فصلية معذبة

الجزء *١*

جانت حياتي عبارة عن عذاب بعذاب
عود اني أصغر وحدة ومدللة
من اجيت على الدنيا عمتي صار عدهة ولد بنفس اليوم سمته مسلم كالت مريم لمسلم كبرت واني اسمع بهذا الحجي صار عمري ١٧ اشوف تصرفاتة وياي مثل جني حبيبتة بس اني عمري ما حبيتة حالة حال اخوتة اعتبرة مثل اخوي هو مواصفاتة اسمر عيون سود عضلات وطولة ١٧٢ جان يتمنى ابادلة نفس الشعور
بس ما اكدر عمري ما حبيتة ولا افكر بي يصير زوجي
من اريد اروح للمدرسة هو يوصلني آلهة
يغار علي 😊😊
اني مواصفاتي بيضة كلش عيوني عسلية وشعري اصفر سرح حيل وشفايفي ورديات همة وخدودي طولي ١٦٨ وجسمي حلو 
صفاتي كلبي طيب ❤❤
بسرعة ابجي وعندي حنية بكلبي تكفي العالم كلة
ما احب الغرور ولا التملك هادئة ما احب التصنع

عمي دائما يتعارك وي اخوتي يكللهم خلي تترك الدراسة
ما اعرف شنو السبب
جنت اروح بطريقي وارجع بطريقي وبنت عمي وياي
اسمهة زهراء عمرهة ١٩ أكبر مني  وياي هي نفس الصف والمدرسة كانت دائما اكو مشاكل وي عمي
لان ما يحب امي  ابوي اخذ امي  على حب 
اخوي الوسط عصبي علي  على اقل شي يصير نار جات دائما
يحاسبني على كل شي وبابا جان منطينة الحرية
بس ما استغليناهة بشي ومرات اذا نسوي شي واخوي يحاسبنة ابوي يحجي علي لان هو موجود ما يحب واحد يتحكم بينة وهو عدل
عكس اخوي الوسط اخوي الجبير هادئ وما يدخل باي شي حياتة عبارة عن جاي وجكاير وافلام اجنبية اكشن وبس مالة علاقة باي  وأحد هاي اني بطلة القصة عرفتكم على نفسي وعائلتي