اليتيمة🔞🔞🔞

2

ليلى....قريتهة لهاي الورقة وانصدمت جان مكتوب بيهة انو اهلي ماتوا بحادث سيارة وقصتهم هية انو ابوية ولد من البصرة اجة لبغداد بشغل وية صديقة وشاف امي جانت معلمة وستوهة متخرجة شافهة وانعجب بيهة وضل علة هاي الحالة لمدة سنة يجي ويشوفهة وطول هاي السنة ضل مراقبهة طبعا ابوية اسمة عمار وأمي اسمهة سحر
بهاي السنة ابوية عشقهة لأمي وأمي انتبهتلة وأكثر من مرة يجي يحجي وياهة لحد ما اعترفلهة وطلعت هية هم تبادلة نفس المشاعر واتفق وياهة يجي يخطبهة بس أهلة لابوية جانو معارضين وبالأخص جدي جان كلش معارض وكايلة اذا تروح تاخذهة وتعوف بت عمك اتبرة منك و
حجاية من ابوية وحاجية من جدي
ابوية متعارك وية جدي
وطالع من البيت جاي البغداد رايح لجدي أبو امي وكايلة لو اعرف اسويهة هنا مجزرة سحر مصير لغيري وشنو تريد هية اني حاضر مستعد كلشي اسويلهة
طبعا بعد ما رايحلهم ابوية وأهل امي رافضين لأن وحدة
فجدي شارط عليي انو يجي يسكن هنا ابغداد يم أهل امي بعد ما شافة خوش زلمة ومصر عليهة
فأبوية قابل بكل شروطة وصدك جاي عايش ابغداد وجدي من وصلة الخبر كايللهم وصلولة خبر ليعتب البصرة اصلا وإني متبري منة
وازوجوا امي وابوية
وعاشوا هنا وسنة وإني اجيت للدنية بعدهة بفترة جدي أبو امي متمرض  وواصل مرحلة انو باقيلة أيام معدودة فأمي وابوية من جايين يشوفوا مسوين حادث علة جسر ابغداد ومحد طالع منهم بس اني وكان عمري 10 أشهر بقيت عد جدي كم يوم بعدهة جدي توفى من المرض والحزن بس قبلهة كايل لأم محمد لو ما استقبلوني خوالي توديني للميتم ومن اطلع من الميتم تكلي هذة الحجي يعني جان يعرف أم محمد وهوة موصيني عليهة وعمامي موجودين بالبصرة وخالي يعرفهم وجدي جان مقابل يودوني الهم لأن ميعرف اذا يستقبلوني أو لا
ليلى....هذة الجان مكتوب بالورقة وجان اكو ويا صور لأمي وابوية واكو صورة الي وياهم من جنت صغيرة شكد جنت اتمنة انو اشوف امي وابوية
وهسة هاي كل صورهم كدامي من يوم اللي انخطبو وازوجوا ولحد ما جابوني وإني بأحضانهم يا الله
شبكتها الصور وذبيت روحي بالفراش  وابجي بحرقة وإني اعاتبهم ليش ليش هيج ديصير وياية يا رب شلون بية شلون اذا من أول يوم ضرب واهاين شلون راح أعيش عمري وياهم
بيت لحد ما غفيت ومحسيت علة روحي الة وإني بالفراش والدنية الصبح يمكن جانت ساعة بالسبعة الصبح حسيت بالقفل انفتح وطبت مرت خالي وهية تذب سمهة
مرت الخال.....يلة كومي يل الخدمة كومي سوي ريوك بسرعة البنات وصادق يردون يطلعون للمدرسة يلة
ليلى.....أي هسة جاية
كمت رجعت الورقة والصور للجنطة وضميتهن رحت غسلت وجهي وسويتلهم ريوك اخذو وياهم لفات وصبيت ريوك لخالي ومرتة وإني تريكت بالمطبخ بعدهة اجت مرة خالي وياية للمطبخ وطلعت بتيتة وخضروات ولحم وسوت شوية وإني كملت الباقي وهية حضرتهة بس تتأمر وكلشي معاجبهة انوب كمت نظفتة البيت ومن طبيت للاستقبال كلة هوسة من البارحة وحتة ملابس داخلية نسائية هم لكيت والصواني والأكل كلة علة حطيتة من البارحة
نضفتهة وكملت ومشة اليوم هيج
كلة شغل وتأمر علية وإني حالي حال الخدم
ما اكدر اكول كلمة لا شنو يحجون لازم اني اكول صار
وخالي ما الة أي علاقة ولا يكوللهن بت اختي ويتيمة ارحمنهة

تسريع للاحداث......

ليلى مرت تلث أشهر شفت الويل بيهن ضرب انضرب إهانة انهان علة أقل شي اذا كلت حرام عليكم اللي دسوو انوب جلدي ينشال يتعاونون علية ويملخوني
وانوب هذة صادق بأي فرصة تصحلة يتحرش بية لو يلزمني من أماكن بجسمي وإني بس احجي اطلعن مرت خالي جاية دا اغري واخلي هوة يتحرش بية يعني بأختصار اطلعن مو زينة إضافة إلى الضرب ورة كل مرة اشتكي بيهة من صادق 
ومرت الأيام والأشهر وإني حتة انشليت ضعفت فد مرة هلكد ما شغل وأكل قليل
والمدرسة انحرمت منهة والليل اكضي بالنواح والبجي ومكابلة الصور وكاعدة لحد ما مرت ستة أشهر ويوم جنت نايمة بالليل وحلمت بأهلي وإني نايمة بحضن امي كمت بسرعة شبكتهة وشميتهة وشبكت ابوية وشميتهة وإني اشتكي الهم من خالي ومرتة وجهالة واكلهم لتعوفوني فكلتلهة امي هذة آخر يوم الج هنا بس ديري بالج علة روحج ودائما اذكري الإمام علي عليه السلام هوة يكفلج من بعدنة وابوية هم كال اذكري بابة ولتنسي والفرج قريب يروح ابوج بعدهة بدو يتلاشة شوية شوية لحد ما كعدت وإني عركانة والهث مدري شبية بس أحس ريحة امي بية كأنما كعدت ابجي اصلا ابجي صار صديقي بهاي الست أشهر كلامهم يرن بأذني صدك هذة آخر يوم الي
صليت الفجر وإني ادعي الله يتحقق اللي كالو أهلي
وبعدهة دخلنة بهذة اليوم
واللي صار بهل اليوم مستحيل انسا.....يتبع

حبايب هذة بارت قصير قبل ما انام ومن بأجر تبدي حياة بطلتنة تتغير وتتعرفون علة بطلهة يمكن وها بأجر عندي فد مفاجأة الكم بقصة فصلية الصكر العاشق نستذكر بيهة أيام صكر وفرح😉 واعذروني علة الأخطاء الإملائية
وتفاعلو حبايب كلبي لتنسون وراووني تعليقاتكم الحلوة

احببببببكم💋💋💋💋