لا احلل النشر بدون ذكر اسمي وصال بروان
نرجعو عند دوك جوج موصيبات
ريتال:(على مائدة الفطور ) ملوكتي فيا الجوع احمباك لما طيبي ليا شيحاجة باش نفطر
ملاك : محنية او لا ناقشة بغيتي تاكلي عري على دراوعك
ريتال : وانتي عارفاني مابيني او بين الطياب غالخير او الإحسان
ملاك: خاصك تعلمي راني مادايماش ليك
ريتال: شنو كتقولي واش باغا تمشي او تخليني
ملاك: لا مي خاصك ديري واحد الحاجة في راسك انو الموت علينا حق لو ماعرفناش شكون السابق فحاولي تعتامدي على راسك شوية
ريتال: لا غاتبقاي معايا تال الموت الا مشيتي والله حتى نتبعك راه فيك مي او خويا او ختي
ملاك:مفينيش حتى باك او راجلك سلفيني وجهك غانتصور بيك دايرة هاد الدراما كاملة باش تفطري املكة الكذوب
ريتال: علاش ملكة الكذوب عمرني ما كذبت
ملاك: الله اكبر شدي السقف غادي يطيح علينا
ريتال: صافي صافي هاني ساكتة ديري ليا معاك اومليط ديال البيض او كاشير
ملاك: سبحان الله اش غانقول ليك الله يهديك هاد الهضرة كاملة حسستيني بحالا كنخوي الما في الرملة
ريتال: فيا الجوووووع اعبادالله هاد المخلوقة باغيا تخليني بالجوع 😢😢😢
ملاك: يخخ على بنادم على الماكلة كتبكي خاص غير اللي يقول ليك مزينك شدي تاكلي ما تشبعي
(ريتال غير شافت الفطور طاحت فيه طول او عرض او مشات عينيها للطبسيل ديال ملاك)
ملاك: اوتقولي واش نعطيه ليك
ريتال: احمباك غير شوية مالكي جيعانة عفاك فيا الجوع
ملاك: لا هي لا خليني نفطر على خاطري او لا نلسق مك مع الحيط
ريتال: واغير دويقة فيا الجوع عرفتي المشكيلة اللي فيك انك ماغاتاكليهش كامل حني فيا غير شوية
ملاك: نحن فيك مالني مزوجة بيك
ريتال: راه الصدقة على اليتامى زوينة
ملاك: شدي اوف تاكلي او ما تخلي اللي ياكل تاكلي فيه السم تموتي او نتهنى منك
ريتال : مقبولة منك تدعي عليا او ما تخلي اللي يدعي عليا
ملاك : سربي البشار ياله نمشيو لافاك قبل ما نتعطلو
ريتال: راه كيف مشينا بكري او لا تعطلنا اليوم شي حد غادي يتعطب من شي قنت في ديك لافاك
ملاك: علاش شنو سبب
ريتال: حيت نتي ايديك سابقاك
ملاك:ياك ابنت الهم الا بقيت طيبت لطواسلك شي حاجة جي عكري ليا
ريتال : واخة ولكن بإينا لون..
#يتبع
أنت تقرأ
قلب من حجر
General Fictionهاد القصة كنهديها لكاع البنات اللي كيبكيو على فراق شي دري او لا على شي غولاصيون ماكينش لاش تبكي الحبيبة ديالي هو ميستاهلش تاشي دمعة من عينيك او حتا الدراري اللي كيلعبو على بنات الناس او لا اللي كيعانيو من الغدر اتمنى لكم امسية سعيدة مع قصتي قلب من ح...
