اليتيمة🔞🔞🔞

9🔞🔞🔞

اسد....كاعد اني يم حبيبتي وروحي وطفلتي بالغرفة
ومنتظرهة شوكت تكعد علة أحر من الجمر
كاعد وصافن عليهة راسهة ملفوف بشاش
ووجهة صاير عبارة عن صفار وشاحب كأنما جثة
ضليت صافن بيهة لحد ما حسيت اديهة تحركت اصابعهة وجفهة انهز وصار يتحرك شوية شوية اني من الفرحة حتة الكلام ضاع مني
ركضت صحت الدكتور
اجة يركض دخل شافهة وابتسم صحيح اني لازم اسكت إما اسوي شي من الدكتور يجي يشوفهة بدون حجاب لأن غصب وواجب شسوي بس لمن صار يبتسم ويكعدهة
يكللهة ياحلوة اني هنا بركان تفجر داخلي تمنيت اكمشة
هسة امردة مرد اللبن معما هوة جبير عمرة بالخمسينات
بس مو بيدي
المهم بقيت ساكت ومتحمل علة اعصابي
صار يحرك اديهة وهية بس تون
وتهذي بكلمة اسد وينة خو مبي شي وين اسد
حسيت بوقتهة كلبي انمرد
علة شعور بالفرحة
بعد ما هية تأذت بسببي بعدهة اصيح وين اسد وهو ممتأذي
التفتلي الدكتور وهوة يبتسم وحجة

الدكتور.....لعد شكد تحبك يا شيخ اسد
الحمد لله وضعيتهه زينه مستقرة
واعضائهة واعصابهة صح ممضررة
بس أهم شي الراحة النفسية
دير بالكم تعصب وتضوج أو تدخل بصدمة لأن راح يأذيهة بشكل كبير وممكن نفقدهة
فلذلك أهم شي بحالتهة الراحة النفسية والأكل ونظام العلاج وإنشاء الله مشوف كل شر

اسد....مشكور دكتور مقصرت

الدكتور...ولو واجبي هذة

اسد....من بعد ما طلع الدكتور اللي جنت مصغي لكل حرف كالة 
وحفضته بالحرف الواحد
عاينت علة طفلتي كعدت يمهة وهية توهة تفتح عيونهة
اسد.....ها طفلتي حبيبي يروح اسد

ليلى بتعب.....أسد

اسد....روحة وعمرة أمري يروحي

ليلى....ماي عطشانة

اسد....أي صار طفلتي
شربتهة الماي بحذر ورجعت تون

ليلى....أسد راسي احسة ثكيل وراح ينفجر من الألم

اسد....شايفين الواحد من تنعصر روحة اني هسة ضعف هذة الشعور قاطات
عاينت عليهة وإني اتقرب منهة واحجي
اسد....يروحي من آثر العملية يكلبي هسة اروح خل اصيح الدكتور واجي ينطيج علاج مهدئ

.....طلعت من يمهة وحسيت مو دمعة لا جمرة وكعت من عيني علة روحي  مسحتهة بسرعة ومشيت لجدي وإني ابشرهم
واعاين بعيونهم فرحة متنوصف
راح جدي وابوية وأمي وجدة
يمهة يشوفوهة
وإني رحت للدكتور انطاني مهدئ حسب حالتهة
اجت وياية الممرضة خلتة بالمغذي وراحت
اعاين كلهم مجمعين داير مدايرهة وهذة اللي يبوسهة وهذة اللي يتحمدلهة بالسلامة
اخير شي جدي طلع تقريبا 250
انطاهة الية كلي هذني انطيهم لأي فقير دفع بلة عن راسهة
شوية بقو وبعدهة طلعو وحجيتلهم
علة اللي كالة الدكتور وشنو لازم يصير
وجدي رأسا حجة
.....والله بعد هذة اللي صار واكو أحد يضوجهة غير أفرغ سلاح براسة
ونبه كل الموجودين بهذة الكلام