عشقي وادماني 🔞(مكتمله)

19

مرت عليه بــ حلم سمره
وخصرهـاْ يوازي
گــالت مــراحـب واختفت
وأشــتعـل جــَد أعــزازي ♥️♥️!

عمر : من يوم لي وكعت بي عشق واني كرهت روحي حسيت اني السبب اني رفضت حبها بس اني خايف عليها الى ابعد حد محد يتصور شكد اني حريص عليها هاي عشق امانة ابويه وامي عاي عشق تربات ايدي تعبي بنيتي مستحيل اكدر ااذيها اني اعرف اذا وافقت راح تتاذه اني ردت اخليها تأجل قرارها ومن ياخذ ادم الهديه ويتركها ازوجها اله بس هيه كلش عصبيه ومتتحمل ومن وكعدت كبالي وشفت ادم شلون خايف عليها وشالها وطلع اني تخبلت اخذناها للمستشفى ولي قهرني اكثر انو هيه دخلت غيبوبه ومحد يعرف شكد وتكعد ضليت خايف عليها هواي بعدين ادم اخذ عهد على روحه ميطب البيت اذا مو عشق ويا وجدي عصب لان هو الشيخ منو يلزم الديون بغيابه بس شهم وجاسر و حسن مقصرو سدو مكانه واي شي يحتاجو يتصلون عليه مره كاعد اجت بالي كمرتي قررت اخذ رقمها واحجي وياها بس شلون ضليت محتار بعدين رحت على اسيل بت عمي سلمت عليه وكتلها خويه بلا زحمه ممكن طلب
اسيل : اتفضل ابن العم شمحتاج
عمر : احم اني بس ردت منج خدمه وماانساها الج طول العمر
اسيل : افا عليك يبن عمي مو هيج الحجي احنه اخوه اامر
عمر : ما يامر عليج ضالم خويه اني رايد رقم بت عمي قمر
اسيل : بصدمه شنو شتسوي صدك تحجي عيب شلون خاف متقبل لا لا مااكدر هاي صديقتي مااغدر بيها مستحيل
عمر : على كيفج بويه شسالفه اكلتيني بكشوري اني احبها ومتعرف الها بس صارت سالفة عشق جان اني خاطبها بس شسوي وهسه انطيني الرقم وخلي اروح اسمع صوتها
اسيل : بخجل والله جنك واكع يبن العم هاك الرقم
عمر : مو بس واكع وكعت وكعه على راسي كبل هههه جيبي وخليني ساكت احسن اخدت الرقم سجلته كمرتي ❤️ فتت على اتس اب شفت مخليه صورة ايدها طلعت من الواتس اب و تصلت عليها مره مرتين تلاثه واربع لحد مصارت ٢٠ مكالمه وهيه مترد دزيت الها رساله وكتبتلها ردي بساع لا احرك اهلج فهمتي دكيت شوي واسمعت صوتها
المكالمه : 📱
قمر : انته منو و شلون تتجرء و تتصل عليه ماعدك خوات متستحي تتحرش بعرض العالم لا عبالك مرديت خوف منك لا اني ماريد اخذل ثقت امي وابوي واهلي نطوني موبايل لان يعرفون بتهم مرتح تغلط وهسه خضرتك تسد الخط وتمسح الرقم لا وحق لا الله الى الله اكل الاخواني وانته عرف شيصير
عمر : تحجي واني مصدم شنو هل السان لو مدرعه اكلتني اكل حجيت بنبره عصبيه ولج انتي شلون هيج تحجين ويتي تعرفين اني منو ولج لا انتي ولا غيرج محد يتجرء و يعلي صوته عليه فهمتي لو لا
قمر : انصدمة من عرفت صوته حجيت بخوف وكتله عمر هاي انته منين جبت رقمي
عمر : اي اي عمر و رقمج مو شي صعب حتى مااكدر اجيبه واني جنت مشتاق الج وكلت اسمع صوتج حجي ويا حبيبتي شوي خلي ارتاح
قمر : منو حبيبتك بابا انته شبيك اني مستحيل اقبل بيك لا تفكر اني اوافق عليك اله اذا جبروني وبذاك الوكت راح اموت روحي فهمتو لو لا انته لو متزوج جان هسه بنتك بكدي
عمر : هيه تحجي واني شعوطت حسيت نار وجت بين ضلوعي يا كاع نشكي و بلعيني اني وحده هيج تحجي وياي ومنو بت عمي اني يبت عمي كتلها واني صاك راح سنوني سمعي زين اني راح اعبرها الج بمزاجي بس الحجي لي حجيتي ميلبس عليه عكال بس حسكتلج واكول طفله متفهم وسمعتي انتي الي ولو حتى انهي عليج هم تضلين الي متصيرين الغيري لا عبالج بهذا حجيج راح اتركج لا بالعكس يامهرتي العنيده اموت بالعناد واسمعي هاي وخليها بالج ( متعلم على عنادج يوصل للسما وأخرتج بامري ) وهسه اروح ارتاح يبت عمي من رخصتج سديته قبل لا تحجي شي واني من العصبيه ميت اريد اكسر الغرفه والبيها جنت ناوي ننقل البيتنه وره ما يستلم ادم المشيخه بس لي صار خلانا نبقه بيت جدي منا لما تصحه عشق يله نروح للبيت
قمر : من يوم لي شفته بالعزيمه وانه كرهته شنو يدخل بيه هو شنو ولي امري وماادري واليوم كاعده ودك علي رقم ضل يدك مجاوب اخر شي شفت الرساله وراها تصل وانه شوي يله رديت شفته شلون عصب من حجي بس مهتميت اله ولي يسوي خلي يسوي اني مااريده لو يموت مااقبل بي حجينا وبعدين سد الخط بس كلامه بي تهديد ماادري لي احب انرفزه واضوجه هه سهله استاذ عمر عبالك انه من ذوله لي جنت تضحك عليهم والله يا الله خليت فوني ع الشحن ونزلت الامي افزعلها بالشغل روتين عادي يبوم كاعد وتدك فوني واني جنت مسجلته الغثيث 😖 وهيج مخليه رفعت الخط وجان يكول ...............................................................

