من عرفتك بدء عمري ..زاد النبض في صدري ..سرقت بضحكتك عمري

21

في بريطانيا وبالتحديد في الجامعه
بدر:اقول ريان شرايك نروح الكوفي
ريان :اووك
فهد :شكلكم نسيتوني
ريان حقره ورجع يقرا في الكتاب انقهر فهد خاصة ان بدر ما علق وصار يحوس بجوالة
فهد :تراء انا اتكلم
بدر :هذا سؤال يا فهد انت معنا اكييد مايحتاج تسأل
فهد ناظر ريان وقال :بس مدري ليه احس اني مو مرغوب فيني
بدر ناظر ريان بتوتر ورجع يناظر فهد وقال :هههههه لا شنو هذا الاحساس الخطأ
ريان ناظر في بدر وبعدها قام من مكانه وصار يتجول في الجامعه ابتسم وهو يذكر اسرار صحيح انها بس 3 ايام بس يحس انها طووويلة فجأة راحت ابتسامته من تذكر حبه الاول والاخير
(ملاحظة لتشابه الأسماء بين حب اسامه الاول واسرار الي يعرفها الحين راح اضع هذه الاشارة (*)بعد كلمة اسرار والي تعني بـأنها اسرار الي معه في الشقة بس اذا كانت مو موجودة هذي العلامة معناتها اسرار حبه الاول ان شاء الله فهمتو قصدي )
اسامه :افففف ليش افكر فيها ليش هي خلاص تركتني ليش اتعب نفسي بالتفكير هه وهي اكيييد نستني وعاشت حياتها معني افكر كثير في اسرار* بس للحين مو قادر انسا وابد من جديد احس ان قلبي ملكته اسرار حبي الوحيد ومو قادر احب غيرها بس ليش لما اشوف اسرار* يطق قلبي بسرعه لا يكون حبيتها لالالا اكيييد لا بس يمكن لاني احسها تشبها ولها نفس الاسم وهي الانسانه الوحيدة الي خلتني اضحك بعد الهم والالم الي كان في قلبي عشان كذا احس بهذا الاحساس

_________________

في بيت اسرار
فرشت اسرار الغطاء على الارض وقالت لحنين :انا راح انام هنا وانتي نامي على السرير
حنين :لا انا بنام على الارض وانتي ناامي على السرير
اسرار :لا انتي الي نامي على السرير انتي الضيفة هنا
حنين :لا انتي نامي على السرير انتي جاية من مشوار طووويل واكيييد تعبااانه ويبي لك راحه
اسرار :لا لاتعبانه ولاشي انتي الي بتنامي على السرير
حنين :لا ماراح انام على السرير انتي الي بتنامي ويلا لاتضيعي الوقت
اسرار :لا ما راح انام على السرير
حنين :ولا انا ما راح انام على السرير
اسرار انبطحت على الارض وقالت :انا بنام هنا
حنين رمت نفسها بجنب اسرار وقالت :وانا بنام هنا
هدوووء
حنين واسرار :ههههههههههههه
اسرار :خلاص حنا الثنتين بنام على الارض
حنين :ههههههه ومن الي بنام على السرير
دخلت اخت اسرار الصغيرة وقالت بطفولة :انااا
حنين واسرار :ههههههههه
نامت اخت اسرار على السرير وصارت حنين تحكي لأسرار كل الي صار لها بالتفصيل بس حذفت شي واحد وهو الطراق الي عطاها اياه صقر
اسرار :يااااربي يقهر هذا ليه كذا شايف حاله ورافع خشمه لفوق
حنين :مدري عنه هو صحيح يقهر بس مدري ليش احس فيه طيبه مدفونه في صدرة
رفعت حاجب وقالت :لايكون حبيتيه
حنين :يووووه بسم الله على قلبي من الحب
اسرار :هههههه ليش ماتبين تحبين ؟
حنين :لا مابي احب انسان مغرور ويكرهني
اسرار :بس مدري ليه عندي احساس بأنك بتحبيه
حنين :يووووووة ليه تفاولي علي كذا
اسرار :لانا اكثر حديثك عنه وغير كذا كم مرة انقذك وبطرق رومنسيه
هنا حنين ماقدرت تستحمل وسكرت ضحك على جملتها الاخيرية
اسرار :يووة شفيك
حنين :هههههههههه حبيتها ذي بطرق رومنسيه ههههههههه
اسرار :هههههههه اعجبك
حنين :من وين جايبه هذي المصطلحات العجيبة ههههه
اسرار :اعجبتك ؟
حنين :ايه هههههه كثري منها
اسرار :ام المصطلحات انا
حنين :بس عاااد عطينااك وجه خلينا ننام
اسرار :اوكي انتظري كلميني عنه اكثر
حنين :لا ابي انااام
اسرار :يلا عااد اخر شي
حنين حطت يدينها على اذنها وقالت :لالالالالالا
اسرار :افف منك بس ما بتركك بكرة لنا حديث الحين نامي يالدب القطبي
حنين :هههههههه حلوووة الدب القطبي ذي
اسرار :اعجبتك ؟
حنين :ايه بس لا تعيدينها ويلا نامي
اسرار :تصبحي على خير
حنين :وانتي من اهل الخير

