عشقي وادماني 🔞(مكتمله)

31

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه

شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه

أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه

مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه

حبيبي من حلاها مره شفتك
وبعد عطشان يا سمر من رشفتك
لون فد يوم تصدف مره شفتك
جدك ما يخلصك من اديه

عليل شكثر گلبي بس تشافه
على الجسمه يلالي بس تشافه
بحلم غافلت ولفي وبست أشافه
أنتبهت الروحي أمص بچفوف أديه

أصد لبعيد أعاين شفته لاله
على الفانوس وجهه وشفته لاله
أهيس وسط شفتي شفته .... لا لا
ورد جوري أضن موشفه هيه

تهشم راس گلبي بيه هشم بيك
أخباري ماتسرك بيها شنبيك
ثغر شفتك حبيبي بيها أشم بيك
ريحة خوخ فاتح للشهيه

شفافك هذن يمدلل يلا تين
شكر طعّمهن الباري يلاتين
لاعد عرب موجوده يلا تين
گالوا عد حواري العين هيه

بحر نار آنه وانته يم شفاهي
وأنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه

عشق : بعد ملحت نور اضطريت اقبل اطلع وياها جنه نمشي واجه واحد حجه وياها واني مرفعت راسي لان تفكيري كله بادم حموت اتمنه ارجع واشوفه بس ماكو رجعه بعد خلص هو راح يتزوج اني لازم ابعد الى متى اضل اعذب بروحي ضل يجي بعدين حسيت الدنيا تفتر حجو وياي بس مرديت عليهم ولا اريد ارد كمشت راسي اريد افهم شيحجون اريد احجي ويه نور بس دخت وكعت وماادري بلي صار بعدين

نور : نحجي اني وعلي ونسيت عشق ضليت احجي ويا ومنطلقه اني ويا اصدقاء ومثل الاخوه فجئه شفت عشق كمشت راسها حجينا وياها اني وعلي عشق عشق مجانت ترد شوي وهاي وكعت بس قبل لاتصير بالكاع كمشها علي شالها وكال يله امشي وياي سيارتي قريبه خلي ناخذها للمستشفى صعدنا اني وعشق لي وره وهو ساق بسرعه وصلنا للمستشفى اخذها علي وفات وره شوي طلع بس طلع مبين عليه ضايج ومعصب رحتله اركض علي علي فدوه كلي شبيها شصار وياها

علي : مابيها شي بس اعتقد جان عدها انهيار عصبي وهذا الشي مأثر عليها تعالي اكلج هسه هيه بدت تصحه وتصيح بأسم ادم هذا وليش دا تهذي بسمه

نور : نزلت راسي وكتله هذا حبيبها وهو شيخ عشيره وبيوم لي استلم المشيخه احد الشيوخ هدا بنته وحجيتله كلشي شفته عصب