*فمازال قلمي يطلب مني إن اترك له العنوان *
*ومازال قلمي يود إن يبحر في تأليف القصص والخيال *
*ومازال قلمي يطلب مني عدم التردد في نشر ما كتبته *
*واليوم أضع بين يديكم محاولة اخرى من قلمي *
&روايتي &
**من عرفتك بدء عمري ..زاد النبض في صدري ..سرقت بضحك...
في يوم جديد على ابطالنا جلست من النوم وراسها يألمها ناظرت المكان وشافت البنات للحين نايمين ابتسمت وقامت غسلت وجها ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت تحت وشافت الحريم يفطرون ابتسمت وراحت تاكل حنين :السلام عليكم الكل رد عليها الا ام صقر ناظرت حنين بحزن لها وجلست تاكل ام رعد :شخبارك بتي حنين سمعت انه اغمي عليك امس ابتسمت لطيبتها وقالت :انا بخير الحين حمد لله ام سلطان :حمد لله على سلامتك ام احمد :حمد لله على سلامتك حنين :الله يسلمكم ام صقر :الغلط كان عليها محد قال لها تروح بعيد عن البناات هذا جزاها واقل من جزاها حنين بخجل :اسفه خالتي بس انا ماعرف المزرعه زين ام صقر :اولا انا ماني خالتك ثانيا دامك ماتعرفيها انثبري مكانك احسن ولا صدقتي انك صرت من العيلة حنين انصدمت من كلامها خاصة قدامهم نزلت راسها بحزن خافت يشوفون دموعها الي صارت تنزل ام ماجد :اشوي اشوي عليها يا ام صقر هاذي ضيفتكم مهما صار ام صقر بقهر :انتي ما تشوفينها من جات والمصايب تجي لنا وراء بعض و السبب هي حنين ما ستحملت وقامت بسرعه راحت للحمامات صارت تبكي وتبكي ليييين تعبت بعدها ركبت للبنات تجلسهم عشان بيمشون جلسوا البنات حزينين انهم بروحو جلست حنين على جنب وسرحت بكلام ام صقر تقربت منها سديم وقالت :فيك شي ؟! حنين ابتسمت لها وقالت :لا سديم :انا اعرفك زين قولي لي شنو الي مضايقك خنقتها العبرة وقالت :ما فيني شي بس اشتقت لامي سديم حضنت حنين وقالت :لا تخافي حبيبتي الحين اخلي طلال وحنا رايحين يمر اول شي على المستشفى حنين بفرح :صدق ! هزت سديم راسها بابتسامه حضنتها حنين وهي تشكرها من اعماااق قلبها سديم :اوكي اوكي بسك شكر يلا بقوم اجهز ابتسمت لها حنين وناظرت في البنات مرام: يلا اشواق خلينا نروح نقول لها اشواق :خايفة مرام :بلا غباء اشواق اشواق :اوكي اوكي يلا راحوا لها ابتسمت حنين لما شافتهم مقبلين عليها مرام :اخبارك حنين اليوم ؟ حنين :تمام الحمد لله سكتوا ثنتيهم ناظرتهم حنين باستغراب وقالت :تبون تقولو شي اشواق :ايه حنين بابتسامه :شنو ؟ مرام:انا واشواق ....يعني ..من زماااان نحبـ ... اا... كملت حنين بابتسامه :تحبون صقر انصدموا وصاروا يناظرون بعض اشواق :انتي تدرين ومن متى ؟؟! حنين :من اول يوم شفتكم فيه قالت لي سديم مرام :اهاا حنين :وانا عارفة شنو بتقولو بس لا تخافوا انا ما افكر فيه ابدا اصلا تبون الصرااحة هزوا روسهم بأيه حنين :انا ما احبه ابدا صحيح هو انقذني وشافني بس للحين مو فاهمته مرام: ههههه اذا احنا سنين مو فاهميه انتي اكييد ما بتفهمينه حنين :ههههههه أي والله اشواق :يعني نطمن حنين ضحكت على تفكيرهم وقالت :تطمنو راحو مرام واشواق فرحانين مرررة ويحسو هم وانزاح عنهم ************************************************** ********* جلست وراسها يألمها شافت المكان الي هي فيه وتذكرت الي صار اسرار :بس منو الي جابني هنا في غرفتي دخل لها وهو ماسك كاس حليب وعطاها اياه وقال بدون نفس: اشربيه اسرار :في احد يقدم الحليب كذا وبعدين المفروض تشرح لي شنو صار ريان صار يذكر الي صار امس فتح الباب وتردد بالدخول في الاخير نزل يركض يطمن وصولها للشقة بس انصدم لما شاف اثنين ما سكينها ومسكرين على فمها بمنديل صرخ بأقوى شي عندة :اتركووووووووووووووووووووهاااااااااااااااااااااااا اااااااا وراح لهم يركض وصار يضربهم شافها وهي تفتح عينها وشافته وغمضت خاف اكثر وراح لها بعد ما خلص منهم حملها وهو يشوف الدموع تنزل من عينها ندم انه راح على طول للشقة وتركها اسرار :هـــــــــــي انت وين رحت ناظر فيها وبعدها قال :شنو تبين تعرفين اسرار بشك :انت الي انقذتني ؟؟! ريان :يعني تشوفي نفسك هنا يعنو منو !! ...وبعدين انتي مو شايفة الدم الي على شفاتي ! اسرار خاب ظنها وناظرت النافذة كانت مفكرة اسامه بس خاب ظنها لما عرفت انه ريان ريان استغرب من سرحانها وقال :هذا عشان تعرفي تروحي بروحك مرة ثانيه اسرار ناظرت فيه بغضب :انا قلت لك تجي معي بس انت الي ما جيت ريان :قلت لك انا مو واثق في فهد وقلت لك ترفضين دعوته والحين ترمين الوم علي اسرار عصبت اكثر :فهد ماله ذنب انا قلت له يروح عشان لا يعرف إنا حنا نعيش مع بعض ريان :شوفي يا اسرار انا اعرف فهد اكثر منك ومن البداية ماكنت مرتاح له والحين تطلعين بروحك معه !! اسرار :ريان احنا اتفقنا إنا محد يدخل بشؤون الاخر ريان :اهاا لو ما تدخلت امس الله العالم شنو كان بصير لك اسرار بتنفجر من العصبيه :ريان اطلع براء ريان :اصلا انا طالع بدون لا تقولي بس يكون في علمك هذي اخر مرة انقذك فيها خلي الي رحتي معه امس هو الي ينقذك اسرار انفجرت :قلــــــــتـ لــــــــك اطلــــــــــــــــــــــــــــــــــــــــــــع براااااااااااااااااااااااااااااااااااااااااااااااا ااااااااااء طلع ريان وصفع الباب بقهر وراح لغرفته وهو يقول :هذا جزاي الي صرت في البرد عشان اطمن انك بخير وفجأة صار يعطس ريان :افف شكلي مرضت والسبب هي واخر شي تعاملني كذا بعد اففف حتى كلمة شكر ما شكرتني عند اسرار الي صارت تبكي وتبكي :آآآآآه ياااا اسـ ـاااامه ليـ ـش مو انت ليـ ــ ـش مووووو انـتـ ....اهئ اهئ آآآآآآآآآآآآآآه والله تعبت من الفراق احتااااااجـــ ـك يا اسامه احتااااجك اهئ اهئ اهئ وظلت تبكي وتبكي لين نامت مرة ثانيه من التعب
صعب ننسا امنتك الله يابعد كل غاااالي..., أمنتك الله واحفظ حبنا زين..! بعدك ترا ماعاد شي بقالي...، ماعاد باقي لي سوى دمعة العين..! ما أنساك لو يمشون حولي عيالي...، ببقى أذكرك لو راحت سنين وسنين..!
