💕حب..💙بعد💙.. زواج💕 #كاملة#

حلقة7

مونية تحكي
ايمااا يدي فشلت من الضرب و هو ولا على بالو حسيت روحي درتلو مساج لضهرو
اووووب لقيت روحي داخل طوموبيل غير ركب بلاصالي لا سانتور و ديمارا شفت فيه باملي كي شغل حاب يهدر حاجة بصح ما قدرش و كي حل فمو انا بلاصيت لكيتمان باش ما نسمعلوش و حطيت زلصي على تاقة نتفرج ف طريق
نزيم يحكي
ركبتها فالطوموبيل و ديماريت.... حسيت بالذنب و كي شفتها سكتت فكتها بلي زعفت مالا قلت نحكي معاها و ماجيت ننطق حتى بللصات لكيتمان وليت سكت
كي لحقنا للدار درت ليها لقيتها رقدت شفت فيها ملييح اول مرة نشوفها عن قرب بصح فقت لروحي و هزيتها باش تنوض بصح والو رقدت كي شكارة تاع السميد.... وليت على سعدي خزيتها فوق كتافي و طبطبت فتحلي اكرم شدها عليا و هو شاد الضحك و انا نار تخرج من عيني رحت جبت القضيان و ديريكسيوون للشومبرا على اساس نرقد بصح بقيت نخمم حتى ديسيديت
غدوا من داك.....
ناض نزبم عين مفتوحة و لوخرا مغلوقة دوش و سڨم روحو و راح عند عمي محمد
نزيم : صبلح لخير عمي
محمد :صباح النور... خير اممم قررت
نزيم :وي قررت عمي.  ..و راني قابل و مانحتاج والو من عندك الحمدللع بفضل ربي و فضلك وقفت على رجليا و باس نردلك خيرك هتدي و قليلة علبك
محمد هنا ناض و راح عنقو و بالو و الدموع في عينو.: ما خابش ظني فيك راجل و عليه لكلام
نزيم سلملو على راصو و موراها ديسيداو يديرو العرس مور عرس اكرم بشهر ...... قبل ما يخرج نزيم تفاهمو بلي يقولو لمونية بلي يماه شافتها و عجبتها.... و نريم قرر ليوم يروح لدار‘ خاطرش كملو لخدمة فيها
محمد يحكي
دوك مادامني ضنت الراجل و تهنيت جا دور مونية و كيفاه راح نقنعها و نفهمها
مونية..........
نضت صبح لقيت روحي بحوايجي و رجليا معقين فوق البونك و انا لتحت حسيت روحي جسر معلق للنمل و لڨرلوات...... دخلت ديركت للدوش دوشت و فحفحت روحي و لبست بيجاما طويلة مرسوم فيها ميكي ماوس و رميت لخيمار اناكنت خارجة حتى زدم بابا
محمد:ريحي بنتي نحكي معاك
مونية: وي بابا احكيلي 😊😊
شوفي يا بنتي نت كبرتي و لازمك تنستري و انا مانيش دايملك لازمك راجل يوقف موراك و يكون اب و اخ و حبيب ليك و يكون كتف تسندي راسك عليه....  و انا صراحة طلبوني فيك جماعة و ما نبدرش نرجعهم خاطرش خيرهم سابق و يا بنتي هادو ضامنهم كي ضامنك نتي و كوني متاكدة بلي باباك يحبلك لخير يا بنتي
خنا مونية ولات حالتها حالة عينيها و نيفها تقول شلالات و وجها حمررر 
مونية:ماتقولش هكا يا بابا ربي يخليك ليا... انا جامي لا نطيحلك راسك. و جامي لا نردلك طلب  لوكان تقولي موتي نموت بابا ماجاتش على هادي كنت قادر تزوجني بيه دوك والله ما نهدر
محمد:يا بنتي انا همي ماشي تتزوجي انا حابك تكوني مهنيا و مستورة
مونية:مايكون غير لخير نشالله
محمد خرج و هي ترشفت بالكا... ماغضعاش زواج. .حست حاجة فباباها حساتو يطلب فيها لااخر مرة حست بلي بيه حاجة غريبة
قعدت تبكي هكاك حتى ولات رقدت
ناضت غسلت صلاة صلاتها و هبطت عينيها منفخين ووجها حمر لقات ضواوي طافيين و الدنيا ظلمة
شافت ساعة لقاتها 12 تاع ليل... تشوكاات مسكينة. فتحت فريجيدار جبدت باطا فرماج و كاشير شدت لخبز ‘طاحت عليه حتى شعل الصو..
مونية:بسم لله الرحمان الرحيم ايما قلبي.....
نزبم:اووووووسسسس بهدلتيني دوك ينوضو
مونية:و نتا لاه تدخل كيف السراقين خلعتني
نزيم:جيت نشرب
مونية:اممم هاوليك ايدا حبيت تاكل... ايدا خصك كاس حاجة ما تعيطليش