نهاية حلم (مكتملة)

بارت العاشر

تعود أن تخيط جروحك من الداخل.. بنفسك..
لا أحد يعرف حقيقة وجعك.. وشدته..
كما تعرفها أنت..
أي يد أخري تلمس جروحك..
ستوجعها أكثر. ☁️♥️ ؛
______________________________________

رانية : كمت من لكاع باوعت بعيونة وعيوني تتوسل

بي كتلة ماريد ازوج اي احد

بابا : شوفي عمري وحياتي مافرضت عليج شي لو

جبرتج بس هلشغلة تختلف واني انطيتهم حجاية

ماكدر اتراجع بيها

رانية : كلتلكم ماريد ازوج شنو هيه غصب (بصياح)

بابا: ييييي غصب وحسج لا تعلينة وتتزوجين غصب

عنج شهر الي يجي بدايتة عرسج وسادس تكملي

يم رجلج ومدرستج هاي بعد متوصليها فهمتتتيييي

رانية : عفتهم وركضت لغرفتي وكعدت ابجي ساعه

كاملة لحد محسيت روحي انتهيت كمت غسلت

وجهي وفتحت لفون لكيت فوك ال200 رسالة

من امجد اشعار تجنن بلبداية بعدين ورة ماعرف قرار

بابا صارت اشعار حزينة تموت قهر خابرتة كتلة.. الو

امجد : هلا بعمري.. ووف ماكدر اكلج هيج بعد لان

محتصيرين من نصييبي 😢  (احجي وابجي)

رانية : طكيت من لبجي وكتلة ليش هيج صار

ليش موافقو ليش هدمو احلامنه😭

امجد: حياتي كافي لتبجين كطعتي كلبي والله

راح اموووت

رانية : يومي قبل يومك ان شاء الله

امجد : ولج شنوووو تريديني اموت مرتين كافي

رحمة لاهلج راح اموت والله

رانية : سامحني😭💔

امجد : انتي مسويتي شي حتى اسامحج بس اهلج

جانو سبب بهاي حالتنه (ثنينه طاكين من لبجي)

رانية : لتنساني امجد

امجد : اكو اوحد يكدر ينسه روحة

رانية : حيزوجوني غصب لابن صديق بابا

امجد : اكيد من مستواكم لان اهلج موافقين

رانية : امجد عمري مراح انساك ولا انسه كل لحظة

عشتها وياك واسفة لان خليتك تحبني بس مجنت

اتوقع اهلي هيج يسوون

امجد : رانية اني وعدتج مراح ازوج غيرج ولا راح

انساج

رانية : لاا امجد لسوي هيج....... قاطعني وكال

امجد : ديري بالج ع نفسج محروسة ويحفظج ربي

الله مع سلامة يبنت گلبي سديت لخط ونهاريت بجي

رانية : الله وياك .... نكطع لخط وشمرت الفون

وكعدت ابجي ردت انتحر بس علاوي طب للغرفة

ع اخر لحظة واخذ لموس من ايدي

علاوي : رحت ع رانية لان من رجعت ماشفتها

سئلت عليها وعرفت الي صار رحت ركض للغرفة

لان خفت لا سوي شي بروحها صعدت لكيتها شايلة

موس تريد تنتحر ركضت اخذته منها وكتلها تخبلتي

انتي شلون تسوين هيج وتنهين حياتج

رانية : انتو نهيتوها اصلا

علاوي : شفت حالتهة انقهرت كلش عليها حيل بس

مابيدي شي اسويها 💔

رانية : مرت ايام واني شبه ميتة واجوي خطبوني

وعقد عليه وقررو موعد لعرس وهاي لفترة كلها

قافلة لفون بيوم لعرس فتحتة لكيت رسالة من امجد

كاتب....

امجد : بيدي ظافرها لكصيبة
          مدري يا بطران حلهة
          الجنت اضنها ام جهالي
          وسفة ذاك يصير خلهة
          چي فقير خذاها غيري
         الله ليوفق اهلهة
    

كعدت ابجي وصديقاتي هم يبجن وياي حضنني

طبعا معافني يومية يزوروني جتي لزفة واجة

التابوت مالتي ياريتة اجة بدال زفافة .... طلعت

ولكيت الي جنت اتمنى هوه الي لازم ايدي...... يتبع

يا مساء الخير ... شلونكم شنو توقعاتكم شنو حيسوي امجد من يشوف حبيبتة لابسة لابيض بس مو الة😓 اشوف توقعاتكم يلا انزل البارت الاخير❤

حبكم❤