من عرفتك بدء عمري ..زاد النبض في صدري ..سرقت بضحكتك عمري

45

في باريس
مسك ايدها وهم راجعين للفندق ناظرت فيه بصدمه وبعدها ابتسمت
بسرعه
ولما وصلوا للشقة فتح الباب ودخلوا بس انتبه لظرف كان موجود تحت
الباب اخذه وفتحه وحنين قدامه تناظر في الظرف
حنين :شنو فيه الظرف
صقر :الحين بشوف
فتح الظرف وطلع منه صور
صقر وسع عينه بصدمه وضغط على كفه بقوة ورفع عينه لحنين الي
امتلت نار منهاا
تراجعت على وراء من شافت عينه الي كأنها بتنقض عليها مثل الفريسة
وبلعت ريقها وهي تحس إن الفرحه ما راح تكتمل اليوم
رفع عينه لها والشرار يطلع منها رما الصور على الارض وتوجه لها
بسرعه وسحبها من شعرها بقوة ورماها على الارض وصار يضرب فيها
وهي مو عارفة شنو الي كان في الظرف
صقر :انا الغبي الي فكرت إني ظلمتك طلعتي وحده حقييييرة وماتستحقين
أي شفقة مني
ترك شعرها وتوجه للمطبخ بدون لا يفكر واخذ السكين وتوجه لحنين الي
وقف قلبها وارتجف جسمها خوف ودموعها تنزل بألم وتناظر بعينه الي
صارت ماتشوف احد
صقر :انتي المفروووض تموووتي
توجه لها بسرعه ومسك شعرها و رفع ايده الحاملة السكين تنتظر امر منه
ليسيل دمها على الارض
بس فجأة
تذكر كلام ابوه وسديم
ابو صقر :هالله هالله ياصقر بحنين تراها مثل بتي
سديم :حنين امانه عندك لا تألمها وحافظ عليها
سقطت السكين على الارض ونزل راسه وقال بغضب :انقلعــــي
لغرفتـــك ولاتخلييييني اشوف وجهك
قامت بسرعه بخوف ودخلت غرفتها وهي مصدومه من الي صار قفلت
الباب وطاحت على الارض بصدمه وانهيار كان بكون هذا اليوم
اسعد يوم شافته بحيااتها بس ليش كذا صااااار وشنوووو كان في ذاك
الظرف
عند صقر
ناظر في الصورة المقرفة الي كانت حنين موجوده فيها مع شاب بطريقة
مقرفة وبملابس غير ساترة
طلع من الجناح وهو يحس نفسه مخنوق
لما بدء يحاول يبدي من جديد ويفتح صفحه جديده تكسر كل شي قدامه





:ههههههه الله يقربلك يا اسووور
اسرار :ايه كذا اضحكي مو مثل من اشوي
ابتسمت سديم لها بأمتناان
اسرار :والحين ما راح تقولي لي ليش كنتي مضايقة لك كذا يوم
سديم تنهدت وقالت :خليني انسى الموضوع الحين ما ابي اذكر شي ....
حلوو إن نبدي من جديد ونفتح صفحه في حياتنا وننسى الماضي موو
سكتت اسرار اشوي وبعدها قالت :بس صعب ننسا الماضي خاصة اذا
كان يحمل ذكرياات حلووة .....اممم سديم الحماام من هنا موو
سديم :ايه
اسرار :اوكي انا بروح الحمام وبرجع
سديم :اووك







:اقول طلال وين المغاسل
طلال :بتلاقيها قريب للحمامات حقت الرجال
اسامه :اهاا اووك

طلع اسامه ومشا بسرحان وهو يفكر بطريقة يشوفها فيه بس ما انتبه
لنفسه ومشا لين وقف امام حمامات النساء
اسامه بأستغراب :كأني طولت الطريق بس هذا هو الحمامات
تقرب للمغاسل بس حس بصوت يتجه للحمامات
اسامه :الخطوات كأنه حرامي موجود
صار يمشي بخطوات صغيرة ويتجه لاتجاه الصوت

اسرار :ياااربي احس كأني مثل الحراميه امشي بس خايفة يطلع لي شي

اسامه اتجه للصوت بهدوء وطقات قلبه تسرع

----------
كم أمل ٍ رسمت لهذا اللقاء
كم نجمة خاطبتها لتنور لقائي بك

وقف بصدمه مو مصدق الي يشوفة همس بصدمه :اســرااار !!
طق قلبها بسرعه وارتجف كل شي في جسمها ناظرت فيه بشوق وقالت:
اسـامه !!






