عشقي وادماني 🔞(مكتمله)

34

امد طولي اعلى ظلك وأرد اشبگنك
حلاة البيك تاخذني الطواري شوگ
بعيون الگمر وانت الگمر چنك
أخذني وياك مو منك
أخاف الغيم يندلني
ويسولف للعطش عنك
اخذني عيون الحديثات
غضن شوفهن وبروحي شافنك
الشرايع سولفني وكشخن بشرعي
وشمع كل ليلة من ينجاس
يلتاف بستر شمعي
بچيت وفوگ خدي الگاع
لگيت جفوفك السمرة
يلمن عافية دمعي
شكثر بيك العشگ
ومرايتك تربي العشگنا فياي
شيلم روحي من اشوفك ما اطيح وياي
الضمأ شمكبر غلاته يصير
لو ما اشوفك انت الماي
أخذ عمري
وإلك بية سواجي هواي
أخذ عمري وي كل ميلاد
حتى أكبر وروح وياك
واسد بيبان كل غبشة
نساء الليل إذا عابيتني بملگاك

‏آدم : ‏ ‏ ‏جنت العب بموبايلي وشفت فيدو فكيت عيوني على وسعهن معقوله هاي عشق معقوله شصايره وشداتسوي ومنو لي وياها كل الاسئله تجمعت براسي احس بعد مااكدر اسيطر اريد اصرخ اريد اطلع النار البيه صحت عمر وينكم ازاد كيان ولكم تعالو شوفو لي دا اشوفه راح اتخبل لو تخبلت وماادري بحالي اجو عمر وكيان وازاد يركضون على صراخي شمرت الفون على عمر وكتله شووف لي احنه محروكين علمودها شوفها عايشه حياتها وممهتمه بوجودنا شوف منو هذا لي وياها الضاهر نست نفسها نست هيه ملك منو ولكم ردووووو عليه شبيكم انجنيتو جاوبوني

عمر : هدي يخوي هدي هسه نحجز التركيا ونروح ونعرف كلشي لاتعصب اني ادري بعشق تربات ايدي اعرفها متغلط ولا تسوي شي ينزل راسي هيه بعدت عني من وراك ومن وره حبك لي دمرها كافي يا ادم كافي الى متى تضل هيج اناني فكر بيها فكر شلون كلبها مجروح

ادم : اي اي ادم اناني ادم حقير ادم ميفكر بأحد زين ليشششش من راحت محسيت شاب راح يموت وراها ليش بس انه الغلطان دوم ها مفكرت بجدي لي مات وهو يلفظ اسمها هاي مو انانيه لو بس انه اغلط واختك محشومه من الغلط احجي جاووووووب

ازاد : ادم مو هيج الحجي احنه كلنه نروح ونشوف شنو لي صار وخلاها تترك السويد اكيد الها عذر مو معقوله تعوفنا بدون سبب عشق روحها بينا

ادم : نروح ليش لا نروح وانه اول واحد اروح اريد اطفي نار كلبي ولكم صار 6 سنوات ادور عليها وماكو اخذت كلبي وراحت

كيان : شيخ على كيفك ميكون خاطرك اله طيب وداعتك راح ترجع مثل قبل واحسن ولكم لاتنسون هاي دكتوره عشق حققت حلمها وحلمنه كلنه هذا حلم ابوي وامي من رادو عشق تصير دكتوره مشهوره والكل يعرفها ويحسب الها الف حساب

ادم : ماشي انه وياكم وهسه تحجزون النه كلنه 5 تذاكر على اول طياره التركيا

عمر : بس احنه اوبعه المن الخامسه

ادم : الصديجي سعد داتنسون هو ما هدني من يوم الطلعت من المستشفى

عمر : تامر شيخ بس شغلك هنا والديوان شلون راح تعوفه