💕حب..💙بعد💙.. زواج💕 #كاملة#

حلقة 12

كملو ازوج شطحو حتى عياو ابري دخل‘ معاهم لعرسان و زدموا لصحاب و روبلوها .....
نزيم جاه تلفون راح يريبوندي عليه و بطا شوية .....
بصح تما مونية ما كانتش خاذية راحتها خاطرش حست بواحد يدنا ليها و يشوف فيها بحاجة فيها خبث
عيشة:مونية تعيشي بنتي روحي جيبي لعباية تاع خالتك راهي لداخل
مونية:امم صحا دوك نجي
راحت مونية و دخلت جابت لعباية و كي جات خارجة شدها هاداك طفل بزور
👶:اممم مقبيل ماشطحتيش معايا زعفت عليك بزاف
مونية:اطلقني واش تحوس عندي
👶عض على شواربو و قرب ليها :امممم نحوس على بزاف صوالح منك
مونية قعدت دز فيه بصح مانجمتش
مونية:شوف يا تطلقني يا نبدا نصووغ
👶:ههههه ضحكتيني و كي يجو لغاشي نقوللهم بلي هي لي رمات روحها عليا
مونية:مي نتا فري مريض بعد عليا
هنا الطفل قربها ليه و جا راح يسلم عليها
ماحس كان بسنانو يترعدو كي تاع جدو
نزيم حكمو من حوايجو:ن*******نعل*******واش راك دير ااا
بوووووفففف و دبزة للوجه خسرلو فيقورتو
مونية تبكي:زيدلو مايحشمش تفووو
نزيم زاد بردلو لحمو و طلقو و شد مونية من يدها:شوفي اسكتي دوك تروحي تلبسي نديك للدار دووك
مونية:والله غير نجي بصح دقيقة ندير حاجة
راحت تجري عند هاداك طفل و ضرباتو بطالون تاعهه لجوهر لعائلة
مونية:هكل تولي صح تتوحش الطفولة
نزيم بقا غاضب بصح عجبو جاست تاعها
نزيم يحكي:
....كنت نشطح مع لبهلولة هديك ضهرت شطاحة 😂حتى نوقز تلفوني لقيتو من الخدمة على السلعة الجديدة لي راهي خارجة..  رحت حكيتو و بطيت شوية كي وليت سمعت لحس درت نقا مونية مع وحد طفل..... دم ولى يغلي فيا و مخي تحرق ماخممتش كامل رحت ديركت زدمت عليه شبعتو خباطي
و كي كملت قلت لبهلولة هاديك تورح توجد روحها خاطرش كنت خابف نعود نخرج زعافي فيها
بصح بانت بلي مسوطية فعقلها ضرباتو ضربة انا و غاضني مسكين عاودتلو طهارة هههه و راحت تجري تلبس
عيشة:اييه راكو هنا 😉😉رانا رايحين
نزيم :خالتي انا نوصلها
عيشة:🤔🤔روح برك نرمال
نزيم:صحيتي طريق سلامة
مونية:هاني جيت ماما راني رايحة
عيشة:علابالي روحي
ركبت معاه و قعدو ساكتين حتى
مونية:امم حبيت نقولك ميرسي على
نزيم:بلعي مازال ماهديتش
مونية شافت فيه و خافت منو
نزيم:واش هادا لي كنتي دايراتو لداخل اهدري
ماشي وصيتك ااا هدرت مع حيييط ما تفهميش
لوكان ما كمتش تما واش كان قادر يديرلك علابالك
مونية :بصح
نزيم:بلعي قسام فمك.. و يزيد لاه دايرة هادا لعجب في وجهك قوولييي
مونية:ايييه خلاص واش بيك كليتني.... واش نسيت بلي نتا لي قلتلي واحد ما يدخل فلوخر ااا اهدر
نزيم هما سكت و شاف فيها و عينيه حمورا
حبس طونوبيل فطرف طريق
نزيم:شدي امسحي هادا لي راه في فمك
مونية: ماااه ما نمسحش
نزيم:شديي
مونية:لا لاااا
نزيم لز على سنانو و كبس على يديه:شدي قسام لبابيي و مسحييي
مونية تنرفزت:قلت ما نمسحششش
نزيم :اوكي نتي حبتيها لروحك
شدها من وجها و دناها ليه و حط شواربو فوق فمها و بدا يعض فيه... مونيةحست روحها راح تومت قلبها كان يخبط فووور
و نزيم كان كل ما يزيد يعض و يمص مافاقش لروحو واش راه يدير بصح كان مستحلي
مونية فاقت و دزاتو رفدت يدها جات راح تضربو حكمها
نزيم:بلاكي تغلطي.. ديجا راني ماركيلك هدة مازال ما خلصتيها
مونية:بلاااااك تزيد تحط فمك فيااا فهمت
نزيم :راني عاقد عليك ولا نسيتي
مونية:مايهمنيش فهمت
نزيم :الله يخرجنا على خير