اليتيمة🔞🔞🔞

1

مرحبا اسمي ليلى عمري 16 سنة أعيش بميتم وكل اللي اعرفة عن ماضي اهلي انو اهلي ماتوا وخالي مقبلو يستقبلوني فجابوني للميتم أما عمامي ما اعرف عنهم شي أبد وما ادري عايشين ميتين ما اعرف
طبعا عندي صديقة وحدة
واللي هية..نسرين
هاي صديقتي الوحيدة وبير اسراري
طبعا كادر الميتم جان لا اكلكم علية ملائكة من السماء ولا شيطان رجيم
لا جانوا يعني بس يقومون
بالواجب وبس فقط وحدة جانت
صدك حبابة ويانة واللي هية العاملة أم محمد
هاي المرة صدك جانت مثل الأم النة كلشي هية علمتنة عن الأدب والاحترام وكلشي حتة عن شغلة البلوغ والشهرية هية الحجتلنة
طبعا مواصفاتي
هية طويلة وبيضة عيوني صفر وشعري عسلي
فبيوم جنت راجعة من المدرسة اني ونسرين هية طبت وإني وراهة بمسافة محسنة غير صوت اخترق اذانة وانشمرنة كم متر وبعدهة فقدت محسيت
غير علة روحي بالمستشفى يم راسي أم محمد واكفة
ليلى....خالة شصار وليش دتبجين
أم محمد.....يمة أولاد الحرام ذابين قنبلة بالميتم والجهال والبنات كلهن راحوا ااااخ يمة اخ

