التوأم وخبايا القدر

البارت7

التؤام وخبايا القدر
للكتبة #نور-عادل
البارت 7
طلعت من باب الحديقة الورة وامشي بسرعة ارد اوصل ...اول ميحاول يعترفلي يتقرب عليه مفكرني رخيصة اي اكيد مفكرني رخيصة لان ماصديتة ليش ليش انطيتة مجال كلة من گلبي دموعي احسهة جمر ع خدي والدنيا برد ومطر  كلش اسمع صوتة وراي
سامر -حوور الله يخليج اوگفي
حور-انداريت شفتة حافي ويركض وراي ...شترييييد
سامر-ماراح اعتذر ولا شي بس كليلي وين رايحة بهلمطر وملابس البيت
حور-احجي ودموعي يجرن والمطر فيضني وفيضة وهو حافي ولابس خفيف. وشعرنة وهدومنة فاضن والبرد تحسة يگرص العضم
...ارد اروح البيتنة لتجي ورااي ابد
سامر-ماشي بس فوتي بدلي واني اوصلج
حور-اني اروح ماريد منك شي
سامر-حتة لو غلطت ومتحجين وياي تجين اوصلج لتخليني اجي اكسر راسج واسحلج للبيت غصب عنج اوكي غلطت اسسسف اسف واعتذر بس فوتي الله يخليج
حور-حلوة هم مضوجني ويهددني بس اول مرة يعتذر من وحدة ...افوت ابدل بس الحارس يوديني حفوت بس الخاطر خالتي حتة ابرللهة
سامر- ماشي
حور-وصلنة جوة شافو فايض لان لازم يصعد الغرفتة منهم بس اني محد شافني يدلت وعدلت شعري وجهي وحضرت نفسي اروح
انوب فكرت بخالتي منو الهة خطية مريضة ومحتاجتني كعدت وسكتت كمت خليت مكياج خفيف كلش ميبين حتة بس غير شكلي وطلعت داروح للمطبخ كلت اليوم الة اسوي بعنادة وادري حيصيحوني
ام عمار-تعاي يمة گعدي هنا ويانة
حور-صار خالة ...حجيتهة واشوف سامر نازل مبدل يعدل بساعتة رفع راسة شافني وجان تتبدل معانية للغضب والبركان الي ع ساعة ينفجر
سامر-حور موكلتي اريد اغسل اماعين الغدة
روز -اني غسلتهن سموري
سامر-بطلي سموري لاطيح حضج 😡
عمار ابن خالة سامر-اي حور كلتي شمخلصة دراسة
حور-سادس احياء وماكملت جامعة
عمار -والله حرامات شكل وعقل بس دعم ماكو
حور-عادي اكدر شوكت ماريد اكمل بس كون قبل لا اعجز
عمار -لا هلجمال ميعجز شميعجز يكون احلة
حور-شكرا ...ونداريت واشوف سامر ياكل بضافيرة ويحرك برجلة من التوتر بعد شوية ويگوم يفجرنة هههه حييل اني الك
ام عمار-يمة انتي منو علمج شغل وطبخ وهاي سوالف لان خالتج ام سامر تكول كلش شاطرة
حور-امي الله يرحمهة
ام عمار-الله يرحمهة والله. حرامات شكل وعقل وحض بدنيا ماكو
عمار-اكلج حور سمعت فاتحين تعيينات ع شهادة الاعدادي متجيبين وثيقتج اقدملج
حور-صدك
عمار -اي والله
حور-علوا
ام سامر-يعني تعوفيني
حور-اكو وحدة تعوف امهة
ام سامر -لعد شلون
حور-اباوع القهرة بعيونهة مثل طفل وامة حتعوفة ..اني موجاي انطيج علاجج واضربج ابر واغير ع جرح مال راسج
ام سامر -اي
حور-هاذهو لعد اني اعتبر ممرضة ماتج يعني حتة لو اتوضف هم اجيج
عمار -اني حمشيلج بيهة وعندي عرف انشالله خير
حور-انشالله ...يالله من رخصتكم
