما سمع الا الي يطيب

لخاطر والله

امجد : عمي الي تؤمرون بي اني حاضر واني شاريها

البنتكم اخلاق وسمعه زينة

والدي : يي بس لازم نسئل ع الولد ونريد لعنوان

علاوي : اني ضليت صافن ع الولد ما حجيت اي شي

مبين خوش ولد مؤدب وحباب

رانية : طبن 3 نسوان الام وبناتها ثنين تقريبا وحدة

بكدي لو اكبر مني بسنه والثانية لو 19 لو 18 سنه

سلمت ع ...... يتبع

اسفة حيل لان صار يومين ما ناشرة بس الله شاهد 3 عوائل بمنطقتنه بيهم كورونا بحيث دخلنه انذار تعقيم لبيت كلة حتى الشارع الله يبعدة عن امة محمد يا رب ❤❤