مونية راحت مع اميرة طريق حرقتها و اميرة كات ميتة بالخوف
اميرة:مونيك نقصي شوية راح تقتلينا
مونية:قوليلي واش حاسب روحو يحكي معايا هكا لاه يدخل روحو فيا قوليي.... تحكي و تعيط و وحها حمررر
اميرة :و انا وين علابالي و واش دخلني لمهم دوك نقصي راح نموت من الخوف
مونية:والله غير ندمو عليها انا مونية يقولي هكاااا
اميرة:اييه خلاصصصص ديري لي تحبيه لمهم اهداي دوككك 😭😭😨😨😨😨😵🤢🤢
مونية:اوف اوف اوف اوف..... تتنفس بالزرب باش تهدى... خلاص دوك لازم نفكر باش ندمو اوف اوف اوف اوف
اميرة:ايه ايه اهداييي
م‘نيك نقصت شوية الفيتاس و راحو للدار
زادو جازو ليامات و لحقت ليلة الحنة تاع لعرييس
جا نهار لحنة.. دار اكرم عشا شباب لصحابو كامل دجاج محمر و حريرة و بوراك و طجين الزيتون
و فليل جاو يقدمولو...... دخلو للصالون هو و صحابو
كانو موجدين كلش... مونية و اميرة لبسو هادوك اجبات لي شراوهم كيفكيف و كانو فلكوزينة يخدمو فالشغل وحدهم 😢😢😢😤😤مونية غير سمعت يماها تقدم راحت تجري
دخلت للصالون و شافت اكرم بالبرنوس يحني غلبتها الدمعة و بدات تبكي بالتخبية عليهم
هوما غير كملو التقدام تروح قدامو و تزغرت زغريتة صحيحة دار تزلزلت و عنقت خوها و بداو يبكو لزوج
هي من الفرحة و هو غاضتو كي يدات تبكي
ايا هوما هكاك حتى يدخل باباهم مع وليد خوه و دربوكة و بداو يطبلو و تدخل مونية مع اكرم و يبداو يشطحو ڨلبوها و صحابو ڨاع يشوفو فيها كيفاه تشطح مع خوها و فرحانة..... شطحو حتى عياو
...اومبعد مونية تولي للكوزينة هي دخلت حتى حست بالباب تغلقت حسابتلها اميرة
مونية:ياا دحمان لكوزينة مازالها تخلع هلكت ليوم و يزيد عياني شطيح ههههه بصح والله بردت قلبي
خويا لغالي غدوة نروبلها فالكورتاج خاطرش نروح بطونوبيلتي غير انا و ياك 😈😈😈😈😈
.....ما حست كان بيد تتحط على كتفها و دورها ليها لقاتو.....
نزيم:واش يا لالا واش هادا تمسخير لي راكي فيه اهدري
مونية تخلعت و شنفت و نحاتلو يدو: اولا يدك ما تحطهاش فيا ثانيا ماكان ما دخلك ثالثا ما درت حتى تمسخير فهمت
نزيم شاف فيها و ضحك ضحكة صفرا و جا رايح
نزيم :ااا تفكرت غدوة تجي معايا كورتاج
مونية:هههه بربي نشالله
نزيم:اممم تجي ولا ندير حاجة ما تعجبكش
مونية: و واش تقدر دير ههه
نزيم هنا دار ‘ راح ليها حكمها من وسطها و رفدها فوق البوطاجي و عضها من رقبتها
مونيك حست كلي تريسيتي ضربتها بصح ستحلات الشعور و تمتم فاقت و دفشاتو بصح ما قدرت تحكي والو حست كلي لسانها تربط
نزيم :امممم هكا باش تدي فكرة على واش نقدر ندير ههه و راح و خلاها مشوكية
نزيم يحكي
عرضني اكرم للحنة تاعو رحت و تعشيت و جا وقت الحنة دخلت شفت مونية قاعدة عند لباب و الدمعة في عينها و اومبعد ستنات شوية و ضربتها بتزغريتة لغاشي كامل تخلع و راحت عندو و بداو يبكو
حسيتهم توام خاطرش قد ما يدابزو يحبو بعضاهم
و ابري بدا الدعوة تخشان... لالة دخلت تشطحلي في وسط البنيادم و يزيد لابسة جبة و مڨشطتها و بلا خيمار بلا حتى مشكل حسيت دم يغلي فيا و لي زادلي كي شفت الرجال يشوفو فيها شوفة ما تعجبش... هنا تنارفيت بصح لبينازة ضهرت تعرف تشطح و خادمة لاطاي 😍😍😍عرييظة.... ستنيتها خرجت و رحت تبعتها و دخلت لكوزينة... بدات تهدر كي لمهبولة حتى دورتها ليا و هددتها باش تروح معايا غدوة ماشي حابها تروح وحدها خاطرش باينة ناوية على شر..... حاولت نفهمها اما هي راسها يابس و لازم نكسرو
رفدتها و حطيتها فوق البوطاجي و عضيتها من رقبتها فوق الخانة... امممم كنت متشهيها 😍😍😍😙😙😙 حسيت بريحتها دوختني جبدت عليها قبل ما نغلط معاها خاطرش كنت شاد روحي على شعرة
أنت تقرأ
💕حب..💙بعد💙.. زواج💕 #كاملة#
Lãng mạnسلااام.. هادي اول رواية ليا ،نتمنى نم كل وحدة قراتها تقولي رايها بصراحة 😅♥ لحكاية راح تكون على زوج عباد مختلفين كليا على بعضهم.. اما راح يجمعهم القدر بحجة عرس خليني نعرفكم بالأبطال "مونية"هادي البطلة تاعنا في عمرها20سنة زينها عادي اما عندها زوج ص...
