فصلية معذبة

بداية القصة(١)

بيت اهل مريم الساعة ب ١٠ بليل
علي : مريم مريم
جنت نايمة إجه اخوي كعدني فتحت عيوني
ها علي شكو
علي ؛ كومي ولج جوعان سويلي اكل
مريم :علي انتة صدك تحجي والله نعسانة وتعبانة ما يكفيكم من الصبح لهسه تكربون علي شنو حيوانة اني تعبانة اريد انام روح مني علي فدوة
علي : ولج كومي جوعان سويلي سم      
مريم : علاوي والله تعبانة روح اكل برة
علي:عاااا تدرين بية ما احب اكل الشارع
مريم : روح مني اريد انام 
علي: شنو انتي دجاجة بل١٠ تنامين كومي لا اخليج تكومين زحف
مريم : اهووووووو ولكم انتم شنو ما ترحمون واحد نايم
علي :ولج صارلج نص ساعة بس تحجين وتجادلين لو كايمة جان هسه مخلصة وراجعة نايمة
مريم : كايمة كايمة امري لله ما تزوج وتخلصني من طلباتك 
علي : يله اريد اطلع بسرعة جماعتي منتظريني
سويت عشة وخلصت خليتة كدامة كلتلة اتفضل تريد بعد شي لو اروح انام
علي : روحي انطمري ما اريد شي مسوية الاكل من ورة خشمج هسه راح اتسمم بي واموت
خلصت عشة وخليت المواعين بلمطبخ   اخذت السويج وطلعت
شغلت السيارة وطلعت من البيت علمود اروح لجماعتي منتظريني
واني كاعد اسوق اتصل بية صديقي كاعد احجي بلجهاز واستفسر وين كاعدين ما اعرف شصار فقدت توزان السيارة ردت اوكفهة ماكدرت ما سيطرت عليهة  انضربت بسيارة ثانية
نزلت من السيارة رحت اشوف الناس البلسيارة  الثانية لكيت ولد ويمه طفل بس السيارة كلش مدمرة لان اني جنت اسوق سريع  وجان واكف صديق اخوي الجبير  على الرصيف من شاف المنظر اجة يركض كال علي اشبيك اتاذيت كلتلة لا بس الله يستر على البلسيارة خلي ناخذهم للمستشفى صعدتهم بسيارة صديق اخوي ورحنة للمستشفى طبعا الولد اتوفى لان هو جان يسوق  دخلت الطفل بسرعة للمستشفى