💎 مبغيتش الخضار بغيت الإخواني 💎

الجزء الأخير

📌مبغيتش الخضار بغيت اﻹخواني 📌

محسن : صافي سكتي واش فيك جوع
سكينة : لا
محسن : اوكي واش منوياش تصلي راك ممصليا لا مغرب لا عشا ابنت الهم
سكينة : وخا دبا
دخلت دوشت وتوضيت وانا خيفة خرجت لبست عباية ديالي وصليت على سعدي و وعدي 7 ركعات كملت لقيت محسن غالس كيشوف فيا
سكينة : مالك
محسن : وراك زدتي ركعة المسخوطة خاصك تعاودي
سكينة : من نيتك انا بزز باش سليت 7 ركعاات ونتا باغي تزيدني
نضت كنجمع في صلاية
محسن : وغير خليها متجمعيهاش
جا وفرش صلاية اخرى قدامي كان في هاد صلاة هو امام صوتو بورش ليا لحمي وحسيت بهدوء وطمانينة معاه كملنا جوج ركعاات وضار عندي حط يدو فوق جبهتي وقالت دعاء ليلة الدخلة "اللهم إني أسألك من خيرها ومن خير ماجلبت عليه واعوذ بك من شرها وشر ماجلبت عليه "" شد يدي ورفعهم على وضعية الدعاء وطلبنا الله يرزقنا الذرية الصالحة وخير وخمير وبنين وبنون وباس راسي و و و (المهم الخبار في راسكم )

أصبحنا وأصبح الملك لله جات عندي ماما عائلتي وعائلة راجلي لفطور شطحنا كلنا شربنا فرتكنا الجوقة رجعت لحياتي العادية مع راجلي محسن وسط نهار نحفظ في قرآن وفي ليل نستضهر عليه كل مرا يلقا عندي شي خطأ يضربني فرحت بزااف حيت ربي رزقني براجل بحال محسن حمد لله من بعد عام ديال الحفاظة ديال قرآن الكريم وليوم بمناسبة ختامي لقرآن درت حفلة صغيورة في دار فيها العائلة والحباب وفي هاد نهار سمعت احسن خبار في حياتي كنت كنتسناه عام هذا وهو اني حاملة فرحنا بزااف وحمدنا الله وشكرناه على هاد نعمة
محسن : سكينة دبا نتي غادي تولدي ياك و ولدنا غادي يعمر عليك الدار
سكينة : ايه زيد
محسن : زعمى حتى انا خاصني ليعمر عليا وشرع حلل ربعة
سكينة : شناوا شناوا عاود تاني والله لكانت ليك
محسن : وراه الدين فوق من كلشي اسكينة خاصني نتزوج بربعة
سكينة : محسن نتا هو ملشي بنسبة لياا الا دخلات شي وحداا بيناتنا والله متبقى تشوفني انا علمتك
محسن : سكينة واش عارفاني انا نضيرها ونخليك ههه كنبغيك

سكينة : حمدتك ياربي وشكرتك على هاد نعمة بنتي شمس الله يخليها ليا دبا عندها 3 سنين ياربي تصلحها ليا وتجعلهاا من المبشرين بالجنة ياربي تبعد عليها ناس الحرام ياربي تحفظ ليا راجلي وبنتي
محسن : سكينة كملتي ياله نمشيو راه تعطلناا
سكينة : انا نلبس برقع ( حجاب ) ديالي وانا جيا سبقني
درت نقاب هادي عامين ودبا غاديا عند طبيبة انا وراجلي محسن نشوفو نوع جنين انا حاملة تاني ان شاء الله يكون ولد وصلنا عند طبيبة بشرتني بلي عندي ولد يالله فرحة لا توصف غالسة مع راجلي وبنتي شمس الخضار و ولدي يعقوب الخضار في يدي عائلة ديالي هي اغلى ما املك ياربي تخليهم ليا وطول ليا في عمرهم ياربي ترزقنا الفرحة وسعادة

هادي هي حكاية سكينة ومحسن سكينة بنت لكانت كتحلم باش تزوج براجل اخواني وربي رزقها بيه هاد قصة كانت عبارة على امنية من امنياتي جسدتهاا في هاد قصة وكنترجى من الله تحقق بناات تشبتو بدينكم وصلو ودعيو ان الله لا ينسى عبده الله يرزقكم ماتمنيتو في حياتكم وإنتضرو الحلال لانه اﻷجمل تم بعون الله 💋

النهاية 💞