ليلى....خالة زين وين نسرين....سألت وإني كلبي مقبوض
أم محمد بنحيب.....يمة راحت نسرين راحت بنيتي أوف يارب الله يشيل كلمن الة يد بهاي السالفة...مع بجي ونوح
ليلى....هية حجت لو حسيت كلبي انعصر حسيت راح سندي راحت اختي انتكست بشكل بقيت بالمستشفى لثاني يوم طبعا راسي ملفوف بشاش وايدي كلهة جروح ومجلغة لحد ما اجة رجال ماكو بوجهة نور محمد صاح علة اسمي وكلي تعالي وياية عاينت علة أم محمد كلتلي هذة خالج يمة
اوووف
انطتني جنطتي بيهة كم قطعة ملابس وخلت بالجنطة ورقة كلتلي كلش  افتحيهة تلكين ورقة بيهة قصة حياتج كلهة وحياة اهلج من توصلين اقريهة يمة انة ردت اكلج علة كلشي بس الأوضاع متسامحني وامج حلفتني ودير بالج علة روحج يايمة لتخلين أحد يأثر بيج وبتربيتج يمة
وحضنتني وراحت يم البقية وهية تبجي بحرقة
رحت يم هذة الرجال اللي هوة خالي حسب محجو سلمت عليي هوة رد السلام من ورة خشمة ومشينة وكف تكسي وركبنة مشى بينة التكسي وصلنة لمنطقة زينة مو كلش كلش راقية بس زينة
وكف كدام بيت ونزلنة راح أبو التكسي وإني واكفة ورة هذة الرجال مثل الذليلة مابيدي شي هسة تكلون شلون رحتي وشلون سويت بس والله اني مجبورة ماعندي كل أحد بهاي الدنية نسرين وام محمد وراحن الميتم وراح وين اروح وشلون أم محمد راح تروح لأهلهة بمحافظة جنوبية واتوقع البصرة وكل الاعرفة انو الي خال بهاي الدنية
وكفت وانظر هذة الرجال علية
الخال....اسمعيني راح نطب للبيت ما أريد اسمع حسج شنو اسمعين متردين وشنو يكلولي بدون أي حرف تكومين اسوين اليردوا افتهمتي
ليلى....هزيت راسي بالموافقة وإني خايفة
طبينة للبيت طبعا اللي استقبلنة هوة ولد يمكن عمرة 18 سنة سمين متروس وحتة عندة كرش😝
طبيت واشوف مرة يطلع عمرهة بدايت الأربعين كاعدة لابسة دشداشة حمرة وعيونهة مليانة كحل ويمهة بناتهة همين مليانات مكياج ولابس ات كلة ضيك وحدة يمكن عمرهة20 واللخ بال17 سنة هيج شي هنة عاينني وعيونهن كامن تتفحصني من فوك ليجوة
الخال.....ها حبيبتي هاي بت اختي الله يرحمهة فجروا الميتم مالتهم ومتعددة مكان تروح لو فجبتهة كلت تساعدكم وتخدمنة شوية منا لمن نلكالهة حل لو نزوجهة
مرت الخال بحقد وغل.....ايي بس كون مطول لسانهة ترة اكصة بيدي كلتلك ها
ليلى.....ضليت مصدومة يا ربي يعني بت اختة ويتيمة وستوني طالعة من مصيبة وجايبني اخدم وهاي تتجاوز كدامة وميردهة استغفر ربي وسلمت كامت وحدة اجت بتجاهي وكلتلي امشي دا اوديج للمكان اللي تبقين بي رحت وياهة طببتني لمكان جوة الدرج مخزن وبي كومة غراض وصبة اسمنت كاعيتة وكلة غراض وتراب
هند بت خالهة.....اسمعيني زين امي تكول انا تبقين وحالة حال الخدم كل يوم تكعدون قبل الكل وتكومين تخدمين وتنضفين وتركبين أكل افتهمتي...حجت بنتر
ليلى.....هزيت راسي وإني فاتحة حلكي علة اللي اسمعة يارب رحمتك يعني هم يتيمة وهم مالي أحد وهم ذولة ديذلوني علمود لكمة أكل ومكان انام بي وإني حتة جروح جسمي مطابت لسة راسي ملفوف وايدي مجرحة ااااه الك الله ياليتيم
طبيت علما ذبيت عباتي صاحت مرت خالي
....وينج ولج تعاي بسرعة لمي هاي الزبالة
ليلى.....أي جاية....بصوت مهضوم
كمت طلعت من المخزن ورحتلهة لكيت البصل مطشر بالكاع بالمطبخ والكشور مالتة مالية المكان
مرت الخال.....يلة ابدي نضفي المكان اريدة يلمع
ليلى.....استغفر ربي للمرة الألف ونزلت نضفت الهوسة ولمحت البصل والكشور وكنت المطبخ شوية وانوب صاحني ابنهم يمكن اسمة صادق
رحتلة وكفت كدامة وهوة حجة
صادق.....تعاي ياحلوة اكويلي ملابسي ونضفي الغرفة