كانت جالسه بملل وتناظر في الساعه :اففف صارت الساعه 11 ونص
وهو للحين ماجاء
فتح الباب بتعب ودخل ناظر فيها وقال :للحين مانمتي
الجوري :كنت انتظرك ليش تأخرت اليوم دوامك المفروض يخلص 7
انتظرتك على العشاء بس ماجيت وجوالك مغلق
راكان :طلعت مع الشباب اشوي وجوالي خلص شحنه
الجوري :ولا فكرت إن في انسانه تنتظرك في البيت
راكان :الجوري انا تعبااان حدي ومالي خلق لمحاضراتك الحين
الجوري :راكاان انت شفيك ؟!! ....من يوم ثاني العرس تغيرت صرت
واحد ثاني بس قولي شنو فيك ...اذا في شي مضايقك قولي اذا عندك
مشكله قولي خلنا نحلها سوا بس لا تسكت كذا وتخليني اموووت قهههر
راكان :اوووه الجوري والله مالي خلق اسمع شي انا راكب انام
توجه للدرج بس وقف بصدمه من كلمتها ودار لها
راكان :شنوو قلتي
الجوري :انا احبـك
ارتعش جسم راكان وناظر في عينها وقال :هذي اول مرة تقوليها لي
الجوري وعينها تدمع :ارجووك ارجع مثل قبل
تألم راكان حيييل و كان وده يروح لها ويحضنها بس مسك نفسه وقال :انا
ماتغيرت انا كذا ..وانا الحين بروح انام
وكمل الدرج ودخل الغرفة ينام وترك الجوري تعااني من الم الحب للمرة
الثانيه
رما نفسه على السرير بألم مايبي يعاملها بهذي الطريقة ولا يبي يتهرب
منها بس هذي الطريقة الوحيدة الي تخليه مايتعلق فيها اكثر من كذا
راكان :قريب يالجوري راح نفترق
غمض عينه بألم وحاول ينام







اسامه :ليش يا اسراار ليــــش !
نزلت راسها ونزلت دمعتها بألم وقالت :انت ليش هناا !
اسامه :ليش تجاوبي سوالي بسوال ثاني
اسرار :شنوو اقول لك ..إني عرفتك انك اسامه اول حب حبيته وما
تجرأت اقول لك بأني اسرار الي تعرفها ... تبيني اقول لك وانا اعرف بأنك ما راح تساامحني
اسامه :بس انتي الحين عذبتيني مرة ثاااانيه
اسرار :انا اسفة ....
اسامه : هنا مو مكان مناسب عشان نتكلم فيه لازم اشوفك في مكان ونتكلم
اسرار :اسفة مقدر
اسامه :ليش؟!!
اسرار :اسامه كل شي بينا انتهى خلاص ...انسااني وانا بنسااك
ناظر فيها بألم وقال :وش تقوووولي انتـــــــــــي ! ....انا امووووت كل
يوم بسبب فرااااقك انتي تبين تقتليــــــــــني
نزلت دموعها وقالت :اسامه لا تألمني اكثر بس احنا مانقدر نكون لبعض
اناا اسفة
اسامه :انتي عمررك ماحبيتيني
رفعت راسها بسرعه بصدمه وقالت :أيـــش
اسامه :الي يحب ما يروووح
اسرار : كل يوم ما انام الا ودمووعي تنزل واتخيلك في كل مكان اروح
فيه اتمنى وجودك في فرحي وحزني اتمنى لو اشوفك او اسمع صوتك لو
لحظة بس ... وكل هذا وتقوول ما احبك ...بس شنووو بيدي
اسامه :اجل ارجعي لي وخلينا نرجع مثل قبل لا تتركيني
اسرار :انا اسفة ما اقدر اكون لك ....وانت ارجع لبريطانيا لاتضيع
مستقبلك بسببي
اسامه :يعني هذي هي نهاية قصتنا
اسرار :مالنا نصيب لبعض
دارت ومشت عنه وهي تجاري دموعها بألم وإنكسار
اسامه نزل راسه بضيق ودار راجع لمكان ما جاء