العذاب الأبدي

البارت الأول

#العذاب الأبدي

/// بقلمي الكاتبه شيماء///

كالولي مريض امغمض العيون
وجراحك جبيرة يا حسافات
يمن يندار مرضك بيه يا زين
وترد لعيونك الحلوه ابتسامات
يبو الكلب الحنين الفايض ابطيب
يل همسك غنه الكل الحمامات
يفراش اومضيف الكل خطاطير
صعب بيك المرض يطيب ايبات
وصعب عيني تنضرك وانته ممدود
بفراشك تلوم امن الجراحات
بجيت عليك صدك كل الدموع
وبقت عيني يتيمه ابغير دمعات
ياوسفه الوكت للزين اشواك
وللموزين يصبح وسفه وردات
لا تحزن حبيبي الشده تنزال
وتصير سوالف ايامك المرات
_

___________________________

☆☆☆الكاتبه شيماء☆☆☆

بسم الله الرحمن الرحيم

_ اني فرح مواليد 1994 مواصفاتي: بيضه ، شكره ، وحمره ، الي يشوفني يكلي انتي تخبلين يلقبولي الحميره كدما شكره ع حمار طولي متوسط ، جسمي حلو.

_ عائلتي متكونه من امي وابويه وعندي اخ واحد واخوات ثلاثه زينب وزهراء وطيبه اني بنت الجبيره لاهلي جنت طالبه مدرسه كأي طالبه مجتهده فرحانه بدراستهه.

***********

يوم ١/٢٢ شهر الواحد........ خامس إعدادي ...

_ رجعت من المدرسه لكيت امي بالمطبخ...

_ هلو ماما

_ هلو بيج شبيج وجهج اصفر !!!!

_ماما مدري شبيه الدنيا تفتر بيه واحس نفسي منعسه.

_ روحي نامي خاف تعبانه ؟

_ اكل ما اشتهي لحد يكعدني.... غفيت شويه اخواتي جانن يلعبن كعدت بعصبيه صيحت عليهن ضلن صافنات بوجهي ....

البنات:- شبيج شهالعصبيه؟!!!!

_ فرح:-  تحولت غير انسانه لحد ما اجه الليله المشئومه ... دك تلفون بابا

_ بابا:- الووو... الووو..

_ لتخافون احنه الحرس الي نفتر بالبيت وفوك صطحكم حرامي...

_فرح:- سمعت اني هيج يكول لابويه كبل الغطه الي متغطيه بي شككته عليه من الخوف وتخربط ...

_ ثاني يوم كلت لابويه وامي اخذوني لبيت جدي عندي ام امي بيبيتي هيه الي نحبها ونموت عليها ...
من رحت يمهم كالت وجها اصفر لازم ناخذها للطبيب ورحنه...... واني ضاله بين الوعي واللاوعي دخل ابويه ...