ليلى.....اعاين علية نايم كدامي بالملابس الداخلية والغرفة مليانة ريحة جكاير وهوسة مو طبيعية الكتب بكتر والملابس الوسخة والنضيفة خبط والجواريب مطشرة والحذاء وقط اقلام وأشكال ألوان رحت نضفت الغرفة وإني أحس جسمي يوجعني
وانوب اعاين علة هذة عيونة علية ويعاين بنضرات قذرة وكلسا جاي من يمي بحجة يريد يطلع شي  وينطخ بية عمدا
اوووف يا إلاهي شراح يصبرني وإني من أول يوم هيج
كملت التنظيف وكمشت ملابسة دا اكويهن كويتلهيا هوة حجة
صادق.....اسمج ليلى مو
ليلى....أي
صادق.....اممم خوش اريدج ادلليني
ليلى....شنو قصدك....حجيت وإني اخزرة
صادق....هااا لا يعني أقصد تنظفين الغرفة تكوين الملابس هيج شي
ليلى....درت وجهي وإني أكمل شغلي كملت وطلعت طبيت للمخزن نظفتة ووخر الغراض كترتهن ولكيت فراش محطوط علة صفحة فرشتة وإني ردت اكعد صاحتلي مرت خالي اجي اسوي عشة كمت رحت وياهم ساعدت بالعشة كعدوا ديتعشون ردت اكعد رأسا صاحت مرة خالي
مرت الخال....حبيبي أحمد هاي ما أريدهة تكعد هية خدامة خل تكعد بالمطبخ تأكل وشي اكيد هية متربية بالميتم وجهال الميتم كلهم مو خوش فما أريدهة تختلط بجهالي وتفسد تربيتهم
أحمد....أي صحيح روحي ليلى اكلي بالمطبخ
ليلى....اعاينهم وهمة يحجون ويعاينولي كأنما حيوان كدامهم حيييييل استهضمت حيل اتمنيت الي أهل يدافعون عني بس ماكو أخذت ماعوني ورحت للمطبخ اكلتلي لكمة وعيوني اصب شلالات مو دموع طبعا مجبورة أكل لأن من الصبح علة لحم بطني متت جوع كملت وجابو الماعين غسلتهن ورحت للمخزن ارد اكعد شوية اني حطيت روحي بالكاع صاحت هند بتهة الجبيرة رحتلهة جان تكول
..... تعاي صبغيلي اضافيري شوية ويجي خطيبي
ليلى....بس اني تعبت شغل البيت هواي انتي سوي اضافيرج
..بعدني مكملت كلامي حسيت شعري انجر من ورة
عاينت هاي مرت خالي
مرت الخال.....تنجبين وتسكتين وتسوين اللي يكللج علية افتهمتي بالخدامة. ..بصياح
ليلى....أي افتهمت.....بهاي اللحضة اتمنيت لو ميتة ولا هل المذلة ضربتني راشدي وراحت حسيت بأهانة مو طبيعية اباوع بناتهة كاعدات ويضحكن وإني واكفة كدامهن مبهذلة من الشغل وشعري منكوش من الجر حسيتة اتشلع 
كعدت سويتلهة اضافيرهة وإني اكول بكلبي مظلوم ولا ظالم
كدام رب العالمين هوة فوك الكل ويدري باللي ديصير  
طلعت رحت للمخزن اني طبيت اجت مرت خالي ودكت بسمارين علكت بيهم بردة للشباك اللي يطل علة الصالة وراحت وكفت يم الباب وحجت وهية خازرتني
مرت الخال....اسمعيني ولج باب المخزن بعد مطلعيهة
ليلى....طلعت وسدت الباب وقفلتهة من برة كعدت وإني ابجي علة حظي اللي وكعني بيد ناس ميعرفون حك الله وميعرفون حك اليتيم اذكرت نسرين وام محمد اللي جانت تكول ورة كل شدة فرج ي
يارب تفرج علية من هسة معاديني معما ما مسوية شي الهم
هناك سمعت صوت خطيبهة اجة طببتة يمكن للاستقبال وسدت الباب كعدت علة فراشي واذكرت الورقة الحجتلي عنهة أم محمد طلعتهة من الجنطة فتحتهة وقريتهة وهنا كانت الصدمة.......

يتبع

مرحبا بنات هاي اول بارت من قصة اليتيمة طبعا هاي القصة قصيرة مو كلش طويلة بس مجرد كم بارت بس حلوة ومشوقة وها طبعا هاي من خيالي متمت لأي صلة بالواقع يعني من عندي وباديتهة مؤلمة بس بعدين حلوة
بنات ستوني رجعت هاي صارلي اول يوم بالوات ورأسا فكرت بيكم وكتبت حتة منطيت الروحي مجال فما أريد تخيبون ضني تفاعلوا وصوتوا وأريد تفجرون التعليقات تمام حبايب وارجع أكرر
موعد التنزيل حسب فراغ فتوقعوا انو يوم ما أنزل يوم أنزل بارتين حسب يعني
اعذروني علة الأخطاء الإملائية
وكلولي اذا تردوهة جريئة💏 😉
لو لا بنات رجائا مرتين هاي حجيت فأنتو كولوا

احبببببببببببكممممممم هواي