ام عمار-مرخوصة يمة
عمار -يمة شفتي طيبة وعقل واخلاق وجمال مواكلج حورية نازلة من الجنة
ام عمار-ولك عيب يمة
سامر-لا خالة مو عيب صارت كلش عيب
عمار -شكو شبيك
سامر-اكلك تعال نشوف سيارتي
عمار -بهلمطر
سامر -اي مو ارد اطلع وين الكة احد يسويهة هسة
عمار-ماشي
سامر -طلع وياي واني افور منة ...وصلنة برة والمطر واكف ...عمار التسوي عيب بحق البنية وهسة هية عرضنة
ت
عمار-اني ماتعديت حدودي وسامر بيني وبينك اني وامي فايتة عقلنة وامي من زمان تكول ازوجك بنية اهلهة فقرة حتة متضرب بل عالي وتكون متواضعة وهاي البنية بيهة كل النحلم بي وتعرف يعني احنة هم مو كلش اغنياء هم ناس ع كد حالنة بس ارد ادرس البنية زين يالله
سامر-يحجي واحس صغطي صعد وكلبي راح يوكف بس صافن عليه ارد استوعب اليحجي معقولة يخطبهة وتوافق عيوني دمعت واحس انكسرت
عمار-شبيك سامر شبيك وضعك اختلف بيك شي يخوي احجي
سامر-عمار وذا اكلك اخوك يحبهة احبهة عمار لتاخذهة مني
عمار-شنو منو تحب
سامر-حور احبهة وماكدر اعيش بدونهة بعد بهلشهرين ونص حبيتهة عمار اول مرة اتوسل باحد لتفتح موضوعهة لان اني سالفتي طويلة الله يخليك لتاخذهة مني
عمار-عمي مادري واصلا اني شعدي وي البنية مجرد حجي اكو بنات الحلال هواي خوية من هلحضة حبيبتك مثل اختي واني اعتذر
سامر-عادي بس لتكول حبيبتك لان محد يدري
عمار-ماشي عمي واكع بل حب ومكلوبة الطاسة بويةةة بس تستاهل بت الاوادم غير قطعة واعض ع شفتي
سامر-تمشي لا اذبحك هنا يالله ولي خل نطب جوة
عمار-طبينة طبينة
حور-طبيت الغرفتي بلحضتهة تعصبت بس من اراجع الاحداث بين الافرح لان اعترفلي بحبة وبين الانقهر لان تقربلي يدون مينتضر ردي وهيج من بدايتهة خايفة وفرحانة واحس گلبي يرجف ياريت لو احنة بغير عالم وبغير دنيا ياريتك فقير مثلي جان حبنة مو صعب

سامر -طشو كل واحد بمكان ورحت الغرفتهة دكيت الباب
حور-منو
سامر-اني
حور-اتفضل
سامر-فتت گتلهة ..يصير احجي وياج
حور-باوعت بوجهة ..وذا ماقبلت
سامر-اجر الكرسي هيج واكعد هيج واحجي غصبا ماعليج
حور-اوكي اسمعك احجي
سامر-حورانتي عرفتي مشاعري واني بحياتي مصاير وياي هيج شي ومراف گلبي الوحدة
بس صارت وياج نيتي شريفة بس
حور-بس اني فقيرة واشتغل ابيتكم مستحيل
سامر-مستعد احارب الدنيا علمودج بس اريد وقت اكو اشياء ابالي لازم نمشي عليهة حتة نگدر نصير البعض
حور-مادري شكلك بس خايفة احس الفرق بينة جبير
سامر-حور باوعي بعيوني
حور-يمة الجمال يكتل شباوع بعيونك ولك طبعا بگلبي.. باوعت
سامر-انتي ..تحبيني
حور-سألني هسؤال واحس گلبي صوتة وصل الراس الشارع ...سامر بكل لحضة وبكل وقت جنت احارب حتة ماحبك بس مع الأسف گلبي خاني وحبك
سامر-كوليهة گولي احبك
حور-موهسة عوفهة الوقتهة
سامر-هسة اني اسعد واحد بدنيا تدرين لو لا
حور-دنگت بخجل