ادم : قريت قران وضليت احجي ويه عشق الى ان نمت بعدين حسيت حركة فتحت عيوني وشفت عشق بست ايدها وكتلها عشق حبيبي الحمدالله ع السلامه شلوو صرتي خلي اصيح الدكتوره بس لي جنني وخلاني افقد عقلي كلام عشق

عشق : جنت نايمه واحس بثكل عليه كعدت فتحت عيوني شفت شلب حلو ومرتب بس شكله تعبان وخليته طولانه ممرتبه حجيت واني خايفه منه انته منو وشجابك هنا واني وين اخواني وين صرت اصرخ بدون شعور حاوي يتقرب مني بس اني جنت خايفه طلع يركض اجت الدكتوره تفصح وتسألني وتحجي وياي وكلتي انتي شتحسين ومن الفحوصات الورتينه سالت على خواني كالت هسه يجون طلعت بره وضليت وحدي افكر زين اني مااعرف هل الشاب لي كلبي تتخربط دكاته كباله شنو لي ديصير معقوله لان اني مريضه فزيت من صفنتي على فتحت الباب شفت عمر و ازاد و كيام اجو يركضون عليه حضنوني و بوسوني وكعدو يمي حجيت وياهم واني كوه تطلع الكلمه مني كتلهم اني وين وشصاو وياي وصارلي شكد هنا وهذا منو لي جان يمي باوعو عليه بصدمه شنو عشق معرفتي لي جان يمج عشق لا معرفته انتو تعرفو زين احنه وين شعجب الدكتوره تحجي عربي مو المفروض بالسويد ميعرفون عربي كلش لا والنوب تحجي مثلنا يعني عبالك عراقيه
عمر : لحضه لحضه يعني انتي مدا تتذكرين
ازاد : شبيج حبيبتي شنو معرفتي الشيخ ادم
كيان : حجه بعصبيه على يكفكم خلي افهم منها عشوقه حبيبي كوليلي اليوم شكد بالشهر واحنه يا سنه
عشق : باوعت على كيان وكالت شبيك كوكي شنو ناسي انه ٢٠١٨ شهر ٣ صح مو
كيان والبقيه باوعو بصدمه : يعني عشق صاير عدها فقدان ذاكره جزئي يعني نست اخر احداث مره عليها بهل السنه
عمر : كيان انته شدا تخربط من كل عقلك امشي ولي صيح الدكتوره لا اهجم المستشفى على روهم شنو فقدان ذاكره وشنو محد يكللنه امشي بساع
ازاد : اهده عمر مو هيج تتصرف لا يصعد ضغطك اهده هسه تجي الكتوره وتفهمنا

ادم : فتت وشفت الجوه مكلبه واجت الدكتوره والمل نصدم من لي كالته
الدكتوره : اسفه بس المريضه .........................

شلونكم حبايب هذا بارت لعيونكم احبكم اذا قصير بس بنتي مريضه والله لو عدي مجال جان يوميه انزل
سروش

- يگلها؛
نيتيَ وياج كَعدت ناسَ
شيابُ وهلهوله ودَبچ معُدان ♥️.