* * * * * * * *
الكل جهز اغراضة وتوجهوا للسيارات سديم :يعني مو انت الي بتوصلنا طلال وهو يناظر في حنين :ودي اوصلكم بس .. وناظر بأيده سديم :اهاا اوكي وين مشعل ؟ طلال :مشعل تقدم وابوي بعد عشان يلحق على الشركة سديم :يعني ما عندنا الا صقر وينه الحين ؟ طلال :اكيد ركب سيارته روحي له بسرعه قبل لا يمشي راحت بسرعه سديم وقالت لصقر صقر :اوكي بس لا تتأخرون ابي اروح الشركة سديم بفرح :اووكي ركبوا السيارة ومشوا في السيارة كان الكل ساكت سديم ناظرت في النافذة بسرحان تذكرت كلام جراح لها ابتسمت بدون لا تحس بس راحت بسرعه الابتسامة لما شافت صقر يناظرها باستغراب سكتت وناظرت في حنين الي تنتظر وصولهم باشتياق لامها بعد اقل من نص ساعه وصلوا للمستشفى نزلت بسرعه حنين و وراها سديم عند العناية وقفت تناظر امها من نافذة الزجاج الصغيرة سديم بابتسامه :يلا حنين دخلي حنين ناظرت في سديم وابتسمت بس اختفت ابتسامتها لما شافت صقر يناظرها نزلت راسها بسرعه ودخلت لامها ************************************************** ********* عند جنى ولمى لمى :صحيح جنوي جنى وهي مشغولة بجوالها :هلا لمى :دريتي ان خالي ابو سلطان راح يسوي عزومة بمناسبة جيت سلطان وتخرجه جنى رفعت عينها عن جوالها وقالت :اهاا لا ما دريت بس متى ؟؟ لمى :بعد بكرة جنى :تصدقي إن مشاعل انخطبت وخطوبتها بتكون بعد بكرة بعد لمى :قصدك مشاعل صاحبتنا جنى :يب يب لمى: يعني انتي بتروحي الحفلة جنى :اكيييد وانتي لا يكون ما بتروحي ؟! لمى :اكيييد مابروح ولا نسيتي العزومة الي في بيت خالي ..وبعدين يمكن اشوف سلطان بالصدفة ليش انتي مابتروحي العزومه جنى بدون اهتمام :امم مدري يمكن اروح اشوي وبعدها اروح الحفلة لمى :اجل باركي لمشاعل عني ابتسمت جنى وهزت راسها ************************************************** ********* اذن اذان المغرب قامت توضأت وصلت وقرت لها قرآن تهدى فيها نفسها وبعدها جلست على السرير تفكر بسرحان من صارخت على ريان ما طلعت من الغرفة ولا هو دخل لها فجأة انطق الباب اسرار :منو ؟! ريان من وراء الباب :يعني منو موجود هنا غيري اسرار ضحكت بخفه على غبائها وراحت فتحت الباب وقالت :بغيت شي ريان :انتي شفتي الساعه كم الحين اسرار بملل :6 ونص شنو يعني ريان :وصاحباتك متى راح يحظروا حظرتك ؟! اسرار استوعبت وقالت :يووووو ما جهزت نفسي ولا شي ريان انصدم انها تفكر في نفسها بس فجأة رفعت راسها بسرعه وكأنها تذكرت شي :انت شنو تسوي هنا ؟؟!! ريان :زين انك لاحظتي اسرار :اوكي الحين شنو تسوي هنا بسرعه اطلع ريان : اوكي اغراضي لا تنسين تشيلينهم اسرار :اوكي اوكي ...ولما استوعبت :نعم نعم يعني انت ما شلت اغراضك ريان :انتي قلتي اطلع بسرعه اسرار :بس حنا اتفقنا إنا نشيل اغراضك مع بعض ريان :محد قالك ما تطلعي من الغرفة الا الحين اسرار بعصبيه :الحين مو وقت تحاسبني تعال نشيل الاغراض سووا وبعدها اطلع ريان ناظر الساعه وقال :بس مافي وقت الحين بـ ........ ترن ترن اسرار وريان ناظرو بعض بصدمه ريان :لا يكون هذا هم ! اسرار راحت تشوف من عين الباب بهدوء وفجأة شهقت ريان بهمس :منو ؟!!! اسرار بتوتر: امجاد ؟!! ريان : الاغراض وانا شنوو نسوي ؟!!!! اسرار بتوتر اكثر :خلنا الحين نشيل الاغراض بسرعه ريان : كله منك لو ما اصريتي اشيل معك الاغراض كان الحين .. اسرار قاطعته :مو وقت العراك الحين بسرعه خلنا نشيل اغراضك * * * ناظرت بأمها بحزن وصارت تقص لها قصة وحدتها وحزنها في هذي الدنيا الي قست عليها ولا رحمتها بدت تزيد ونينها ودموعها قالت بصوت كله حزن :يمـــه ليـش احس اني غريبه في هذي الدنياء ليش مو قادرة ارجع مثل قبل ليش فقدت حيويتي و روحي المرحة الي تحبونها ليش صرت احس اني وحدة بدون روح مو قاااادرة يااااا يمه مموووووو قادرة اكمل حيااااااااتي ......ابي ارجع مثل قبل بس ليش مو قادرة آآآآآآآآآآآآآآآآه يا يمه ودي ارووح من هذي الدنياء واستريح واكون بينكم انتو مو مع غيركم مسحت دموعها بس ما انتبهت للدموع الي نزلت من عين امها
* * * * * * * * * * * *
براء عند امجاد :يووو شفيها ما تفتح الباب ولا ترفع الجوال ورجعت تدق الجرس وترن على جوالها :امجاد من متى انتي هنا امجاد: هلا شهد توني من خمس دقايق شهد :ليش ما فتحت لك اسرار الباب ؟! امجاد :مدري ادق الجرس متفتحه شهد :اتصلتي لها امجاد :ايه بس مترفعه شهد :لا يكون فيها شي ؟! امجاد: لا ان شاء الله ما فيها شي شهد :يمكن طلعت تجيب اغراض تراء احنا جينا قبل الموعد بربع ساعة امجاد وهي لازالت تطق الباب :لا ما اتوقع اما في الداخل اسرار بتوتر :بسرررعه ريان بسرعه ريان وهو يشيل احذيته :انتي مو شايفتني اسرع اسرار :يااااربي الحين وين اخبيك ريان: خلاص انا راح اختبأ في الغرفة وانتي افتحي الباب و خليهم يشوفوا الشقة ولما تودينهم المطبخ انا بطلع على طول اسرار :اوكي خلاص انت الحين ادخل الغرفة بفتح لهم الباب دخل ريان وفتحت اسرار الباب امجاد: واخيرا ليش تأخرتي اسرار بتوتر :سوري بس كنت في الحمام شهد :اهم شي انك فتحتي لنا الحين امجاد راحت بتجلس بس انفزعت من اسرار الي قالت بصرخة :لاااااا لا تجلسي امجاد بخوف :شفيك اسرار ؟؟! اسرار بحرج وتوتر اكثر :سوري انفعلت بس ابي ارويكم الشقة اول بعدها نجلس امجاد :اوكي يلا عند ريان فتح اشوي الباب وناظر المكان لما حس انهم صاروا في المطبخ طلع بسرعه وراح فتح باب الشقة وسكره التفت امجاد لباب الشقة وهي تقول :كأني سمعت صوت الباب تسكر اسرار بتوتر :هاا ... لالا هذا اكييد الشقة الي بجنبنا شهد :صحيح امجاد اتصلتي على ريم تأكدي عليها امجاد :يب يب بس قالت ممكن تتأخر شهد :اهاا ********* لف السيارة بأسرع معندة