________________

رما نفسه على السرير وطلع تنهيده طوويلة
جلس وفتح درج الكوم دينه وطلع منها الصورة ابتسم وقال :قريب بشوفك يا ........ اتمنى مانسيتيني وتمنى تكوني بخير واتمنى ماتكوني صرتي لغيري
راحت ذاكرت قبل 13 سنه
ركضت لغرفته بعد ماسمعت انه مريض دخلت وبسرعه راحت له وقالت بخوف :ثقر(صقر) انت بخير
ابتسم وهز راسه بأيه
حطت ايدها الصغيرة على جبينه وقالت :انت واااجد حاااار
صقر :لاتخافي هذا لاني مو مشغل التكيف
ناظرت التكيف وردت ناظرت فيه وقالت :بس التكيف يشتغل
صقر ناظر التكيف وقال :هههه مانتبهت
البنت ودموعها نزلت :انت وااااجد حااااااار وماما نورة موو هنا <<كانت تسمي ام صقر بـ ماما نورة
صقر :لا تخافي بصير زين بس انتي لا تبكي لانك اذا بكيتي بتعب اكثر
صارت تمسح دموعها بسرعه وقالت :انتظرني بروح وارجع لاتقووم
ابتسم لها وهز راسه
راحت تركض تحت شافت وحدة من الخدم وقالت لها :ادا واحد مرض وصار حاار شنو نسوي
الخدامه :اممم نحط عليه كمادات باردة
البنت :شنوو يعني
الخدامه وهي تهز راسها :هذا يعني تبللي منشفة وفي حط على جبهت انتا
البنت ابتسمت وقالت :عتيني اجل منشفة وماي بارد
عطتها الخادمه الي طلبته منها وصارت تمشي ببطأ خوف بأنه يطيح الي في يدها ركبت الدرج بهدووء وهي بس تناظر في الماي والمنشفة الي حاملتها
توجهت لغرفة صقر بس احتارت كيف تفتح الباب وضعت الاعراض على الارض وفتحت الباب وردت حملت الاغراض دخلت وهي مبتسمه
لما شافها ابتسم وناظر في الي حاملته بأستغراب وقال :شنو هذا
البنت :هذا ادا حطيته على تبينك (جبينك) بتصير زين
ابتسم لاهتمامها كان يموووت في اهتمامها الي كان كله براءة وطفولة
صارت تاخذ المنشفة وتبلها بالماي البارد وتعصرها وتحطها على جبين صقر
البنت :ادا صرت زين العب معي زيــن
صقر ابتسم وقال :زين
انتظرت وانتظرت لين جاها النوم صار راسها على السرير وهي جالسة على الكرسي
فتح عينه وحس بأن التعب راح منه دار راسه لجهتها وطاحت المنشفة من جبهته ابتسم واعتدل في جلسته باعد المنشفة عنه وراح حملها وحطاها على السرير صار يناظرها ببتسامه حلووة كانت جميلة كثيررر وبرائتها اجمل
رجع لواقعه وهو مبتسم على ذكرياته معها تنهد ونام ببتسامه حلوة يتمنى الحصول على عشيقته الصغيرة

_______________

غمض عينه بألم بكرة راح يعقد على بت خالته وتنتهي قصته مع سديم بكرة بيبدا حياة ما يبيها بكرة بتنجرح اكثر انسانه حبها و اول حب في حياته بكرة بتنتهي الصدمات مع بعض بكرة بيفقدها

______________

جلست من النوم مفزوعه من الحلم صارت تتنفس بسرعه وخوف من هذا الحلم الي صارت تحلم فيه تقريبا كل يوم ناظرت في اسرار الي بجنبها وابتسمت انها معها تحس ان اسرار تعطيها القوة الي بدت تفقدها تنهدت وصارت تدور على ماي تبلع فيه خوفها بس مالقت تنهدت ورجعت تنام بس ماقدرت جافاها النوم بعد الحلم وصارت تفكر بمعنى هذا الحلم

