فصلية معذبة

جزء٧

اعذروني طولت عليكم بس والله ظروف

الشيخ حسين يكول
انحب والدمع يجري ......على الراح
وتمنيت العمر يكضي .......على الراح
اصيح بصوت يا يمة ........علي راح
وتمنيت اندفن وياه سوية

طلع الشيخ حسين واخوه حسن وولد عمة وشباب من العشيرة وعمامة للمستشفى يأخذون الجثث وبقى شكم واحد من ولد عمة يم الولد الضرب اخوه وابنة  اخذو الجثث وغسلوهم ورجعو  بيهم  للبيت آخر دخلة الهم للبيت يوادعوهم بعد دخلو التابوتين ونسوان عمة وبنات عمة وامة واختة طاحن على  التوابيت  وام الشيخ تعاتب بي تكلة يمة  حسين هذا ابنك وهذا اخوك شلون راح تاخذهم يمة تدفن حزام ظهرك وسندك لو شمعتك الطفت شلون الك كلب وتشوف شمعاتك الطفن شراح تكول لابوك لو لزوجتك ما تحمل الشيخ وطلع كال الولد عمة طلعو التوابيت شال وي الولد تابوت وطلعوهم فوك السيارة وراحو للنجف يدفنوهم
الطريق كله بس صافن صايرة بي صدمة
بقت حسرة بكلبة وصلت للنجف
ونزل لكة الدفان حافر  ٢ كبور  راح كعد يم كبر ابوه ويحاجيه يكلة بوية اني طلعت مو كفو اني ما اصون الأمانة اني خذلتكم كلكم بوية الحسرة بصدري ما تطلع احس بروحي تريد تطلع مني ما اكدر ابجي ما اكدر أصرخ ظهري انكسر بوية تعبت ما اتحمل هاي الضربات توجع يا بوي مخنوك بس الخنكة ما تطلع والعبرة غصيت بيهة ما اكدر اطلعهة وارتاح بوية ميت هسة اني ما اتحمل بعد
نزلو  الجثث وصاحو عمامة يله حسين تعال وادع اخوك وابنك وكفت يم كبر اخوي لزمتة وي الشباب علمود انزلة للكبر حاجيتة كلتلة حيدوري حبيبي اعذرني ما كدرت احميك حيدوري كسرت ظهري منو اليفزعلي بعد لو نخيتة قسيت وياك ما ردتك تنجرف بلمذات الدنيا خوية اعذرني يا بعد بيتي اروحلك فدوة اني وجهالي لتراب رجليك بس احجي راح ينزلونك حيدر لا تعوفني والله افديك بروحي نزلو واحس نزلو روحي وياه خلصو دفنة ورجعو على شمعتي بوية علاوي احجي فدوة العمرك اندار تعوفني وتروح اعرف بيك متعلق بعمك بس مو حتى هنا تروح وياه والله اخذلكم بثاركم خلصنة دفن وكعدت يم  راسهم بس ما كدرت ابجي اريد الدمعة تنزل ما اكدر بقيت صافن اجو ولد عمي كوموني صعدت بلسيارة بس عيني على الكبور والطريق كلة صافن

اشبيكم تفاعلكم 0%
ما عجبتكم القصة
حتى تصويت ماكو
يلة تفاعلو خلي  اكمللكم القصة