ورجع للمستشفى وصل وبسرعه نزل وصار يركض في ممرات المستشفى دخل بسرعه الغرفة وطلع تنهيده طووووويلة بألم على صاحبه قرب منه كان مغمض عينه وكأنه يبي يرحل من هذي الدنياء نزلت دمعة حزن عليه مسحها بسرعه وطلع من الغرفة تسند على باب الغرفة ومسح باقي دموعه مشى بهدوء عكس الي داخله طق باب الغرفة ودخل رفع راسه الدكتور وابتسم لما شاف إنه الدكتور راكان هو الي عنده وقف له وسلم عليه راكان بخوف :طمني يا دكتور سامي دكتور سامي :لا تخاف الحمد لله الحادث ما كان بذيك القوة بس رضوض وبعض الجروح راكان تنهد باطمئنان :الحمد لله يااارب شكرا لك طمأنتني ابتسم له وقال :بس قولة ينتبه مرة ثانيه هذي المرة جات سليمه هز راسه بالإجاب وطلع من الغرفة وهو فكرة مو معاه (هذا كله بسببها يا ناصر لهدرجة تحبها ومو قادر تركز في شي آآآه يا خوي وصااحبي شنو بيدي اسووي لك ... سكت فترة وهو يذكر كلامه ناصر :ارجووووك راكان انت الوحيد الي حاس فيني واكيد راح تكون محل الثقة :حس فيني مو قادر انسااها احبها احبها يا راكان :فكر يا راكان عشاني فكر ولا تراء بموووووت غمض عينه بألم وراح لغرفة اعز صاحب واخو له ********** طلعت من العناية وهي تمسح باقي دموعها سديم بحزن :ارتحتي لما شفتيها حنين ابتسمت بألم: ايه سديم ردت لها الابتسامة وناظرت في اخوها صقر بمعنى مشينا ركبوا السيارة وكل واحد في عالم صقر ( متى القاكي ويطفأ نار الشوق متى متى ) سديم (ياااربي والله حيرتني يا جراح انت قلت لي انك تحبني بس ليش بتخطب ومنو هذي الي بتخطبها ) << شفتوا وحدة غبيه مثل هذي !! حنين آآآآآآه ياااحنين ماقدر اعبر لكم شعورها او بشنو تفكر لانها تفكر بكل شي حولها وبكل هم جاها وبكل حرمان قاسته وبكل قسوة شافتها *********** دخلت المستشفى وصارت توزع نظراتها على المستشفى مو قادرة تصدق انها خلاص راح تصير مساعدة الدكتور او نقدر نقول دكتورة في مرحلة التدريب توجهت لغرفة مدير المستشفى وقفت قدام الباب اخذت نفس وفتحته رفع راسه وابتسم وقال :انتي اكيييد الدكتورة دينا ابتسمت بخجل :ايه نعم بس لاسى ماصرت دكتورة رسميه المدير :بس خلاص يسموك دكتورة ابتسمت له بشكر وجلست على الكرسي المدير : انا سمعت انك شاطرة هل هذا الكلام صحيح ؟ دينا بخجل :انت احكم علي المدير :لا مو انا الي راح احكم عليك الدكتور المشرف عليك هو الي يحكم عليك وبكون معلمك دينا :أي دكتور المدير :دكتور رعد دينا :اهاا متى اقدر ابدي ؟ المدير :من اليوم بس ما اعتقد ان اليوم الدكتور بجي لانه اخذ له اجازة 3 اياام ان شاء الله بكرة بجي بس ابيك اليوم تاخذي المواعيد وهذي الاشياء وصحيح ابي اقول لك اتحملي الدكتور رعد ترا هو صحيح ما يعطي وجه في المستشفى بس لو تفتحي قلبه راح تشوفي الطيبة والرحمة فيه ابتسمت بتحدي :وانا مستعدة اواجه كل شي معه ابتسم على تحمسها وشجاعتها :اوكي تقدري الحين تتفضلي مكتب الدكتور رعد في الطابق الثاني سائلي الممرضات عنها وراح يعلموك ابي تكوني اليوم بديلة له ابتسمت و ودعته بروح مرحه تقدر تواجه كل شي بابتسامتها *********** فتح عينه بتعب يحس الدنيا للحين تدور فيه فز له راكان وقال بخوف :انت بخير ؟! ناصر بتعب :مـ ـ ـوو يـ ـه راكان صب له موية وصار يشربه رجع جلس على الكرسي وهو يقول :انت بخير الحين ناصر ابتسم على صديق عمرة وقال بتعب :انا بخير اذا كنت بتسأل عن جسدي بس ... اذا كنت بتسأل عن قلبي فهو المريض وهو الجريح نزل راسه بحزن ورفعه بسرعه وقال بتسرع :انا مووافق على اني اتزوجها ناصر بفرحه :صـــدق !! راكان وهو منزل راسه :ايه صدق اهم شي عندي هي صحتك يا خوي ناصر نزلت دمعة من عينه دمعة شكر دمعة صديق دمعة فرح وفي نفس الوقت دمعــة حـــــــــزن * * * * * *
في مكااان بعييييييييييد ومظلم طاحوا اثنين رجال من الضرب القاسي وصرخ صرخة هزت المكان :اثنـــــــــــــــــــــــــين من رجالــــــــــــــي ماااااااااااااااقدرو على مـــــرأة واحد من الرجال وهو مرعووب من صراخه :والله كنا بنقدر نمسكها بس في واااحد جاء في الحظة الاخيرة وضربنا واخذ البنت بغضب اكبر رفسه بأقوى ما عندة :ولا قدرتووووو على واحــــــــــد انتوووووووووو مكاااااااااااااااانكم بالزبالة اصلا ...وصرخ بصرخه عرفوو انها نهايتهم : محــــــــــــــــــــــــــــمد جاء بسرعه :نعم طال عمرك :بسررررررعه خلص عليـــهم ماااااابي اشوووووف ولا واحد منهم ولااااااااااا نفـــــــــس لاحد منهم سمعتـــــــــــ مشى وهو يسمع توسلاتهم له وانهم اخر مرة ويبوون فرصة ثانيه بس حقرهم ولما سمع طلق النار وقف ابتسم بخبث وكمل مشي وهو يسمع فقط الهدووووووء بعد الضجه الي صارت قبل ثواني بسيطة
* * * * * *
دخلت الغرفة بهدوء صارت تناظر في الغرفة كيف مرتبة ومنظمة ابتسمت بفرح وقررت تبذل كل ما عندها طقت الممرضة الباب ودخلت وقالت :دكتورة دينا في مريضة برا دينا :خليها تدخل راحت وجلست على الكرسي الخاص برعد ودخلت عليها المريضة دينا بفرح(ياااربي هذي اول مريضة اكشف عليها مو قادرة اصدق يووو شنو اقول انا ... انا فرحانه والبنت باين عليها تعبانه بس ما شاء الله عليها جميلة حتى المرض مو قادر ياخذ جمالها ) دينا :احم احم شنو اسمك المريضة : أسيـل نهاية البارت رعد دينا اسيل شنو قصتهم بتكون في الرواية ؟؟ صقر :هل حن على حنين ولا للحين قلبه صخر ؟؟ راكان شنو مصير قراره ؟؟ ام حنين هل راح تفيق من الغيبوبة ولا هذي بس علامة على انها تسمع كل الي حولها ؟؟ اسرار هل بتقدر تنسى اساامه ولا بكون بقلبها دائما ولا تقدر تبدله بشخص ثاني ؟؟ واخر توقع منو هذا الشخص القاااسي الي طلع في الرواية ؟؟ توقعااااتكم تسرني تحيااااااااااااااااااااااااااتي لكــــــــــــم
