التوأم وخبايا القدر

البارت 1

#التؤام وخبايا القدر
#البارت1
هنالك خبايا للقدر.... لانعلم غدا ماذا يخبئ لنا ربما أفضل وربما اسوأ لاكن يجب ان نقول لربما غدا افضل

ارجع بل زمن القبل 19سنة..... الدنيا برد واني بل مستشفى واشوف التطلك والجاية تجيب لان المستشفى خاصة للولادة واكول شوكت الله يطعمني طفل مثل بقية الناس  لازم انضف شكو شي بيهة لان صار سنين اشتغل منضفة(فراشة)ومابية اكوم ضربات كاضم بعضامي الي هوة المفروض زوجي واليحميني يومية اجي مزورگة من ورا للمستشفى وماعدي غيرة اروحلة يضربني علة شي مو بيدي لأن ماخلف يريد ولد عزوة وضهر والعالم تصيحلة ابو فلان  يومية يجي سكران واني مهدود حيلي من الشغل يضربني ويسبني لان ماخلف وادري مستحيل اخلفلة لان عندي عقم. ....وبيوم مليت واجت وحدة وياي تشتغل حطت الفكرة براسي وقررت اخطف من المستشفى طفل ادري حرام والله حيحاسبني بس الشيطان تركز بية بذيج الحضة وهية ضلت تكلي واخذي توم حتة اخوان مو وحيد ويعينونج من تكبرين صارت هية وزن الشيطان وكاضم علية وبنفس اليوم اجت وحدة تطلك تريد تجيب كالو السونرات كالت ولد تؤم بيهة وكلت هاي فرصتي خططنة الكلشي اني وصاحبتي صاحبة السوء اتفقنة من تجيب المرة اذا اكمل شغلي ابقة برة وهية تجيبلياهم وابنهة عدة سيارة ينتضرني برة ويوصلني والمرة بعدة طلگهة بأولة وطول كملت شغلي وسمعت المرة جابت واني برة بحديقة المستشفى انتضر جانت الدنيا صيف ...شفتهة جاية من بعيد والتؤام بيدهة اخذتهم منهة بدون حجي جانت الحديقة الخلفية ضلمة ومحد بيهة شايلتهم واركض وگلبي يدگ الف دگة والعرك يصب من كصتي واركض واتلفت وصلت للباب وماكو غير الحارس الي اشترينة ضميرة بفلوس ولكيت ابنهة منتضرني ركبت وگبل للبيت وكاضم يدري بسالفة ومنتضرني ...اجيت واحللتهم وهمة يصرخون. وكاضم وياي شايل واحد تلكاني من الباب وهنااا الصمةةة لكيناهم بنات هنة يصرخن من الجوع
كاضم -ولج بدريةةةة ذن بناااات اني كتلج ولد يكبرون استفاد منهم يشتغلون ذن اصرف عليهن سسوووي بيهن اليوم اذبحج
بدرية-كاضم مادري والله كلولي ولد
كاضم -رجعيهم منين مجبتيهم
بدرية -ماكدر هسة تلكة المستشفى نگلبت والحراسة تشددت بعد مصارت حالة خطف مااااگدر
كاضم-ولج اذبج بشارع انتي وياهن افتهمتي ماااريد بنات ماريد هم عاكر وماتخلفين وهم جبتيلي بلاوي ثنين
بدرية -كاضم انت ماتدفع الهن شي اني اتكفل بيهن بمصرفهن بكلشي ماعليك وهلمرة كدت اخذهن بعد ماكدر يعني نضل بدون جهال طول العمر واهلهن ناس فايخين وعدهم خير من الله اذا ارجعهن تنكشف ثنينة نروح بل رجلين
كاضم -خليهن بس اني ماتكفل بشي لابمصرف ولا شي بدرية -هوة انت يايوم داري بشي ...اقتنع وعفتهن واني بين الاحس مسوية جريمة بكد السمة وبين الفرحانة بيهن واحلم  راح اكبرهن راح يصيحلي مامة

وهسة نرجع للواقع بعد 19سنة
السلام عليكم اسمي حور عمري 19سنة عايشة وي امي المريضة وابوية امي مرة مريضة كلش وابوية وماعندي غير اختي التؤم اهلي كبار وخلفوني ع كبر حالتنة كلش صعبة وصلت سادس اعدادي بل دفرات لان رادو يبطلوني من زمان مواصفاتي بيضة كلش شعري اسود عيوني كبار وجهي مدور لاطويلة ولا كصيرة يعني معاني عادية  امي جانت نوعا ما مدللتني بس من وكعت ابوية كلش اذاني بتصرفاتة القاسية
نايمة بلكاع حتة فراش ماكو والشتة هستوة فات علينة وهدومي زغار محد مشتريلي خليت راسي جبت غطة كرفست روحي بي ونمت
كاضم ابو حور-لج هيييه قنادر حور الهسة نايمة كومي لج
حور-فزيت ع صياحة مخترعة ها بابا شكو
كاضم-لج عوبة تكسرت عضامج كون كومي شوفي الساعة
حور-ركضت للساعة ب 6وربع كتلة بابا ب6وربع بعد وكت الدنيا شتة ضلمة هسة
كاضم-كومي لج صخمي ولطمي حتة اطلعين تشتغلين لا اكل لا شرب عدنة حاطج انتي واختج بدون فايدة يالله كملي كلشي ورلي لاترجعين بدون فلوس فهمتي
حور -ماشي حطلع للشغل بس اشوف ام رواء اسالهة اكو بيوت انضفهة اليوم
كاضم-اني شغلة ام رواء معاجبتني لان متوكل خبز فهمتي اليوم اخر يوم اذا ماكو انتي واختج ادبرن روحجن ترة انسة انتن بناتي واذبجن بلشارع فهمتي لو لا
حور-صار يابة ولله اذا ماكو اشوفلي غير شغلة رحت اگعدت
رسل
حور-رسولة حبيبتي يالله كعدي ابوج يكول كعدو
رسل-لج هاذ شيريد من الصباحيات هسة من اكوم اجمع حجار المنطقة كلة واشمرة علية هم احد يكولي ليش
حور-لج رسل عيب يبقة ابونة وحقة هم لازم نساعدة لان حالتنة كلش ادهورت وبعدين انتي مو نايمة شبسرعة انطلقت الرشاشة مالتج
رسل-اوووف ولج هوة ابوج يخلي واحد ينام نايمة تك وتك كاعد
حور-ليش حبي انتي نعال حتة تك وتك كومي بدون حجي روحي لام رواء شوفي اذا اكو شغل اليوم بين ماسويلنة ريوك
رسل-اغسل وابدل واروح
حور-اوكي حبيبتي استعجلي
رسل-رحت ورجعت البيت المرة كالت اكو شغل ب10ونص تعالو نروح
رجعت البيتنة فتت الحور للمطبخ جان بيتنة قديم وكلش تعبان
حور-ها بشري
رسل-بيت بل منصور لازم ب10ونص هناك
حور-همزين خلي ابوج يسكت عنة شوية....اكلج رسل ام رواء تروح ويانة غير
رسل-شتدرين بيهة خطية دائمن تكول الدنيا صعبة ماكدر اخليجن وحدجن بلبيوت وتجي ويانة اكيد
حور-اي والله مرات احس بيهة احسن من ابوج ويانة
رسل-يالله مل ناكل ترة بعد شوية واكلج
حور -هههه تعاي حيبتي
گعدنة ناكل كملنة ركضنة كملنة كل شلاتنة ورحنة البيت ام رواء
دكينة الباب فتحتة