______________

في يوم جديد
جلست بنشاط وتجهزت بسرعه وراحت المستشفى لاخوها اليوم بجون زيارة بعد الاهل وتبي تروح بسرعه
دخلت الغرفة وشافت مشعل الي وصل قبلها
رنيم :سبقتني في الجية
مشعل :ههههه قلت لك بجي قبلك
سلطان :وانتو مسوين زيارتكم لي سباق ولعبه !
رنيم :ههههه شنو نسوي نتسلا اشوي
سلطان :صدق فااااضين
رنيم حقرته وناظرت في مشعل وقالت : خلنا نروح الكافتيريا جوعاااانه حدي
مشعل :اووك
طلعوا من الغرفة وصاروا يمشون فجأة وقفت رنيم عن المشي ودارت لمشعل بغضب وقالت :ليش مارديت على مكالماتي امس
بلع ريقة وقال :انتي متصلة في وقت متأخر يعني اكيييد نايم
رنيم :ومن متى تنام من وقت
مشعل: من امس
رنيم :لا والله انت اصلا حتى لو نايم واتصلت انا تجلس وترد علي
مشعل توتر وقال :كنت تعباااااان ولا حسيت بأنه يرن
رنيم :والله حالتك مو عاجبتني ابد
مشعل بعد عينه عنها وقال :الحين تبين نروح الكافتيريا ولا نرجع للغرفة
رنيم ماردت عليه بس ناظرت في عينه الي مو قادر يحطها في عينها و المتوترة
مشعل :شنوو يعني راح نظل واقفين كذا
رنيم تنهدت وقالت :خلنا نروح الكافتيريا
راحوا للمصعد وركبوا فيه كان زحمه مرا حتى هم انصدموا شنو هالحظ
تباعدت لين لصقت فيه من الزحمه رفعت راسها وشافت كيف تغيرت الوانه من قربها استغربت منه بس هي ما هتمت بالوضع ماتدري انه اشوي وينفجر قلبه من الدقات الي صارت فيه
مشعل (تحمل تحمل تحمل اففففف شفيك ياااقلبي حرااام عليك تسوي فيني كذا ...ناظر في رنيم وقال ليش هي ليش هي من بين كل بنات العالم ماوقعت ياقلبي الا فيها هذي مثل اختي حرااام عليك تسووي فيني كذا )
نزل راسه بحزن وهي رفعت راسها له والتقت عينها بعينه والي زاد توترة وخوفه انه يتهور ويعترف
رنيم :مشعل فيك شي ليش وجهك احمرر كذاا لايكون بتختنق
هز راسة بلا وباعد عينه عنها
وصلوا للطابق الارضي الي يوجد فيه الكافتيريا طلعوا من المصعد بس واحد منهم مو مثل لما دخل وهو مشعل الي مشاعره بدت تزيد في قلبه كل يوم

_____________

رعد :الدكتورة دينا وصلتي الدواء لها
دينا :ايه
رعد :اليوم لازم تجي وتنام هنا في المستشفى
دينا :انا كلمتها وقالت بتجي الساعه 1 الظهر
ناظر الساعه ولقاها 11 يعني بقى ساعتين وتجي تنهد وقال :انا بطلع اشوي وارجع اذا جاني مريض انتي قومي بالمهمة
هزت راسها بالموافقه بفرح انها بتحل مكانه
طلع ولقا ء في طريقة نواف
رعد :هلا نواف
نواف :رعد شنو الموضوع المهم الي تبيه فيني
رعد تنهد وقال :خلنا نروح كوفي
هز راسة بالموافقة وراحوا للكوفي
نواف بخوف وتوتر :شنووو فيه رعد تكلم
رعد :اممم مدري شنو اقول لك
نواف :رعد لا تحرق اعصااابي كذا تكلم بسررررعه
رعد :الليلة عقد نوف
صدمه
صدمه
صدمه
نواف :ايش !
رعد :امس خبرني ابوي وقال اخبر الكل بس يا نواف لا تخاف انا ما راح اخليها تاخذه ما ابيها تتعذب مثلي بس ابيك تساعدني
نواف واثر الصدمه عليه :هي موافقة
رعد انقهر من كلامه وقال :كيف تكون موافقة وهي تبيك انت
نواف :بس مدري ليش احسها تغيرت وما تبيني
رعد :شنو هـ الاحساس البايخ ذا وبعدين هي حالتها النفسية زفت بسبب هذا الموضوع هي ماتبيه
نواف والصدمه للحين فيه :شنو اسوي رفع راسه وناظر في رعد وصرخ : شنوووو اسوووووي يعني خلاص هي بتروح مني
انقهر من ضعفة وقال :ليش انت كذا ضعيف لازم نفكر بخطة توقف العقد
نواف :شنو هي الخطة انا مستعد اسوي أي شي
رعد صار يفكر وفجأة قال :لقيتـــــــــها

