القصة: قلب من حجر
الكاتبة: وصال بروان
لا احلل النشر بدون ذكر اسمي
نخليو ملاك مضاربة مع ديك الروينة او نمشيو عند واحد الضيف جديد علينا 🤔🤔🤔
في واحد الغرفة صغيرة مافيهاش شي شرجم كيطل على برا مي بلاتي اش كنشوف بعينيا لاش كينين هاد القراعي كاميلين مي كتفوح من هاد الغرفة ريحة زوينة بحال عطر مميز كيجدبك لعند صاحبو أكثر او اكثر كين واحد الراجل جالس فوق الكرسي كيحاول يصيب شي حاجة مي كيبان معصب او هو كيصيب كينفخ او يصوط او تاحاجة ماعاجباه تاضرب ايدو مع الطابلة او توجه لواحد الحيط كتوسطو صورة لبنت ملامحها ماواضحينش بسباب الظلمة اللي كينة فيديك الغرفة
الراجل:(شعل الضو ) نتي السباب في كلشي علاش نتي بحال هكا علاش انا اصلا معصب منك علاش ماكتخلينيش نركز علاااش او علاش انا اصلا حاط تصويرتك هنايا عندي في بلاصتي المفضلة علاااش علاش نتي بوحدك اللي قدرتي ترفعي عليا صوتك او تعالاي عليا شكون تصاحبي راسك شكون نتي أصلا في ملك الله علااش تامن الريحة اللي كنت باغي نصاوب بسبابك خسرات علااش ماقاداش نركز اووف ياربي معرفتش شنو وقع ليك واش نتي بيخير دبا او لا لا وانا مالي او مالها اصلا اوووف غانحماق انا مفيهاش الشك
صوت من اللور: خويا مالك داير في راسك هاد الحالة راك شفتيها مرة وحدة راه ماشي معنيتها انك غاتبقى ديما تشوفها راه اصلا ديك المرة كانت غاصدفة او صافي اجي اش هاد الريحة اللي كنشم اححححح الله على ريحة(مشات ناحيت ديك القرعة اللي كان خدام عليها او هزاتها) احح شحال ريحتها زوينة او كتخليك تولي مهووس بصاحبتها(كتشم الريحة او تعاود تشم فيها ) عرفتي هاد الريحة كتخلي الواحد يكون بحالا مخدر واكل لادرووغ او كتخليك الله ياخويا ارا نبوس ايدياتك عليها 😘😘😘😙😙
الرجل: اشمن زوينة او لاسيدي بوزكري ماشي هي الريحة اللي باغي انا نصاوبها
البنت: واييه عارفة ماشي من الريحات اللي موالف كتصيب هادي ريحة مميزة اكيد مولاتها خاصها تكون بشخصية قوية عنيدة مكتحضرش الراس قلبها قاصح عندها غير نيشان مي الأنواع ديال الريحة اللي موالف دير نت راقية او في نفس الوقت زوينة او مامجهداش يعني بحالا هي كتخاف على راسها باش تبان للعالم كتكون هاد الريحة عند البنات دوات الشخصية الهادئة ماشي بحال هادي اللي صيبتي دبا راه غادية تكون بحالا مخدر اللي كيشمها(او هزاتها لنيفها باش تعاود تشم) صافي اخويا وليت كنحبها عشقتها بزااف او نقول ليك اكيد هاد الريحة غاتكون سبب في تغيير حياتك
الرجل: اش كتقولي انادين
نادين: الحمد لله مني باقي عاقل على سميتي هههه كنقولها او نعاودها مولات هاد الريحة غادية تدخل لقلبك بلاما تحس او هاني فين قلتها انزار
نزار: شكون هادي اللي غادير بحال هاد الريحة شكون
نادين: إلا مابغيتيهاش أراها ليا انا بغيتها(او هزاتها) اجي اش بغيتي تشرب قهوة او لا عصير
نزار: الليل هذا ياكما باغيا تصهريني عوتاني هههه راني خدام في الصباح
نادين: خويا نسولك او ماديرهاش مني قلة الصواب
نزار: ههه مامولفاش ليك هاد الصواب كامل دخلي في الموضوع ديريكت
نادين: علاش نت كتصايب الروايح على الأشكال او الأنواع او مكتخرجهمش للسوق زائد على ذلك عندك وظيفة مزيانة فراك استاذ جامعي و طبيب نفساني في نفس الوقت فا علاش كتختارهم بجوج
نزار: ههه بغيتي تعرفي سمعي كل واحد فينا عندنو شي هواية كيفضلها او كتعجبو بحالك نتي(اوجر ليها نيفها) كيعجبك القرايا ديال الكتوبة او القصص او الهواية ديال آدم(خوهم المتوسط ) كيعجبو السباحة هوايتو كيلقى راحتو فيها ولكن مثلا انا فكيعجبني نصيب الروايح او العطور على الأشكال او الأنواع كنلقى راحتي النفسية هنايا او كيعجبني نشم الروايح او هما ياله كيتصاوبو او قضية علاش مكنخرجهمش للسوق كتبقى قضية اختيار ديالي فأنا مصيبتهمش باش نخرجهم نوريهم العالم نو لا صيبيتهم باش نقلب على مولاتهم حيت غايجي شي نهار او غانلقاها او غادي نعطيهم ليها حيت كل ريحة كتقلب على بنت اللي غاتناسبها او انا خاصني نلبي رغبات كل نوع مي انا بغيت بنت وحدة اللي تكون بالصفات كاملة باش تستحقهم كاملين
نادين: بديتي كتفلسف تاني سير تنعس الله يرحم ليك الوالدين او متبقاش معصب راه الأعصاب ماعندها فاش تفيدك غير كون هاني
نزار: سيري دبا نجمع ختي بنص
نادين: هايهاي على المشرمل تشرملتي اخويا شكون يقول هذا هو اللي الأستاذ اللي كيقري امة ديال البشر شكون قال انو هذا هو نفس الشخص
نزار:(خرج او سد الباب ديال داك البيت ) بونوي بب
نادين:صافي هاني غادية بلا دفيع تصبح على خير يا أحسن اخ في الدنيا كاملة 😘😘😘
#يتبع
أنت تقرأ
قلب من حجر
General Fictionهاد القصة كنهديها لكاع البنات اللي كيبكيو على فراق شي دري او لا على شي غولاصيون ماكينش لاش تبكي الحبيبة ديالي هو ميستاهلش تاشي دمعة من عينيك او حتا الدراري اللي كيلعبو على بنات الناس او لا اللي كيعانيو من الغدر اتمنى لكم امسية سعيدة مع قصتي قلب من ح...