سامر-يالله تصبحين ع خير
حور -اجمعين
سامر-وصلت للباب بس حور اني بكل وقت وبكل لحضة احبج وحبقة احبج الاخر يوم بعمري عفتهة ورحت واني طاير من الفرح
حور-كمت اكمز وفرحانة مووت احس روحي طايرة معقولة الحب هيج حلو هيج الواحد يحس من يحب ولك احبك اي احبك واموت عليك خليني احبة وشيصير خل يصير مادام هوة يحبني خلي نحارب سوة

نرجع الرسل-
رسل گاعدة من الصبح كلعادة ع صياح مرة ابوية صبيحة نايمة جان تذب علية مي وتكعدني
صبيحة -لج كومي لچ گوومي
رسل-هاي شنو عود صدك ذبيتي علية مي وكعدتيني وين احنة بجيش لو بل اسر بهلبرد شكلتلج روحج
صبيحة -لج گومي لقيطة
رسل-لج تعاي فهميني صار شكم يوم تذبين علية حجي لقيطة بت المستشفيات شنو الموضوع
صبيحة -بكيفي بيتي واني حرة بي اسوي اليعجبني واحجي الاريدة
رسل-لج لتخليني اتخبل شجااج متكليلي
صبيحة -خل اروح ابدل احسن وكومي نضفي قبل لترحين للشغل
رسل-ماشي هسة اكوم كمت انضف واسمعهة تصيحني
صبيحة -ولج رسيييلة ولج هيوو نعالة
رسل-ها
صبييحة -تعاي نضفي نعالي يالله ارد اروح للسوك
رسل-ليش يمة الخدامة الجابلجياها بابا واني مادري
صبيحة -لزمت شعرهة ونزلتهة جوة نضفي وانتي ساكتة
رسل-لج انتي هلايام كلش قاوي عودج شسالفتج صبيحة شقصتج ترة بيت ابوية هاذ مو مستأجرة عندج
صبيحة-ههههههههههههاي بيت منو منو والله ضحكتيني نزلي نضفي شحاطتي ارد اروح
رسل-وجان تجرني بكل قوتهة وركعتني بل كاع ...كمتلهة لزمتهة كتلتهة فات ابوية فاككنة
صبيحة -شفت كاضم شفت بتك شسوووت
بية
كاضم-ولج ادبسزز اليوم اموتج شلون تمدين ايدج عليهة
رسل-ترضة لعد انضف شحاطتهة تريد ليش لنذل هلذلة مو بيت ابوية
كاضم-شتريد تسوين والبيت سجلتة بسمهة
رسل-شنووو شنووو شلون تسجلة بسمهة
كاضم مثل ماسمعتي
رسل-مستحيل اليوم ترجعة بسمك شلون هيج تسوي لج حقيرة قشمرتي ابوية وخليتي يسجلة بسمج
كاضم -عفتهم وطبيت
رسل-تقربت مني وتحجي بهمس
صبيحة-والله ولا كتلة هوة منة ومن كيفة سجلة بس فكري ياحلوة ابوج ليش سوة هيج فكري
رسل-شنو قصدج مجاي افهم
صبيحة-اني اول وتالي طاردتكم طاردتكم اكول فكري بنفسج لان ابوج متعنولة شي
رسل-رحت دفرت الباب وفتت يااابة فهمتي شدتحجي هاي فهمني ليش متحبنة ليش تكرهة لييييش سجلتة بسمهة وهية هسة تكول اطردجن اطردجن فهمنننيييي لييش مو بناتك احنة مو من دمك ليييش هيج تسوي
كاضم-ايييي ايييي مو بناتي ماعرفجن ابتليت بيجن امجن بلتني بيجن اني سجلتة بسمهة لان حامل بولد منييي مني اني مو امجن جابتجن من المستشفيات وسمتجن بناتي سجلت البيت بسمهة حتة متورثني بعدين فهمتيييي ليييش اني مفضل عليجن عايفجن هنا وانتن مفكرات اني اب موزين
رسل-حجية مثل الضربة اجة ع راسي ماستوعبت شنو الحجا بس دموعي تصب واسمعة يحجي
يتبع
رأيكم بل قصة حبايب 😘