_____________

جلسوا من النوم بتكاسل
اسرار :الساعه كم
حنين :12 وخمس يلا قووومي
اسرار :بس دقيقة بنام
حنين :لاااا قوووومي يلا امك من زمااان تصحيك
اسرار : يااااربي ماتحسووون انتو ترا انا جايه من مسااافة طووويلة يبي لي راحة
حنين :لا والله ومن الي كان يبي يسهر امس
اسرار :ياااربي يعني غصب
حنين :ايه غصب يلا قومي
اسرار :اووك
قامت اسرار وغسلت وصلت وبعدها اخذت دش
حنين : اسرار
اسرار :هلا
حنين :انتي كلمتني عن هذا الي اسمه ريان بس ماقلتي لي اذا هو يحب ولا لا
اسرار :امممم والله مدري عنه انا ماسمعته ولا مرة يتكلم عن وحدة او انه يحب او شي بس احيانا الاحظ عليه يسرح وبكثيرررر
حنين :اهااا اجل واضح انه يحب
اسرار :ليش واضح
حنين :لانا ياحبيبتي كثرة السرحان يدل على انه يفكر في شي وهذا الشي مو قادر ينساه عشان كذا يفكر وبأكثر الحالات يكون هذا النوع من السرحان هو سببه الحب
اسرار :مقدر انا على المتفلسفة والدكتورة النفسية
حنين :اعجبك انا
اسرار: مقدر على الوااااثق
حنين :يحق لي
اسرار :ههههههههههه اوكي يالواثقة يلا عشان نتغداء
حنين :اووك بس قولي لي بعد ماقلت لك هذا الكلام شنو احساسك
اسرار سكتت اشوي وقالت : مدري والله بس احس اني اتمنى ان يكون استنتاجك خطأ وووو مدري والله مدري لاني موم هتمه فيه بس بعد اتمنى ان يكون كلامك خطأ
حنين :اممم هذا النوع من المشاعر هو ....
قاطعتها اسرار وقالت :خلي الفلسفة حقك بعدين الحين يلا غداء ولا بتقتلني امي
حنين :ههههههه اوكي كل شي ولا غضب خالتي المصون
اسرار :ههههههههه

_______________

طقت الباب عليها ودخلت وقالت :جنى
رفعت راسها لاختها وقالت :هلا
لمى بخجل من الي سوته صارت ماتقدر تناظر في عين اختها وكل منزلة راسها
لمى :مابتروحي المستشفى
جنى رجعت تقراء في كتابه وقالت :لا
لمى :جنى انا ..
جنى :لمى ارجووووك مابي اسمع شي بس لاتنسين الي اتفقنا عليه
لمى والدموع في عينها :مقدر يا جنى مقدر
جنى راحت لها ورفعت راس اختها بصبعها وقالت :ليش تخلي راسك تحت ارفعيه يا اختي الكل يغلط مافي احد كامل في هذي الحياة ومو معنى اني ما سامحتك معناتها انك مو اختي لا انتي اختي وراح تظلي اختي وشرطي عشان اسامحك انك تعوضي سلطان عن الالم الي سببتيه له وتخليه يحبك ولا يعرف بشي من الي صار
لمى :ليش تعامليني بطيبة ليش ماتكرهيني وتضربيني وترمي علي كلام جارح
جنى :لاني مابي ازيد على الغلط اغلاط الحين روحي يلا ولا تتأخري واذا سألو عني قولي لهم مشغولة
لمى :جنى
ناظرت فيها بابتسامه وقالت :هلا
لمى :ممكن احضنك لدقايق
ابتسمت وقالت :اكييييد
حضنتها بسرعه ونزلت دموعها بسرعه صارت تمسح على شعرها بحنان
وقالت :ليش البكي
لمى :ياليت اقدر ارجع الوقت لأسحب كل الي قلته و ...
قاطعتها وقالت :احنا مانقدر نرجع الوقت بس نقدر نغير المستقبل
ابتسمت لمى بأمل وقالت :راح اغير المستقبل يا اختي
ابتسمت جنى وقالت :يلا الحين روحي
سكرت الباب جنى وتسندت عليه ونزلت دموعها جلست على الارض بأنكسار وصارت تبكي وتبكي وانينها بدء يزيد

صعب نتخلا عن شخص نحبه
صعب نشوفة كل يوم ونتظاهر بالبرود
صعب نكتم على نفسنا واحساسنا بالظهور
صعب نبكي بالكتمان
صعب ننجرح ونتألم بهدوء بدون لاحد يحس
بالمختصر صعب التخلي عن المحب
(تأليفي)


نهاية البارت