شهد . أخذت الموبايل من ليث بعد ما تشكرت منه خابرت على أمي اول شي ماردت ظليت ادك ردت عليه طلعتلي نرجس
الوو ماما شلونج
نرجس . جنا بالمستشفى كاعدين دك موبايل ماما عبالي بابا ماردت بس ظل ايدك هواي كلت اكيد مو بابا لان بابا ايدك مرة وحدة
كمت طلعته من الجنطة شفت رقم غريب رديت سمعت صوت شهد بسرعة طلعت من المستشفى خفت لا تسمعني جنان الوووو
شهد وينج ولج متت من الخوف عليج
شهد . نرجس اني بخير راح اسولفلج كلشي صار وياي وسولفيلها لأمي واللة اني مالي دخل هو دخل عليه وسولفتلها كلشي
صار وياي واني هسة بخير والناس القاعدة عدهم زينين أمي شلونها هو عايش لو لا
نرجس . عايش قط بسبع أرواح وامي كاعدة وساكته متعرف شسوي و متكدر اتخابر اكيد راح ايعصب ويطيح حظنا شهد هسة
روحي بعدين اخابر عليج على هذا الرقم اوك يلا باي
شهد . ماشي باي
نرجس . سديت المكالمة درت وجهي اريد ارجع وجان اشوف جنان واكفة ورأي وعيونها صايرة بكصتها انتي شدسوين ورأي ومن
شوكت انتي واكفة ورأي وتصنتين
جنان . اختج المجرمة وين هااا وين كلتلج هسة اتكولين وين اختج العار
نرجس . اول شي اختي مو عار رجلج العار وثاني شي اني مامجبورة اكلج شنو حجينا اني وأختي وثالث شي مرة ثانية لان سنتين
وتتدخلين بأمور ماتعنيج اوك حبي وعفتها ورحت دخلت للمستشفى
جنان . اني اوريج شلون تحجين وضمين مكان اختج المجرمة
شهد . سديت المكالمة ورحت انطيت المكالمة لليث خابرت اختي وكلتلي عايش كلشي مابيه بس اني لازم باي طريقة أبين انو اني
مظلومة هو الي اتعدى عليه لان اذا ظليت شاردة وميعرفون مكاني امي وأختي حيرحون بالرجلين وهذا صديق بابا هسة ايدخلهم
للسجن
ليث . انتي ارتاحي ومن ارجع للبيت انفكرلنا بحل بس اسماء عائلتج انطينياها واسم صديق ابوج وعائلته شنو
شهد . بابا راغب وأمي رجاء وأختي نرجس وعائلته صديق بابا هو اسمه قاسم و مرته جنان وعنده ولدين اصغار واحد مصطفى و
واحد زيد
نرجس . رجعت لكيت أمي تبجي وكاعدة تتوسل بصديق بابا شكو يوم شصاير ليش تبجين
قاسم . خابرت ابوج وسولفتله كلشي وانو اختج شاردة و كال اني راح يجي لهنا ويشوف شغلة وياجن
نرجس . ماشايفة واحد حقير مثلك شوف لو تسحب شكوتك لو اخلي اختي أتقدم شكوى تحرش ضدك وعدها شهود والي هي
